اية افضل اللاندكروزر ولا نيسان بترول

جودة الهيكل الخارجي النيسان باترول افضل والسعر بعد

لاكن الداخلية اللاندكروزر احسن بس سعره غالي بالحيل

الله يعطيكم الف صحه وعافيه على مجهودكم

اللاند كروزر يناسبك أكثر كأمرأة .. خلوص أرضي أقل

وصيانة منتشرة .. ومحركات أنعم من الباترول الشرس

بإختصار يناسبك اللاند .. وأنا من ملاك الباترول ومجرب

الأثنين .. الباترول محركة وآداءة وثباته أقوى .. والداخليه

أجمل من اللاند والخارجية أجمل .. لكنه شرس وركوبه

صعب زي ما قلت .. بإختصار اللاند يناسبك أكثر .

بصراحة هالسارتين جبابره وابدااااع وكل وحده تقول الزود عندي

فعلا خيار صعب بينهم ... بس سواء اخذت اللاند او الباترول انت الكسبان في كلا الحالتين لانك اخذت افضل سيارتين متربعين بقمة الهرم لسيارات الدفع الرباعي

بس بالنسبه لي افضل شكل الباترول من الداخل والخارج واحسه افخم ... وماشاء الله الى الحين كل اللي استخدموه ما اشتكو منه ... بس في نقطه مهمه في بعض الشباب اشتكو من مكيف الباترول انه في الصيف يكون ضعيف شوي (والله اعلم)

ادخل على موقع ( نيسان ارابيا ) عندهم قسم خاص عن الباترول تقدر تستفسر
ادخل على موقع ( تويوتا ارابيا ) عندهم قسم خاص عن الاند تقدر تستفسر

لو جربت الباترول الجديد راح يتغير رائك لان كل اللي المميزات اللي ذكرتها الباترول يتفوق فيها من جميع النواحي و امس كانت لي تجربه للانفنيتي QX56 و جيب لكزس LX570
الشي الوحيد اللي يتفوق فيه جيب اللكزس بفارق طفيف جدا هو راح المقاعد الاماميه افضل من جيب الانفيتي.
الباقي اشوف جيب الانفينتي افضل و خصوصا سلاسه القير و عزل الهواء و راحه السياره في المطبات.

اللاند اذا كان يحمل العلامة

VXR V8 5.7 فل وارد اليمن او الامارات فهو صح قاهر الصحراء لانه ياتي كامل المواصفات ويطلق عليه لكزس بعلامة تويوتا الام

اما غير هذا فصوتي يروح للباترول

ليس انتقاص من معشوقتي اللاند ذات المحركات الاقل ولاكن بسبب تلاعب الوكيل في بعض الفئات يعطي الحق للانتقاد

بالنسبة لي يكفي السيارتين تخرج من بلد واحد وهو اليابان ~ واحد قاهر الصحراء والاخر بطللاً للدروب

بما اني مجرب gxr فل كامل 8 سلندر 2012 بصراحة موتر لا يعلى عليه أبدا
ناقصه مراتب جلد وأزرار تحكم من المقود

المميزات اللي حبيتها فيه
عزله الصوتي رهيييب امشي 180 كانك ماشي 80 ماشاء الله
امتصاصه للمطبات بشكل رائع جدا .. ينافس السيارات الفارهه
عزم الماكينة ممتاز جدا
سلاسة القير والتبديل بين السرعات بشكل مريح وسلس
جودته الاعتمادية

بلنسبة لي شكل اللاند أحلى من الباترول خصوصا مع الليد الامامي والكت الامامي والخلفي

واخيرا عليكي بالاستخاره

انا الوالد كان محتار بين الاثنين فل واختار الكروزر بس انا بقولك ميزات الاثنين البترول عزم اقوى تسارع افضل مكيف خلفي اقوى تقنية اعلى شكل داخلي اجمل واوسع الكروزر يمسك سعره قطعه ارخص اعتمادي وجودة اعلى مكيف امامي تفضل شكل خارجي افضل ... هذا وبالله التوفيق

أرشح لك اللاندكروزر ولكنه غالي جدا وفيه سيارات بحجمه وأفضل منه

عندك التاهو من شفرولية ... يشيل 8 أشخاص ... عيبه ان شنطته صغيرة ويبدا من 134 ألف ريال كاش

عندك اليوكون نفس ميزات التاهو الفرق إنه GMC

فيه اليوكون إكس إل من Gmc والسوبربان نفس مميزات التاهو بس فيه شنطة انا أنصحك فيهم لانه بيخدمك في أغراض السفر أو طلعة بر


والله يعطيك يوفقك

اللاندكروزر اذا لم يكن في اكس ار .. فهو لا يستحق ان يطلق عليه لاندكروزر :)

الباترول :
8 سلندر و صرفية ممتازه تقريبا مثل ال6 سلندر و عزم ممتاز و السياره خفيفه نفس بالسواقه
مواصفات اكثر بسعر اقل
فخم و واسع من الداخل
مكيف بارد
اعتمادي و قليل اعطال
يتوفر بكاميرا خلفيه من المصنع
قطع غيار متوفره خصوصا بالامارات و اسعارها رخيصه جدا مقارنه في باقي دول الخليج
شكل جديد ماراح يتغير بشكل كامل الا بعد 4-6 سنوات على الاقل

الكروزر
6 سلندر صرفية ممتازه
عزم عادي جدا
مواصفات شبه معدومه
تنعدم الفخامه الداخليه
اقل سعه داخليا من الباترول
مكيف بارد
اعتمادي و قليل اعطال
الكاميرا الخلفيه متوفره في الفل اوبشن من المصنع اما باقي الدرجات يتم تركيب كاميرات تجاريه من قبل الوكيل.
قطع الغيار متوفره في جميع دول الخليج و اسعار القطع في ارتفاع مستمر من ثلاث سنوات
شكل قديم من 2008 احتمال يتغير كليا خلال 2-3 سنوات بالكثير


الشكل الخارجي ما اقدر اعلق عليه لانه ذوق شخصي

تسلون والله .. الله يعطيكم العافيه . بس اشلون عن قطع الغيار والصيانه

الباترول أفضل بالنسبة لي

شكله حلو و رائع

و مواصفاته ممتازة

هالسيارتين بالذات كل موضوع ينزل عنهم يصير فيه خلافات

لذلك اترك الامر للمختصين لكن بالنسبة لي البترول افضل لعدة اسباب اهمها

- شكل احلى
- افخم واوسع من الداخل
- التكنلوجيا الي فيها اكثر

لي زميل يملك لاندكروزر 2008 وركب مع صديقه يملك باترول 2010 تحسف اشترى الكروزر !!

وينكم يا جماعه