موستنج بريميوم..!!

شباب انا رحت لتوكيلات الجزيره اللي في المدينه وسالتهم عن الموستنج وسعرها وجلس يدور في الاوراق وبعدين قلي سعرها ال6 سلندر بريميوم تقريبا بـ144الف ...سالتهم عن اذا كانت فيها شاشه نافيقيشن ولالا؟؟قلي اي موجود فيها...
انا في بدايه رمضان رحت للفرع اللي في جده وقالولي سعرها بـ136الف ومافيها نافيقيشن..!!وقلي الاسبوع اللي بعده بتزل عروض عليها...
ايش هما اسعارهم مو موحده؟؟ ولا زادت اسعارهم ولا ايش بالضبط؟؟؟
اتمنى تفيدوني ايش قصتهم..واذا احد يعرف سعرها اللحين بعد العرض يقلي...
ودمتم..

معليش طولت الغيبه...
ها بشر وصلت سيارتك؟؟>>>ايش هذا النشبه
وتراك ماجاوبت على سؤالي انا سالتك انت سيارتك فيها شاشه ولا لا؟؟واذا فيها خبرنا عن تجربتك لها...
وابغا اسالك سؤال اللحين انا من سكان ينبع وادرس في جده الجامعه وكل اسبوعين تقريبا انزل من جده لينبع وارجع...تتوقع الموستنج مريحه في الخط و تجمل معك سفر؟؟؟ اتمنى الرد اخوي..

أنا اللي عجبني في الشاشه هو نظام ( سينك ) اللمس .... ذا تخليه يقترن بالجوال وتتحكم فيه تحكم كامل. ( حتى الصور اللي بالجوال تعرضها عالشاشه ) ويكون قوه الصوت في الرادي ٥٠٠ واط

اما اذا ما أخذت شاشه يجيك المسجل بقوه ١٠٠٠ واط ( الميزه ذي مو موجوده بالشاشه )

وكلها ( الشاشه او المسجل ) فيها نظام سينك. وتقدر تتحكم فيها بالأوامر الصوتيه

جرب تروح عندهم وتشوف .. ممكن تلاقي سياره تعجبك

يوووووو من هذي ال3 الا4 شهور والله كثير...حتى انا ابي اكشخ فيها في العيد:smilie16:
بسالك اللحين الشاشه انت تشوفها مهمه ولا مايحتاج اللي فيها يكفي؟؟

اذا مافيه. ممكن يسوو. لك طلبيه وتجي بعد ٣ شهور. او ٤ ولازم تدفع نص قيمه السياره ( غير قابله للإسترجاع ) قبل ما يطلبوها لك

وبالنسبه لسيارتي .. دق علي الموظف قبل يومين وقاللي : سيارتك وصلت الميناء ويبغالها من ١٠ الى ١٥ يوم عشان تنتهي اجرائاتها في الجمارك ويطلعوا لها البطاقه الجمركيه

وانا اتوقع بتجهز في اخر. رمضان. .. لكن ما ادري الوكالات تفتح في العشر الأواخر ولا لا ؟

وان شاء الله. استلمها قبل العيد >> يبي يكشخ فيها بالعيد ^_^

طيب لو رحت عندهم ومافي عندهم بشاشه ايش الحل ياحلو؟؟
وانت بشرنا حقتك وصلت ولا لسا ولا ايش صار معاك؟؟وفيها شاشه ولالا؟؟

لا يالاخو الموستنج ماتركب له شاشه من برا ,, لازم تجي من المصنع بالشاشه

يعني تروح وتشوف اذا فيه سياره بشاشه تحجزها ... وما اتوقع يقدروا يركبوها لانها تجي من المصنع مدمجه مع نضام ميكروسوفت سينك ونظام الخرائط والراديو

وبرضو لو تشتري سياره من امريكا بشاشه .. راح يشتغل عندك نظام سينك لكن الخرائط والراديو ماراح يشتغل في السعوديه

شباب اللحين ابغا اسالكم...الموستنج يجي فيها شاشه ولا تطلبها طلبيه ولا ماتركبلها واذا كانت طلبيه بكم تتوقعو سعرها؟؟

والله ياخوي هذا فيصل بيسوقها ولا ايش مانتا عارفله...انا يقلي كلام وانت كلام وواحد كلام ايش قصته ذا؟؟؟طيب بالله ايش قلك عن الالوان؟؟اللي بالدفعات الجايه؟؟

