السلام عليكم
حطيت الموضوع بخيمه تجهيز السيارات و شكلها ماكان المكان المناسب
هنا يمكن فيه شباب فاهمين بهالشغلات و يفيدوني
السالفه الله يعافيكم انا شريت شيروكي قريب و فيه شرخ بالشاصي بالخلف و ماشريته الا بعد الفحص و عندي علم عن الشرخ و راعيه الاول ماكان يعرف بهالشرخ
الموتر ماشاء الله نظيف محركات و قير ودفرنس لكن عذروبه هالشرخ اللي بالشاصي
الموتر مركب له ونش كهرب بالخلف و بعد التسدح و التبطح اسفل السيارة اتضح لي ان سبب الشرخ هو الونش و شكله كان يسحب بالونش قلص او شيء وزنه ثقيل و الشيروكي ماهو مخصص لسحب الاشياء الثقيله و بما ان الونش مركب بالشاصي فـ شكله تأثر و انشرخ على جهه اليسار بالخلف .. هل فيها خطورة ؟ او هل فيه ورش ممكن تصلحها ؟ وش الطرق الممكنه .. التلحيم ؟ او ينقص الشاصي من المكان المتضرر و اجيب كمر من التشليح مثلاً ويلحمه على شاصي موتري ؟ مع اني ما اميل لهالطريقه ودي لو يكون فيه حل بدون القصقصه واللخبطه لأن الشرخ بسيط ولا يأثر مره لكون الخوف بالمستقبل انه يتمدد زياده و يسبب ما لا يحمد عقباه
افيدونا ..
هذي صورة للشرخ :