الوالد يبي إكسبدسن وش رايكم ؟؟

ايه صحيح لا تضلل عندهم ولو ببلاش
ضللنا التورس عندهم و كانت جدا الجوده سيئه
وغيرنا التضليل كامل مرتين لكن دون فايده التضليل زباله

ليست هذه الفروق الوحيدة

فتوجد فروق عديدة

مثلا ليش ما إتكلمت عن السماعات وعن الحساسات وغيره ؟

..


الاكسبدشين مرااااااتبه قاسية !!!!!!:c0214::c0214:

معليش الغالي ياليت تأكدت من المعلومة هذه ... موجود عند الوالد 2009 وانا 2012 وبسم الله ما شاء الله في السفر ولا احلى ةعزل ولا أروع ....

وشكراً لنفسي ع المعلومات

شكرا أخ مالك* عالمعلومات
وشكرا لك أيضا اخ samaction عالصورة

عندك اليكون نفس الشي
ازاريره كلها تتمسح بعد فتره

اللون يزيد 2000 ريال

تفضل اخي
http://a4.sphotos.ak.fbcdn.net/hphotos-ak-snc7/418146_10151268459615084_512825083_23021988_1614914713_n.jpg

دام الوالد ما يبي الا اكسبديشن الله يطرح له البركة

الاكسبديشن متطور وفي انظمة حلوة منها نظام نزول المنحدرات,

يعني تحط الزر هذا وانت نازل من الهدا مثلاً عشان ما تستخدم الفرامل كثير,

هذا النظام بلحسة فرامل يرد لك نمره ويهدي السيارة.

في نظام ماي كي و فيه بلوتوث

السيارة مشيتها حلوة وناعمة وراسية ( الرساوة ماني متاكد منها )صوت الهوا طبيعي زي اليوكن,

وصوت المكينة مرررة هادي المقاعد الافضل في فئتها, وعن تجربة

المكينة قوية ما شا الله ونفس الكلام مع الدبل, استهلاك البنزين متوسط اعلى من اليوكن

عيبها الوحيد مثل ما ذكرت الديكورات الداخلية جودتها سيئة, جرب خبط عالطبلون,

وشوف البلاستيك المحيط بالباب الخلفي ( الشنطة ) تلقاه مفكفك,

ورا آخر كرسي عاليمين واليسار بلاستيك ضعيف باصباعك تفغص فيه


المهم مبروك مقدما وهذي الايجابيات والسلبيات , والله يوفقك

والاخوة اللي يقولو تعصب, والله ماهي شركة ابوي, هذي وجهة نظري

اذا عجبتك خذها وان ما عجبتك اتركها, وخلاصة تجاربي الكثير

طلعت بالسيكويا ثم الاكسبديشن ثم الارمادا ثم التاهو واليوكن

يعني القير مثل اليوكن
فيه خيار M ولا D3 D2 D1 ؟؟؟

واللون الؤلؤي يرفع السعر ولا لا ؟؟؟

انا ابوي عنده الفل 2011 قصير
مرتاح فيه
القير فيه نمر
الفل اتوقع الوحيد اللي فيه كامره والشاشه تيجي بالمرايه عندنا
اخذناه ب 149 الف

شكرا أخواني ع التفاعل

الوالد يبي قصير بدبل
وما يبي يوكن ولا سيكويا ولا ارمادا
يااكسبدشن يا كروزر ولاكسبدشن افضل


بس عندي كم سؤال
١- يجي كاميرا خلفية ؟
٢- القير فيه نظام التحكم بالنمرة زي اليوكن ولا لا ؟

صراحه اذا الشايب يبي راحته والعائلة مب كبيرة مره خذوو قصير

الطويل سواقته قرف بمعنى الكلمة ...


على الاقل كانه متعود على الجيوب مب حاس بفرق كبير مع الاكسبدشن القصير

اي والله المتعصبين و المجانين :a120(115): كثروا

السلام عليكم ..

كالعادة الرجال يسأل عن سلعة محددة وينقلب الموضوع مقارنات وتعصب ..


المهم أنا لي أكثر من شهر أقارن بفئات الأكسبدشن .. جمعت كل المعلومات والأسعار

راح أذكرها لك بالتفصيل ... وما نبي من الوالد غير الدعاء ...


أولاً أنت حدد تبي أكسبيدشن طويل ولا قصير ؟

الطويل يسمى EL

فئات الأكسبدشن كالتالي :


XL = أقل فئة .. الصدامات لونها أسود

بدون بلوتوث سعره 118000 القصير

وفي نوع منه يجي بلوتوث سعره 121000 ( قصير )

والداخلية لونها رصاصي

*************


النوع الثاني XLT الفئة الوسط

الصدامات نفس لون البدي + بلوتوث + نظام سينك + حساسات خلفية + الشبابيك الخلفية تفتح على جنب للتهوية ..

هذا سعره بدون دبل قصير = 127000

نفس المواصفات قصير + دبل = 139000

نفس المواصفات طويل EL بدون دبل = 134000

نفس المواصفات طويل EL + دبل = 146000

*******************

نجي هالحين لفئة الليمتد :

مراتب جلد + مراتب كهربائية كاملة للراكب والسائق

المرتبة الثالثة كهربائية

أعتقد تسخين مراتب

دعاسات خارجية كهربائية

جنوط 20 ألمنيوم لماع

الأنوار الأمامية مكحلة

الأسعار : مش متأكد منها بالضبط لفئة الليمتد القصير

القصير يدون دبل = 152000
القصير بالدبل = 164000


الطويل الليمتد بدون دبل = 162000
الطويل الليمتد + دبل = 174000

وللأسف الليمتد يجي بدون نافيقيشن وبدون شاشة دي في دي بالسقف ..



ميزة فورد الضمان = 5 سنوات أو 200 ألف كيلومتر

بس لازم تستمر معهم بالصيانة الدورية كل 8000 كم

أسعار الصيانة الدورية معقولة تتراواح بين 300 إلى 500 تقريباً


من مزايا الأكسبدشن

القير 6 نسب على جميع الفئات

المحرك بقوة 310 حصان جميع الفئات

نظام سينك للأوامر الصوتية متوفر على أغلب الفئات

مرتبة السائق نصف كهربائية متوفرة على جمبع الفئات

طبعاً الأسعار هذي في الوقت الحاضر مع عرض الخصومات + قيمة اللوحة والاستمارة والتأمين

وعلى كلام المندوبين أن العرض فترة وينتهي وترجع الأسعار مثل أول تقريباً زيادة 3000 على كل فئة



وعندهم عروض الأكسسوارات كالتالي :

تظليل كامل السيارة وحماية واجهة السيارة وتعقيم المكيف والمراتب بــ 4600 ( غالي ومايسوى )

تركيب دي في دي بالسقف بــ 2700 ريال ( غالي جداً )

تركيب شاشة نافيقيشن على المرايا الداخلية مع كاميرا خلفية 3100 ريال ( جداً جداً مبالغ فيه )

بس ميزتها كلها عليها ضمان بعضها 5 سنوات وبعضها سنة ...

وأي استفسار أنا حاضر ..

سلام عليكم

عن تجربة لليوكن 2009 واكسبديشن 2012 و 2011 وارمادا 2005

السيكويا افضل منهم كلهم, وهذي نصيحة لوجه الله,

اليوكن هذا الاخير بينهم.

الارمادا جداً راسية, لكن صوتها عالي وخراباتها كثير, غير قطع الغيار اللي كأنها بي ام

الاكسبديشن, حلو بس ديكوراته الداخلية جدا سيئة, وفي المشية السيكويا افضل بفارق بسيط

السيكويا ضخمة يعني يبالك تتعود على سواقتها, مكيفها ما شا الله فريزر, وراسية وهادية ولينة

لا تاخذ اللمتد لان مقاعده قاسية خذ اقل عشان مقاعد القماش طيبة .


انصحك بالسيكويا , تراها الافضل.[/QUOb

سلام عليكم

عن تجربة لليوكن 2009 واكسبديشن 2012 و 2011 وارمادا 2005

السيكويا افضل منهم كلهم, وهذي نصيحة لوجه الله,

اليوكن هذا الاخير بينهم.

الارمادا جداً راسية, لكن صوتها عالي وخراباتها كثير, غير قطع الغيار اللي كأنها بي ام

الاكسبديشن, حلو بس ديكوراته الداخلية جدا سيئة, وفي المشية السيكويا افضل بفارق بسيط

السيكويا ضخمة يعني يبالك تتعود على سواقتها, مكيفها ما شا الله فريزر, وراسية وهادية ولينة

لا تاخذ اللمتد لان مقاعده قاسية خذ اقل عشان مقاعد القماش طيبة .


انصحك بالسيكويا , تراها الافضل.

مب زين الواحد يشذ عن الاخرين ههههههههههههههههههههههه امزح

لكن شكل الوالد يبي يصير مميز عن الباقي ...

خل الوالد يجرب سواقة السيارة تست درايف على الاقل ...

لاندكروزر لو يقولون بـ 100 الف ما شريت

حمل هذا البروشور وشوف المواصفات