وعليكم السلام ورحمة الله وبركاته اخوي ابو مشاري ..
اول شي طال عمرك الطرازات القويه اللي مثل هالطرازين الافضل لك انك تشوفها على الطبيعه عشان تشبع غرورك وتساؤلاتكمن جميع النواحي لانك ببساطه راح تكتشف كثير من الامور الرائعه واللي الكثير مايعرفها عن مثل هالطرازات .. وحتى الاعلام بكافة اطيافه لم يتطرق لها ..
انا راح اعطيك نبذه عن بعض الامور اللي طلبتها واتمنى اني افيدك ولو بشي بسيط ..
= = = = =
اولا : Mercedes Benz CLS 63 AMG Performance Package
المحرك : سعة المحرك 5.5 ليتر .. V8 Biturbo ( ثنائي التوربو ) ..
القوه الحصانيه : يعطي المحرك قوه حصانيه تبلغ 557 حصان ..
ناقل الحركه : بتقنية SpeedShift من 7 سرعات اوتوماتيكيه ..
الاندفاع : على العجلات الخلفيه
السرعه القصوى : 250 كلم ( محدده الكترونيا ) ..
التسارع : من صفر - 100 كلم في 4.3 ثواني تقريبا ..
اما المواصفات .. فهي تأتي بعدة مستويات من الاناقه والقوه وبالامكان انك تجمع بين الاناقه والقوه حسب طلبك ..
التميز والاعتماديه : هي سياره AMG الفرع الرياضي لمرسيدس بنز يعني التميز والقمه في كل شي وفي كل التفاصيل .. ولاتنسى انها سياره المانيه يعني من ناحية الاعتماديه شي ثاني وعالم ثاني .. وهناك برنامج Designo للطلبات الخاصه من مرسيدس بامكانك تختار الوان داخليه وخارجيه والعديد من التجهيزات اللي تميزك عن غيرك ..
السلبيه : مااتوقع تكون سلبياتها كثير لكن الشي الوحيد اللي ممكن يكون سلبي فيها هي القساوه في الطريق والقياده بحكم انها سياره رياضيه من الطراز الرفيع ..
السعر : اتوقع سعرها يبدأ من 450 الف ريال وانت طالع يعني اتوقع توصل لحد 600 الف ريال بالراحه ويمكن يزود ..
+++++
ثانيا : Porsche Panamera Turbo
المحرك : سعة المحرك 4.8 ليتر .. V8 TwinTurbo ( ثنائي التوربو ) ..
القوه الحصانيه : يعطي المحرك قوه حصانيه تبلغ 500 حصان ..
ناقل الحركه : بتقنية PDK من 7 سرعات اوتوماتيكيه ..
الاندفاع : على كل العجلات ..
السرعه القصوى : 303 كلم ( محدده الكترونيا ) ..
التسارع : من صفر - 100 كلم في 4.2 ثواني تقريبا ..
المواصفات : ايضا هي تأتي بعدة مستويات من الاناقه والقوه والمجال مفتوح مع شركة بورشه من هالناحيه ..
التميز والاعتماديه : هي بورش باناميرا واذا ذكر هالاسم معناه التميز والخصوصيه .. ( للمعلوميه .. هناك موديل اعلى من بورش باناميرا توربو هو بورش باناميرا توربو اس ) ويفرق عن هالموديل بعدة مزايا ..
السلبيه : قد تكون السلبيه في بعض الامور اللي تأتي بعد مرحلة الشراء مثل الصيانه وتحمل التكاليف ..
السعر : اتوقع سعر باناميرا توربو يبدأ من 480 الف وانت طالع على حسب التجهيزات ..
+++++
اخيرا .. هي سيارتين في القمه وتستحق الاقتناء لانها تمثل التميز والروعه في كل شي .. اتمنى اقتناء هالسيارتين لاني اعشقها جدااااا ..