ايوا فيصل اعرفو واحد خال .. هوا المسؤول عن الموستنقاات
بي قلي انو 27 سيااره تدخل السعوديه وبعدين سته على جي تي على شيلبي على كل حاجا
وتتوزع على كل الفروع في المملكه
وقلي انو السته 3 انواع
وحده ستاندر والي هيا بيـ 100
ووحده جلد وسقم بانوراما وكل شي بس بدون شاشه بيـ 119
ووحده فل جلد وشاشه وبانوراما بيـ 134
وفي كشف ستاندر بيـ 120
وكشف فل بدون شاشه بيــ 135
وكشف فل مع شاشه مع كل شي 145
هذا الكلام قلي هوا قبل رمضاان باسبوعين يمكن..
والجيتي تبدا من 150 وتنتهي بيـ 174
والشيلبي من 200
والشيلبي سوبر سنيك من 400 هذا على كلام الموظف
معليش على الاطاله

ياشباب انا امس صارلي ظرف ونزلت جده غصبا عني:smilie20: المهم انا قلت مادام اني نزلت جده خليني انزل الوكاله اللي في طريق المدينه واللي في اوتو مول...
اللي في طريق المدينه زحمه جوا الوكاله ايش هذا؟؟؟ المهم رحت وسالت عن فيصل ودلوني عليه...سالته عن الموستنج قالي ال6سلندر فل ب137الف وقير اوتوماتكيك موجود بس وحده اللي هيا لونها اظن كحلي مدري موف شي زي كذا انا ما عجبني اللون قلي تبغا تشوفهاا روح برا تلاقيها واقفه ومغبره مواصفاتها سقف بانوراما كاميرا خلفيه نظام سينك جلد لون جملي وبس...
وفي قير عادي بس والله ما افتكر ايش قال عنها لانه ماكانت تهمني الصراحه وهوا كمان شايف نفسو الاخ فيصل كنت شويتين واتناقر معاه يادوب اخذت منه كلمتين ومشيت...وسالته عن الالوان قالي مافي اللحين لكن بعد العيد بتجي الدفعه الجايه وفيها الوان اللي هوا اسود ومن جوا جملي والثاني فضي ومن جوا اسود...قبل ما انسى الاسبوع الجاي بتنزل العروض ما يعرف الاخ كم بتنزل الف الفين عشرة الاف مايعرف...بس هذا فيصل نرفزني صححح:a1120(82):
ورحت اللي في اوتو مول قالي مافي موستنج لكن اذا تبغا تحجز روح المكتب الفلاني واحجز وبس ههههههه...
وسلامتكم..... محتارms:ch19:

امين يارب الله يسمع منك...وان شاء الله انت كمان تتوفق وتشتري اللي احسن منها وتاخذGT500:ch19:

الله يسلمك حبيبي ما سوينا شي وانشاء الله من نصيبك انا قلت استنى شويه عشان ابغي اخدها كااش

تسلللللم والله ياوحش ...يصير ان شاء الله الاسبوع الجاي اكلم الوالد نروح لهم واذا ماعجبني لونها بحجز وحده

وكمان اللي من الرياض لا يروح الا فرع غرناطه ( شرق الرياض ). و مسؤل الموستنجات عندهم اسمه ( احمد كامل. )*

وترا الموديل كلها ٢٠١٢ ما عاد في ٢٠١١،، لو تروح لي اي احد في المعرض يجلس يدورك في الجهاز ويقولك ايوا في و مدري ايش وبعدين تروح عند المتخصص في مبيعات الموستنج تعرف انهم ما عندهم احد اهم حاجه روح لي فيصل ده لانو فاهم و عارف ايش بيقول

والله روحت الوكاله في وحدا سودا بس ما كانت جوا المعرض كانت واقفه برا مغبره سعره ١٣٦ بريمو من جوا جملي وبانورما ، و عندو الاستاندر يقولي سعرها ١١٠ ويقول الاسبوع الجاي نازل عروض علي الموستنج وبينزل سعرها انشاء الله كلام اكيد يعني ممكن تكون ١٢٦ والعاديه ١٠٠ صافي،، هادي اسعار الكاش الوكاله الي في جده طريق المدينه، في واحد هناك اسمو فيصل هوا المتخصص حق موستنج.

بالله جد؟؟طيب لوحجزت اللحين متى توصل الدفعه الثالثه تقريبا؟؟؟

اي تكفى الله يستر عليك انزل باقرب وقت واسالهم عن الv6بريميوم هل هيا موجوده حاليا ولا لا؟؟؟وبكم سعرها....الله يخليك لعين ترجيك:smilie16: