احيلك على موضوع شاركت به فيه الساحة العربية:
اللي اعرفه ان الجنوط التجاريه بشكل عام تسبب رجه في السياره بعد سرعة 140، وان الجنط التجاري يفرق كثير عن الاصلي وتركيبك له يعتبر مخاطره لأنه ضعيف مره وما يتحمل اعرف واحد انكسر عنده الجنط مره وحده عشان مطب بسيط.
بالنسبة للخرط ممكن يفيدك في مسألة الرجه لكن ما يفيدك من ناحية مستوى الامان خطر انه ينكسر عليك في اي لحظه او اي مطب.
ولاحظ معي ان الجنط التجاري وزنه ما يجي ربع وزن الجنط الاصلي، وحق الوكاله مصنوع بمقاييس خاصه وما يتشابه مع التجاري الا بالشكل. ولا وش يخلي الاربع جنوط التجاريه للكامري مقاس 15 بـ 850 ريال والجنط الاصلي الواحد حق الوكاله بـ 900 ريال ( يعني 850 ريال للاربعه مقابل 3600 ريال).
نصيحه لا تغامر عشان الشكل ولا تنسى ان جنط 16 على الكامري ما راح يكون مريح يعني يمكن يعطيك شوية رساوه لكن بيكون هذا على حساب العزم وصرفية البنزين وممكن يأثر على العكوس بعد لأن السياره مصممه لجنط 14 وبالكثير 15.
خلاصة الكلام وخذها مني جنوط 16 ان شاء الله ما راح يكون لها تأثير كبير بس اهم شي تختار مقاس كفر مناسب معها اعتقد بيكون 215 / 60 / R16 او شي قريب من كذا على العموم بيفيدك فيها المحل اللي بتركب عنده الجنوط. هذي المسألة الأولى وانحلت اللي هي العزم وصرفية البنزين وغيره.
نجي للمسألة الثانيه وهي الامان، بالعربي وين تبي تلقى جنوط اصليه - الله اعلم -، ان كانك لقيت جنوط اصليه توكل على الله مع اني ما اظنها متوفره عندنا بالسعودية ولو لقيتها بتكون غاليه مو اقل من الف ريال للجنط الواحد اذا فعلا اصليه.
تحياتي،،،
