اكيورا تقدم اسطورتها العائدة الخارقة NSX ومفاجئة لعشاق الماركة في المنطقة

ابداع في التصميم

ياسلاام شركه اكيورا بشحمهاا ولحمها بتتجي عدنا فل الخليج هاا الخبرر من زماان كنت اباا اسمعه والحمد الله اليوم اني اسمعه انه بتكون مع عوندا جنبا الا جنب خخخ
واخيراا بتتوفر قطع الغيار حقها معنه في سيارات من شركه اكيورا ناس هني عدنا تشتريها من امريكا ومشكلتهم مايحصلون لها قطع فيشوفو قطع هوندا عليها
واهم ماافي الموضوع بعد انه اسطوره nsx ترجع وان شاء الله يكوون 6 سلندر تنفس طبيعي وتوصل 500 حصان يارباااه :rolleyes1:
ومشكور عل حصريات يارعي الحصريات

Acura

مازال يجهلها الكثيرون ومازال البعض يشكك في منافستها للإنفنتي أو اللكزس

فقط بسبب عدم دخولها للسوق الخليجي منذ أن أنشئت

وللمعلومية الفرع الفاخر لهوندا وهي أكورا أنشئت قبل إنشاء تويوتا للكزس ونيسان لإنفنتي

ولكن الشركة تعتمد على السوق الأمريكي اعتماد كلي وهوا الأساس في الإنتاج والمبيعات لديها

وهي تنافس اللكزس والإنفنتي والسيارات الأوربية بل تتفوق على بعضها

والمواقع الأمريكية والسوق الأمريكي يشهد بذلك

نأمل في القريب العاجل رؤية شركة أكورا في الخليج وعودة الأسطورة NSX

ويعطيك ألف عافية أخوي نيساني على جهودك المتواصلة والمتميزة :xyxthumbs:

تحياتي لك ولبقية الأعضاء ,,,

خبر: النسخة اليابانية من هوندا NSX ستستورد من امريكا !!

http://www.autoblog.com/2012/01/10/why-is-the-acura-nsx-being-built-in-ohio/

تتوقعون شنو ردة فعل اليابانيين انفسهم لما يشوفون احدى الوحوش اليابانية تصنع في أوهايو وتصدر لهم !!



اما هذي السيارة الي تكلم عنها الاخ جينيس بأور فهي تأتي بدفع خلفي ومحرك أمامي v10 كبديلة لل NSX ولكن آلغوها لان إنتاجها جداً مكلف على حد تعبير المسؤولين في الشركة..

شكراً على الخبر وياريت اسعار الكيورا عندنا تكون معقولة :confused1: *

^ ^ ^ ^ ^

بصراحة عجيبة الـــ ACURA

والله وانا اخوك ما ادري صراحة, يمكن يكون كلامك صحيح وانها تنافس و بقوة !!! او يمكن لأن احنا ما عرفنا سيارات اكيورا لأنها مو متوفرة في المنطقة .

وطبعا هوندا لا يعلى عليها صراحة . كشركة هوندا عجيبة ولها تاريخ حافل !!!!:xyxthumbs:

وكمان مرة بقلك انت غلطان .....

تمعن بهذا الفيديو

http://www.youtube.com/watch?v=FJZxVefta68

وقلي رأيك بأكيورا

كلام حلو و سليم
هو صحيح ان اكيورا ممتازة لكنها للأسف ما هو بمستوى عالي بحيث تكون مثل اللكزس بالنسبة لتويوتا أو الأنفنتي بالنسبة لنيسان أو مثلا الجينيسس بالنسبة لهيونداي.
احسها كأنها ماركيز مقارنة بفكتوريا :confused1:

والمرسيدس مكانته محفوظة ....
صعب اصلا تلقى شركة سيارات مثل المارسيدس ( من ابداع الى ابداع )
=========== === = SLS AMG

الكلمة الي على اليسار هناك بالاحمر

احسك بالغت شوية

روح بنفسك ابحث عن سيارات اكيورا وايش فيها وابحث عن البي ام والاودي وشوف ايش فيها

اما مرسيدس ما انصحك ابدا تقارنها فيها

مرسيدس مو لعبه

تسارع ال ان سي اكس المتوقع

تسارعها سوف يكون قريب ال 4.2 ثواني حسب تقدير بعض المواقع لكن البعض يقول 5 ثواني و البعض يقول اقل من 4 عالعموم ننتظر ونشوف .....

