مشكلة في القير سنتافي 2011 3.5

[الساري2004]

السلام عليكم اخواني
اشكركم على هذا الموقع الرائع
لدي سنتافي 2011 قطعت 100 الف كيلومتر وهي خرجت من الضمان واقوم بصيانتها خارج الوكالة لان الوكالة نهب في نهب وضمان لا يوجد بعد هذه المسافه.

المشكلة هي لما يكون الجير في وضعية P وادعس بريك علشان اغير لل R مثلا ما يرضى الا بعد عده محاولات ... وكاني احاول اغيره دون ما ادعس بريك مع اني اكون داعس .. احس ان المشكله في الكهرباء وليست في الجير لان اداء الجير ممتاز كحركة وتغيير .

المشكله الثانية هي رائحة الكربون داخل المقصورة عند الدعس القوي على البنزين .. مع ان الوكالة صلحوا السيارة لما كانت قاطعة 50 الف على الضمان بس للاسف رجعت الرائحة بعد اشهر ... وخلال بحثي في المنتديات اتضح ان الكثير يعاني منها وما اعرف شو السبب واش مصدر الريحة .

3- السيارة الحين قطعت 100 الف شو تنصحوني ابدل فيها . انا بدلت شمعات الاحتراق قبل شهرين اش بعد تنصحوني اغير .....


وآسف على الاطالة ..

[abo-tamim]

وعليكم السلام

بالنسبه
القير مافيه مشكله عندك بأذن الله
المشكله تكمن كلها في الواير ( السلك ) تبع عصاء القير
يمكن يكون الواير اتمدد من كثر الاستخدام
او القفل اللي في دعست الفرامل . لان وانت عارف القير مايتعشق الا من لما تدعس على الفرامل . يمكن يكون فيه خلل او يبغى له تشحيم
والله اعلم
وبقيت الاسأله ماعندي علم فيها
اتمنى اني افدتك

[M~أمير بكلمتي~M]

وعليكم السلام ورحمة الله وبركاته

بارك الله فيك بخصوص تعشيق القير مثل ماذكر الاخ بالفعل المشكلة من نفس حساس الفرامل لانه من مبدأ الامان من صغار السن ان القير مايعشق حتى تدعس فرامل

مصدر الكربون تأكد من ارضية السيارة انه لا يوجد فيها اي تهريب ويدخل روائح خارجية وخصوصاً عند الدعسات وانت بكرامه لانها قريبه من الشكمان

ايضاً فحص الشكمان انه لا يوجد فيه اي تهريب.

كتيب السيارة راح ينفعك كثير وفيه تحديد بعد كل مسافة ماهي الاشياء الضرورية للتغير

والاهم هي الزيوت والفلاتر سواء ماكينة او قير

أخوكـ

[الساري2004]

وعليكم السلام

بالنسبه
القير مافيه مشكله عندك بأذن الله
المشكله تكمن كلها في الواير ( السلك ) تبع عصاء القير
يمكن يكون الواير اتمدد من كثر الاستخدام
او القفل اللي في دعست الفرامل . لان وانت عارف القير مايتعشق الا من لما تدعس على الفرامل . يمكن يكون فيه خلل او يبغى له تشحيم
والله اعلم
وبقيت الاسأله ماعندي علم فيها
اتمنى اني افدتك

لك شكري عزيزي الف شكر

[الساري2004]

وعليكم السلام ورحمة الله وبركاته

بارك الله فيك بخصوص تعشيق القير مثل ماذكر الاخ بالفعل المشكلة من نفس حساس الفرامل لانه من مبدأ الامان من صغار السن ان القير مايعشق حتى تدعس فرامل

مصدر الكربون تأكد من ارضية السيارة انه لا يوجد فيها اي تهريب ويدخل روائح خارجية وخصوصاً عند الدعسات وانت بكرامه لانها قريبه من الشكمان

ايضاً فحص الشكمان انه لا يوجد فيه اي تهريب.

كتيب السيارة راح ينفعك كثير وفيه تحديد بعد كل مسافة ماهي الاشياء الضرورية للتغير

والاهم هي الزيوت والفلاتر سواء ماكينة او قير

أخوكـ

إن شاء الله اخوتي وبارك الله فيكم جميعا وإن شاء الله نتبادل الخبرات .. هنا
شفت الكتيب بس من كثر الطرازات فيه صراحة صرت اشك أي طراز معي

بالنسبة للكربون الغريبة انه ما يطلع بسرعة يعني بعد الدعس ياخذ له 40 ثانية لين تظهر الريحة !!