وضع السيارة على مستوى واحد مهما كانت الحمولة ؟؟؟

الكعكات توضع تحت الياي حتى ترفع السيارة وهذا افضل حل غير مكلف وبحكم تجربتي استفدت منها بشكل كبير في الكابرس 91 وصارت السيارة مرفعه بشكل غير ملحوظ وعند التحميل تشوف السيارة ما نزلت واجد ,, لكن بعد فترة من التحميل ترجع الى وضعها الطبيعي وتضطر تغيير المساعادات ..

ومن الاخير الكعكات هي الحل واذا لقيت كعكات تركب على سيارتك ركب على كل كرسي وحدة بالكثير وراح تشوف السيارة مرتفعه بعض الشيء لكن مع الوقت والتحميل تنزل ..

الكعكات ترفع السيارة لكن ما تغير تاثرها بالوزن
فمثلا لو كان ١٠٠ كيلو حمل في الشنطة يسبب نزول السيارة بمقدار ٢ سم
فحتى بعد الكعكات راح تنزل بنفس المقدار
الفرق فقط ان السيارة مع الكعكات تكون مرتفعة اصلا فحتى مع النزول بسبب الحمل ما راح تكون هناك مشكلة مع المطبات

اما ان السيارة ما تتاثر بالوزن فما لها الا مساعدات الهواء او كما يطلق عليها الهيدروليك مثل المستخدم في الفورد
فكلما زاد الوزن المحمل يشتغل كمبروسر الهواء ليعيد السيارة الى نفس الارتفاع الطبيعي