لالالالالالالالالالا غلطان

شكلك ما تعرف عن اكيورا ابدا

من الاصل كل سياراتها تنافس البي ام و مرسيدس و اودي .........وتتفوق بعد

وما تخاف سعرها ما رح يكون مثل البوجاتي :tongue:


وشكرا لك

يكون ادائها ممتاز ممكن

لكن تنافس الجي تي ار اعتقد صعب جدا جدا جدا

واشوف الحل الوحيد لهم الوزن
يخلو وزنها في بحر 1300 كيلو
في هذي الحاله ممكن تكون فيه منافسه مع الجي تي ار الجيل الحالي
اما الجاي الله اعلم

بس اتوقع بيكون كارثه على روس المنافسين واولهم بورش




اذا الاكورد مو قارده تنافس الالتيما والاوريون ومستواها اقل من ماكسيما 3.0 بسبب وزنها الثقيل
كيف تبغى اكيورا تنافس
لان اتوقع المكينه هذي على شبيه الاكورد واثقل من الاكورد
يعني المنافسه بعيده كل البعد




الوكلاء عندنا فيهم واقحه زايده
يرفع السعر بدون ما يفكر في العذر اصلا

تسالهم ليش

يقول سياسه الوكاله

هيا كلو

بشكل عام حلوة

لكن مو بالمستوى اللي يخليها تستحق ان تكون خليفة NSX

الخلفية مافيها شي جديد

الواجهة مافيها شي مميز

ومفطوسة زيادة عن اللزوم والNSX احلى بصراحة

لكن اللي توقعته انها تكون شبيهة بالصور التجسسية الاخيرة في حلبة نوربرغ





لكن تفاجئت بتصميم مختلف واقل جمالية من الصور التجسسية

وعلى حسب بعض الاخبار...راح تكون هايبرد ><

وبالنسبة لنظام الدفع...نظام SH-AWD ممتاز

لكن كافي الجيتي ار دفع رباعي

نبغى سوبر سبورت دفع خلفي للدرفت والخط ويكون وزنها خفيف

الدفع الرباعي ميزته في القومة القوية والثبات على المنعطفات لكن يخلي الوزن عالي وفي الخط ماتعطي زي الدفع الخلفي

عموما...ننتظر ونشوف ايش عند هوندا من جديد في المحركات

وان شاء الله تسارعها يكون اقل من 3.5

ويعطيك الف عافية ^^



وكالاتنا ماتحتاج لعذر عشان ترفع الاسعار

رافعينها يعني رافعينها وبكل وقاحة ...شوف الكامري الجديد استرالي وسعره اغلى من الجيل القديم ب+15 الف

رغم انه نزل في كل اسواق العالم بسعر اقل من الجيل السابق

وشوف الاكورد 2012 انتقلت صناعتها من اليابان لامريكا ومع هذا الوكيل ماخفض ولا هللة

والبايلوت 2012 وصل 166 الف ومواصفاته اي كلام وصناعة امريكية وحتى الاوديسي سعرها فوق 170 ونص المواصفات غير موجودة فيها

حسبي الله عليهم من وكلاء :(

تنزل ما تنزل ما راح يكون فيه فرق كبير بخصوص الاكيورا

السبب السعر الغالي اكيد+ الاشكال لاتناسب سيارات فخمة+ماركة لا تنصف ضمن الماركات الفارهة جدا اول الصف الاول
ممكن مع لنكلن و كلايسلر اما لكزس و اودي ومرسيدس صعبة شويات

لكن الكوبيه جدا رائعة عكس الباقي
وان شاء الله ما يكون سعرها زي البوقاتي

خبر مفرح ولا أستبعد عودة NSX تحت شعار Acura في أي وقت لأن الشركة من فترة طويلة ومن يوم مانزل الجي تي ار في 2008 وهيا ناوية ترجعها وبمحرك أقوى عشان تكون منافسة للجي تي آر وأتوقع في كونسبت أجدد للأكورا بس على العموم أتوقع تأخذ فتره غير قليلة إلين موعد الطرح الفعلي شخصيا ماعتقد أن السيارة حتشوف النور قبل عام 2014 وعن دخول شركة أكورا للسوق الخليجي الود كل الود أن تكون هذي الخطوة سريعة وحقيقية وبكامل سيارات أكورا

ويعطيك العافية أخوي نيسان على مواضيعك المتميزة

في انتظار جديدك ...

تحياتي للجميع ,,,

سيارة حلوة

و لكن تبقى Nissan GTR الاقوى

الكونسب جميل خصوصا من الخلف لاكن التصميم النهائى هو المشكلة .........وما اعتقد انها راح تجينا تحت مسمى اكيورا لان اذا هي بشعار هوندا راح تكون صلخ فما بالك لو بشعار اكيورا والحجة انها من الاصدار الفخم المنافس للانفنتي واللكزس ....اتمنى التوفيق لفريق الدزايين الخاص بهوندا وان شاء الله نشوف تصميم نهائي جبار

اكيورا هي الفرع الفاخر لشركة هوندا مثل تويوتا واللكزس، ونيسان وانفينيتي، وكان وجودها يقتصر على الولايات المتحدة وكندا، ثم توسعت في عام 2004 الى المكسيك وعام 2006 الى الصين، اما عام 2012 فسيكون توسعها نحو الخليج وروسيا واوكرانيا

مشالله أخوي نيساني مزدهر المنتدى بمواضيعك:smile:

حلوة جدا السيارة

وفيها مزيج من أودي R8

وكونسبت BMW اللي في فلم mission impossible 4

صحيح أني مشورة لاكن هاذا اللي طرا في بالي يوم شفتها

ووممكن اللي يعرف شركة اكيورا يعلمنى عنها لأني أسمع فيها

ولا أعرفها,,,:wavey: