الكوري شكل ومواصفات والياباني جوده وامان

^^^

المشكلة انك خليت الياباني = تويوتا

وحتى الثلاثة اشياء اللي قلت انها مقدسة عند الشعب

1- الرز

2- النوكيا

3- الياباني < الكلمة الأًصلية تويوتا وانت حطيت الياباني مكانها !!

والياباني انت رجعت وقلت مافيه الا هوندا !! :confused1:

أجل لكزس وانفنتي ونيسان وسوبارو وميتسوبيشي وين راحت !!

معليش انت قاعد تتكلم على الناس اللي لازالت تشوف التويوتا جودة مطفيه اللمبه

ممكن كلامك صحيح لكن انت كمان اسمحلي مطفي درزن لمبات

هضمت شركات اليابان كلها واختصرتها في تويوتا ؟؟

طيب تعال أخوي الله لايهينك ممكن تسوي مقارنة بين

الازيرا واللكزس اي اس !! او الجينسس مع اللكزس جي اس !!

او تسوي مقارنة بين الازيرا والمكسيما او الانفنتي جي 37

او تقارن بين الجينسس والانفنتي ام

مممكن تقارن بين السوناتا والسوبارو ليقاسي جي تي

ممكن تقارن بين الاكسنت واللانسر جي تي

ممكن تقارن بين السوناتا والهوندا أكورد من حيث الجودة والأمان !!

نحنا مانعترض على أنو الكوري تطور وماحد يقدر ينكر هالكلام الا الجهال أو الحساد

بس المغزى أن الشركات الكورية تعتمد على المواصفات فقط استغلال لصغار السن والمراهقين واستغلالهم

لكن من حيث الامان والجودة معليش اسمحلي الكوري لسى ماوصل لمستوى الياباني والياباني بعيد جدا

اللي بيقارن بين كوري وياباني

يقارن بين السوناتا والاكورد

يقارن بين الاوبتما والالتيما

يقارن بين الازيرا والماكسيما

موب كل شوي رايحين للكامري والكورولا تويوتا قاضين منه موب تويوتا اصلاً

اسمه من تالي صار ابو جميل وصورة الثور شعار السيارة ، هاذي صورة ابو جميل

هو ثور :)

الشخص اللي يقول أن الكوري عمره ( قصير ) !
و أن شركات التكاسي ياخذون النترا هونداي لأنها أرخص لهم من الكورولا
أقوله حلو يمكن !!

لكن ليه الكوامري منتشره مع التكاسي رغم أنها أغلى من السوناتا ؟؟
أعتقد هالسؤال منطقي جداً و حنا نشوف في شوارع الرياض 90% من سيارات التكاسي ( النترا - كامري ) غالباً و هذا دليل على جودة السيارتين و الكل يعرف الكامري
خ
و أنا أقولك عن موقف صار لي ركبت مرة مع تاكسي راعي ( النترا ) و سياارته ماشيه حول الـ 400 ألف كيلو !!
و يوم سألته يقول بس أغير الزيت و البواجي و الفحمات !!

فعلاً شيء غريب و هذا يدل على تطور الصناعة الكورية و ( هيونداي ) بالذات

كلام الناس بأن الكوري تطور بناءً على انتشاره. الناس تحكم بالاتنشار , فظنوا أن هذا مؤشر على التحسن!
إخواني , انتشار السيارة يحكمه شيئين فقط:
1- قوة الوكيل في الدعاية
2- السعر


وأيضا سهولة ايجاد المشتري عند البيع



و ليس الاعتمادية. و إلا.. لو نفترض أن سعر إلنترا مثلاً و كورلا و مازدا3 و سيفيك كلهم بنفس السعر أو فرق 2000 ريال مثلاً , هل بتشري كوري؟ طبعًا لا . ليش؟ لأن السعر واحد. لكن ارتفاع سعر الياباني أجبرك و أجبر مكاتب التكسي على استخدام الكوري. فهل عرفنا ليش نشوف التكسي سيارات كورية؟! هذا هو السبب و ليس سبب آخر.

أيضًا من منطلق الاطلاع في قسم الورشة بل و حتى رؤية حالات واقعية مع بعض الأصدقاء : محركات هونداي على قطع مسافة 200 ألف أو أقل تظهر فيها نفس المشاكل التي تظهر لمحركات الياباني بعد قطعها 400 ألف كم. مثلاً طرمبة الزيت و السبايك هذا شيء معروف.
زميلي معه إلنترا 2006 (هذي الي يقولون عنها سيارة كرف و تـُسخدم تكسي) أيضًا هذا استخدامه جدًّا نعومي لدرجو أني أقول عنه خواف يعني سواقته هادية , وصلت معه 120 ألف كم إلا طرمبة الزيت و السبايك منتهية و متآكلة و شفت القطع بعيني أثناء الإصلاح! زين لحقنا عليها , لو طولنا شوي كان وصل الموضوع إلى شنابر و خرط و توضيب! هذا كلام يصير على سيارة توها 120 ألف كم؟!
أيضًا صديقي أحد ملاك سوناتا 2006 يقول نفس الكلام عن طرمبة الزيت الي هي من أهم القطع في المحرك. المفروض هذي القطعة خصوصًا الكوريين ما يصنعوها و إنما يطلبوها من شركة ألمانية أو على الأقل يابانية :bigggrin:

و بصراحة لاحظت أن العمر الافتراضي للقطع ليس كما ينبغي! حنا بس نشوف رخص السعر و ما نفكر في كم بتقعد معك القطعة. الواحد يشري راحة البال بفلوس.

أيضًا: طرمبة الدركسون الي طالعين فيها في أسكنت و إلنترا و هي كهربائية و ليست هيدروليكية. هذا لو خربت مو تثقل الدرسكون و بس زي الهيدروليكية و إنما يوقف تمامًا! و ناس ماتوا بسببها -الله يرحمهم- للي يتابع منتديات سيارات مصرية أو شامية. و تكلفتها تكسر الظهر! لأنها ما تتوضب أو تتصلح. أي أمان هذا؟!
إذا سقت أكسنت و وصلت سرعة 80 أخاف من السرعة أحس السيارة بتطير من يدي :smile: طبعًا أنا أشعر بالفرق لأني مجرب ياباني و أروبي , أما الي ما جرب لن يشعر بفروق لأنه ما شاف أحسن من سيارته لحد الآن بل بالعكس بيحسب إن الأودي و البي إم نفس الكوري ما فيه فرق :smilie16:. جربوا يا اخوان و تحسوا بالفرق الشاسع.. أنتوا بس بالله تجربوا إن شاء الله حتى لو فولكسواجن بولو أو سكودا فابيا ... و بعدين احكموا براحتكم.

والله العظيم انا شايفها بعيني ذي حتى المعلومات اللي تكوت مبصقه عند الباب ولد عمي شاريها وقدامي شايفها بكذب عيوني مثلاً واصدقك قلت لك امشي مع وكالة الشفا والا اتصل واسأل وشوف

انا اتكلم عن فورد فيوجن ٢٠١٢