كيفكم شباب..ارجو مساعدتكم
انا نويت إشتري سيارة مستعملة (المهم تكون ياباني وتستحمل كرف)
المهم بعد التدوير والمعاناة مع السيارات المستعملة (لإن حدي بالكثير 20000 ريال) لقيت سيارتين واحترت بيناتهم
الأولى...نيسان صني موديل 2008 (الشكل القديم حق 2006)
مميزات السيارة__إنها نظيفة جدا واستخدام من رجل متزوج كان يعتني بالسيارة كثير ويبي يبيعها علشان يبغا ياخذ سيارة أكبر
ماشية 165000 كيلو
جير اوتوماتيك
فحصتها السيارة تمام 100%
المكيف جيد
عيوب السيارة___السيارة كلها هندل (اي انه نص فل) حتى فتح ابواب السيارة يكون باليد
صوت محرك السيارة شوي عالي
سعر السيارة:20000 من الاخر (الرجال كان يبغى 25000)
========================================
الثانية...مازدا زووم 6 موديل 2007
بصراحة السيارة لم اطلع عليها كثير..بس عجبني شكلها
ماشية 175000 استخدام واحد شب يبي يبيعها علشان يشتري سيارة ثانية
السيارة نص نظيف (نقول وسط) بها بعض الخدوش
جير عادي واوتوماتيك ابواب كهربا ويوجد بها نظام ABS ولاتحتوي مثبت سرعة
سعر السيارة:18500 من الاخر
هنا انا ضعت لذلك حبيت أسألكم واستشيركم اي سيارة اخذها وش تنصحوني
بالنسبة لي قلبي مايل للمازدا ولكن عقلي يقلي صني لإنها انظف وقالولي عليها تستحمل كرف
انا اهم شي اي واحدة منهما تجيب سعر وقت اجي ابيعها (اي انه لا ينزل سعرها كثير)
رجاء ابي مساعدتكم والله يعطيكم الف عافية ويوفقكم
طعا الرجاء النصح خلال هاتين السيارتين فقط (علشان مابي احد يجي ويقول خذ كورولا افضل لان سعرها غالي )