استفسار .. برمجة باب الكراج بأزرار اليوكن والتاهو

ياغالي
انا جربت طريقتك ولا زبط معي !!
لا يكون الازرار في الجمس فيها مشكلة اصلا ؟.؟؟
طيب فيه احد بالرياض مختص بفحص الأزرار او يفهم بتعريفها مع باب الكراج ممكن نروح له بدل هالحوسة 3 سنوات وانا ادور طريقة لهالمشكلة ؟

هذا الشرح بالفيديو ولكن مافيه فايده !!
https://youtu.be/0BseDur3LG0?t=312

ليت شرحكم يكون موثق بالفديوهات

يا شباب مساكم الله بالخير

انا جربت الطريقة وشغاله معاي زي الفل على يوكن 2007 امريكي

الطريقة

نظغط على الزرين اليمين واليسار مع بعض الين يبداء الزر اللي في النص يولع ويطفا

نجيب ريموت البايكه ونقربه من الازرار ونختار زر من الاثنين اللي على الأطراف ونضغطه مع الضغط على ريموت البايكه في نفس الوقت

لكن المهم لازم يكون ريموت البائكة قريب من الازرار ..

وعلى فكره لازم يكون الريموت داخل السيارة من شان تستفيد من الازرار يعني لوكان بعيد من السياره مارايح تشتغل الازرار ..

اتمنى اني اكون أفدتكم واسف على الإطالة ...

اعتقد و على حسب احد الفيديوهات الي باليوتيوب ماني متذكرها ، لكن كان يطول الضغطة على احد الازرار الي مصورها الاخ Al3as]-[iQ ، يقول لك تضغط مطول على احد الازرار و بعدين تقرب الريموت من الزر و يدك لساتها على الزر الي بالسيارة و الموضح بالصورة ، بعدين تضغط زر فتح الكراج و راح تسمع صوت ، ما ادري لكن الفيديو كان لاحد السيارات الامريكية ، ماني متذكر بالضبط ، بعدين تكرر العملية الظاهر انك تقعد دقيقتين و انت معلق على زر الريموت او الزر الي بالسيارة ، و مو متأكد بعد اي زر من الازرار الثلاثة الموضحة بالصورة ، لكني متأكد اني شفته يبرمجه ، حتى خلى زر يفتح و زر يسكر لكن الزر الثالث ما كملت الفيديو خخ ، موفقين

معقول مافيه حل ؟؟؟

محد طقطق في هالسالفة ابد !!!!!!!!

لا يهمك

انا قبل السوبربان كان معي فورد اكسدبيشن 2003 امريكي
سويتها ما خذت مني 4 دقايق وبسرعه زبط

لكن اكيد فيه طريقة
باذن الله نلافيها

انا معي افلانش 2008 سعودي

جربت وحاولت اني اسويها و ما ضبطت

دخلت النت و مشيت على الكتلوج بس ماش ما ضبطت

قلت ابروح عند محل ابواب اتوماتيكيه اكيد يعرفون يبرمجون

دخلت عليه و قالي الكراج الامريكي هو اللي يضبط زي هذا



اما اذا كان كراج ثاني ( ناسي وش نوعه ) بس اللي ينفتح على جنب مثل هذا



ما يضبط على هذه و اللي هو نفس نوع حقنا


"" بس بيني و بينك الصراحة ما اقنعني كلامه و كنسلت السالفة بكبرها ""

مشكور اخوي سامي

بالنسبة للشرح الي في كتيب السيارة انجليزي طبعا لأن السيارة امريكية .. ولكن حاولت اطبق الشرح ما زبط معي ولقيت نفس الشرح هنا في الموقع بالعربي لكن ما زبطت معي الطريقة

باي الكراج عندي تبع شركة الموسى !! هل هذا يعتبر غير معروف ؟
بمعنى / انه يكون غير متعارف على نظامة بالنسبة للسيارات الامريكية ؟؟

مع العلم اني قبل ما اشتري اليوكن كان عندي فورد اكسبديشن امريكي وزبطت معي برمجته على طول ولا اخذ مني اكثر من 10 دقايق

احترت والله في هالموضوع

الشرح الموجود بالكتيب لقيت من ضمنه افك تعديل الازرار بسم ادري هل المقصود الازرار الي في الباب او الازرار الي في السيارة !

انلحس مخي في هالموضوع