سلاااااام عليييكم
توني جاي من مكه بعد رحله عمره ووصلت للخبر ولاكن الـ x5 لسى ماوصل والسبب مايلي
قبل لا اسافر دخلت السياره عن ابو انس في الدمام وهو احد الفنيين الجيدين واللي تعرفت على ورشتة عن طريق المنتدى
كان عندي دخان ابيض والحمدلله طلعت المشكله بلف ثلاجه بعد ان قرر عليه بعض الورش جلد بلوف
وقبل لا اسافر وبعد ان طلعت السياره كان فيه نتعه في السياره وحتى اثناء التشغيل تحس زيادة في العزم وتغير صوت المحرك
وقالي ان المشكله في اربع حساسات للمحرك وتكلف تقريبا 2000 ريال بقيمة 500 ريال للواحد
بعد سفري الحمدلله اختفى الدخان الابيض لاكن اذا كانت السياره واقفه لفتره ودعست نصف دعسه تقريبا يظهر زي الدخان الازرق الخفيف
ويختفي بعد الدعسه حتى لو دعسة للاخير ما ادري هل للاحساسات دخل لان عزم المحرك مو صافي
الشي المهم واللي خلاني اترك السياره في الرياض واشحنها مع البسامي
الهيدروليك من يوم شريت السياره وانا ملاحظ اني لاوقفتها في مكان مو متساوي لفتره تنزل من الخلف
طبعا 2007 جا هيدروليك خلفي فقط وقالي ابو انس هذي الكعكات فيها ضعف قلت لاجيت من سفري اشوفها
المهم وانا راجع يوم وصلت القويعيه قبل الرياض 200 كيللو تقريبا حسيت السياره تلعب من الخلف مو ثابته وطلعت لي او اشتغلت جميع لمبات التحذير
ووقفت ولقيتها طايحه من الخلف وفصلت البطاريه نص ساعه وارتفعت السياره واختفت المبات كلها ويوم وصلت الرياض وطفيت السياره رجعت نفس المشكله
وصار الماتور يعبي لاكن بعد التعبئه تطيح السيارره من الخلف
وخفت تتطور المشكله للمساعدات وقلت اشحنها افضل
والمشكله الاخير واللي من زمااان فيه قبل البلوف هي مشكلة تعطل التلفزيون والكميرا الخلفيه وبصمت الصوت والبلوتوث
وقالولي ان المشكله في جهاز التحكم الخلفي والى الان ما بحثت عنها بسبب انها مشكله ثانويه
الان بختصار // وش رايكم في مشكلة الدخان الازرق اللي يجي ويروح ومشكلة الهيدروليك