وضع السيارة على مستوى واحد مهما كانت الحمولة ؟؟؟

[ابو اكزيز]

كيف يمكنني جعل سيارتي الكامري ( موديل 2002 ) على مستوى واحد يعني اذا ركبت اشخاص في المقاعد الخلفية او حمولة في الشنطة تنزل السيارة من الخلف وتحك في المطبات وانا مسافر يكون شكلها نازل من الخلف طول الطريق كأن فيه ناس او اشياء ضاغطة عليها او تقلل عزمها او حركتها لاننسى قوة الجاذبية الارضية لها دورها ولكن انا (( ابي اركب قطعه او اي شيء ماينزل السيارة ويحافض على شكها وفي نفس الوقت ما تضر بالسيارة ويقال ان اسمها كعكات او فضة او اليهيا ما ادري ويش اسوي ابي حل حلو وغير مكلف )) ؟؟؟

[M~أمير بكلمتي~M]

السلام عليكم ورحمة الله

بحكم سيارتك بارك الله فيك ومعظم السيارات الياباني اجباري انها تنزل من الخلف ولو قدر بسيط بحكم الوزن او الثقل في الخلف

ولكن اذا كان بشكل مبالغ فيه كمثال شخص واحد في الخلف وتنزل السيارة فمعناته توجد مشاكل في يايات السيارة الخلفيه

ويجب تغيرها بـ يايات اصلية ولو ارتفاع سعرها ولكنها قوية بعكس التجارية ايضاً من الممكن اليايات الي في سيارتك اصبحت مضغوطه او ليونه

أخوكـ

[<نمر>]

الكعكات ترفع السيارة لكن ما تغير تاثرها بالوزن
فمثلا لو كان ١٠٠ كيلو حمل في الشنطة يسبب نزول السيارة بمقدار ٢ سم
فحتى بعد الكعكات راح تنزل بنفس المقدار
الفرق فقط ان السيارة مع الكعكات تكون مرتفعة اصلا فحتى مع النزول بسبب الحمل ما راح تكون هناك مشكلة مع المطبات

اما ان السيارة ما تتاثر بالوزن فما لها الا مساعدات الهواء او كما يطلق عليها الهيدروليك مثل المستخدم في الفورد
فكلما زاد الوزن المحمل يشتغل كمبروسر الهواء ليعيد السيارة الى نفس الارتفاع الطبيعي

[محمد الحربيِ]

الكعكات توضع تحت الياي حتى ترفع السيارة وهذا افضل حل غير مكلف وبحكم تجربتي استفدت منها بشكل كبير في الكابرس 91 وصارت السيارة مرفعه بشكل غير ملحوظ وعند التحميل تشوف السيارة ما نزلت واجد ,, لكن بعد فترة من التحميل ترجع الى وضعها الطبيعي وتضطر تغيير المساعادات ..

ومن الاخير الكعكات هي الحل واذا لقيت كعكات تركب على سيارتك ركب على كل كرسي وحدة بالكثير وراح تشوف السيارة مرتفعه بعض الشيء لكن مع الوقت والتحميل تنزل ..