مشورتكم هوندا أكورد ولا تويوتا كامري 2013

يعطيكم الف عافيه والله كفيتوا و وفيتوا
اما للأكورد من جد احسها مره غاليه على سعرها سياحي بـ86
و الكامري شكلها مو ذاك الزود لاكن ماتفرق عن الاكورد الا ان سعرها بـ 80 و فيها حساسات
والله شي يحير مرات اقول ازودها 6الاف واخذ اكورد وش ابي بالحساسات اقدر اركبها و مرارات اقول والله كثير على السياحي قبل سنتين كنت اقدر اشتري فل الاربعه سلندر بـهالسعر.
الله يجزاكم خير صحيح مافيه غير الأستخاره.

'




أولاً الأستخاره ثم الأستخاره
ان شاء الله ان اخذت الاكورد او الكامري ماحتندم لسبب ان الاكورد عمليه جداً وحقت كرف وجلد ماشاء الله عليها ومرغوبه
والكامري عمليه وتمسك سعرها وكيلها صيانته ممتازه جداً
الاكورد تتفوق ب الجوده والمواصفات متقاربه
لكن الشكل الاكورد اجمل

موفق


،

والله انا الاكورد عآجبتني وماني عآجز عنهآ ولله الحمد ,

لكن ورربي ماحط في سياحي بفتحه 97 و4 سلندر بعد !!!

ياخي هبال والله ماصار !

الاكورد ياتاخذها 6 سلندر فل كامل الي تجي بـ3 كميرات وقيمتها 130 الف

ولا لاتاخذ اكورد


انصحك بالكامري خصوصا مواصفات الكامري اكثر بـ100 مره من الاكورد
وصراحه داخليه الكامري رايقه جداً ^^ مع اني ماأطيق تيوتا الا الحق ينقال

انصحك بشده في الكامري
او سوناتا فل كامل بـ92 الف ريآل لكن مواصفات امان كامله , من والى

تبريد وتسخين وثلاجه في الدرج وبانوراما وغيرها !

الاكورد تنافس الافالون تجي انت الله يهديك تقول وش رايكم كامري ولا اكورد اكيد اكورد وانت مغمض

الاكورد تستاهل لانها تجي مثل ماهي من المصنع

وبعدين تعرف وش ميزة الستاندر ؟؟؟؟؟؟؟؟؟؟؟

قير اوتو وقزاز اوتو وفوق هذا مسجل سيديات ومعك بعد انوار ليد نهارية تلقائية وعندك ايرباقين وعندك ايضا حجم داخلي اكببر من الكامري وعندك صندوق واسع جدا