TAHOE / SUBURBAN / YUKON / SIERRA + الجزء الثاني +

السلام عليكم اخواني الكرام ارجو مساعدتي سيارتي تاهو 2014 وامس دخلت منطقة رملية ووضعت الدبل على رقم اربعة والسهم اللي فوق وبعدين طلعت ونسيت الدبل معشق ومشيت عليه مسافة 50كلم بسرعة 120كلم فهل فيه ضرر على السيارة وشكرا لكم جميعا

مايمنا احد في هالمنتدى

حاولت اعدل المشاركة ماقدرت
المقاس الصحيح
275/55 R20

مساكم الله بالخير
معي تاهو ال تي زد و الكفرات تحتاج تغيير
اللي له خبرة يعطينا خبر وش أفضل الأنواع
المقاس
285/50 R20

يا اخوان
امس وانا رايح للعمل طلع لي في الطبلون انفخ الاطار الامامي يسار واشوف ضغط الكفر صفررررر
والكفر بعد ماعايرت الهواء حصلتة 35
وشوي وتروح ويرجع الوضع طبيعي شوي وترجع وهكذا
وش الحل ؟؟
محب اشوف في الطبلون أي انذار يضيق صدري
تتوقعون الحساس مضروب؟
واذا مضروب وش الحل معه ؟؟

بخصوص الزيت ناقص فتاكد من الدوده او التهريبات اسفل السياره
فسعر الدوده بالوكاله حدود 3700 وتقدر تسوي لها كبس عند محلات الهدروليك

وبخصوص الزيت انتبه تركب زيت مضروب لكي لا تغير علبه الدركسون وتسبب لك مشاكل وشكراً

بخصوص الزيت يفضل استخدام 5w30 كما موصى عليه في غطاء المكينه وكتالوج السياره تفادي لمشاكل الطرمبه

السلام عليكم

اسعد الله اوقاتكم بكل خير


حبايبي بالأمس فحصت السيارة ولقيت زيت الدركسون ناقص ولاحظت ان زيته شبية بزيت الفرامل باللون واللزوجة

واليوم رحت للوكالة ( الجميح ) وطلب زيت الدركسون فقال مافية عندهم !!!!
المهم مالكم بالطويلة

الان ابي اعرف وش نوع الزيت المناسب لانني اللي اعرفه ان زيت الدركسون لونه احمر لكن اللي بالتاهو الجيل الحالي لونه شبيه بزيت الفرامل

واي استفسارات ان شاء الله نعين ونعاون ونفيدكم بالي اعرفه ان شاء الله

السلام عليكم ورحمه الله وبركاته

وشلونكم من زمان عنكم

اخواني عندي استفسار انا عندي الصليبات خربانه ومسببه طقه لي في الريوس وبعض الاحيان في النمر لما ترجعها من 3-2-1 المهم مالكم بالطويله انا غيرت الاماميه وكانت ناشفه لا فيها تشحيم ولا شي وواضح انها شبه خربانه مع العلم ان لما نزل العمود فحصها بيده ماوضح شي ويقول مافيها شي بس عاندته وقلت انا ابخص بموتري وجبت له الصليب الجديد وغيره ولله الحمد

طقه القير مازالت موجوده تتوقعون من الصليب الخلفي لان الوالد سالني يقول غيرتهم كلهم قلت لا بس الامامي ؟؟ قالي ليش ماغيرتهن كلهن ازين لك كنك ماسويت شي الحين


يالغالين الي له خلفيه بالموضوع يفيدني هل الصليبات الي بالعمود تتغير كلهن ولا بس الخربان تغيره سوا امامي او خلفي لان طقه الريوس مازالت موجوده

اعتذر على الاطاله

أول ما شرينا اليوكن 2007 على وقته لبسنا الارضية و المراتب و الحمد لله ما في مشاكل و هي تعتمد على خبرة العمال .

السلام عليكم ورحمة الله وبركاته .. يعطيكم العافيه ياشباب ..
سيارتي تاهو LTZ 2007 امريكي ،اليوم نويت البّس الارضية بلاستيك وتنجيد قماش للمراتب ( شاموا ) .. وبعد ما رجعت للبيت دخلني ( وسواس ) بخصوص تلبيس الأرضية وانها يمكن تسبب مشاكل .. فاتصلت بالمحل وقلت الغي طلب التلبيس ، سؤالي :
** هل فيه مشاكل لتلبيس الارضيه ولو بعد فترة من ناحية الايرباق او الحساسات او اي شي آخر ؟.
** بالنسبة لتلبيس المراتب هل يؤثر على خاصية تسخين المراتب ؟ .
طبعا صاحب المحل أكد لي أن ما فيه اي مشكلة باذن الله وخاصة في تلبيس الارضية .. وانا محتار .. ومتواعد معه بكره ارد له خبر .. فياليت تدلوني جزاكم الله خير .

اخوان ياليت مساعده و المشوره

ودي بي اكسسوار لي تاهو

حق ستاند اتوماتيكي

بكم سعره

وين احصله فجده ؟

هذا اللي اقصده المحدد بالمستطيل الاحمر


شاكر لكم

الدبة اللي اقصدها مو الدبة المتصلة بالشكمان تحت الصدام الخلفي


اللي اقصدها صايره اسفل السيارة تحت المقاعد الوسطى

السلام عليكم


يسعدني ويشرفني انظمامي لكم مرة ثانية


الحمد لله الله وفقني وقدر علي اشتريت تاهو نظيف ممشى قليل موديل 2009

وانا شخص جديد على التاهو مالي خبره كافية
.مع العلم كنت املك تاهو 2012 بس ما جلس معي الا فترة بسيطه وبعته بسبب ظروف .

المهم


لي 4 اريام تقريبا ما شغلتها


البارح تقريبا الساعه 9 بالليل قلت خل اشغلها شوي ثم اطفيها


شغلتها ربع ساعه ثم طفيتها


اليوم الصباح على الساعه 7 الصبح لقيت مويه بالضبط تحت دبة الشكمان الكبيرة اللي اسفل السيارة ..طالعت تحت لقيتها من الدبة الكبيرة


من طرف حافة الدبة الكبيرة وفيها تنقيط موية على شكل تنقيط خفيف. التنقيط مو تنقيط سريع او متواصل


المشكلة ان لها اكثر من 9 ساعات مطفيها والا كان بقول انه شي عادي بسبب الاجواء البارده .


وش رايكم
وجزاكم الله خير

طيب
اظنها 15.5 لكل 100 كلم
هل هذا طبيعي

أي سي دلكو وممتازززة
غيرها من عند مراكز الصيانة اللي تبع الجميح اضمن وشغل مضبوط