السلام عليكم ورحمة الله وبركاته
اخواني لاخفيكم اني عندي خبره في السيارات بأكثر أنواعها لكن الواحد دايما مايستغني عن
أراء وخبرات الاخرين اللي قد يكونون اخبر واعلم منه فمن هذا المنطلق حبيت استشيركم
طبعا عندنا 2 فورد واحد بعناه اليوم الحمدلله للشريطي>> بقولكم السالفه في موضوع لاحق
وباقي واحد طبعا الاول موديله 2000 وماشي 240 الف ميل ماشاء الله بعناه ب 19500
لان جايته صدمه من الجمب حق السواق كامل طبعا كنت حاده ب 20 لكن نشبلي نشبه
قلت يالله 500 طبعا الثاني 2005 ومنسام ب38 ويقولي جبه خلني اشوفي قلت والله تبطي
>>اقول في نفسي المهم طولت السالفه مع الشريطي بحطله موضوع بلحاله
المهم ياشباب الميزانيه من 70 الف توصل الى 90 الف اخررر شي
فكرت بهذي السيارات
سوناتا نص فل او سياحي بعد
ازيرا نص فل 4 سلندر مررره مايهمني حجم المكينه لان السياره فالغالب ماراح تتعدا 120 وماراح
يجيها تدعيس
فورد تورس سياحي
طبعا استبعدت الكادينزا لسوء الوكيل واستبعدت الماليبو لوكيلها وشكلها بيتغير
اكيد بتقولون ان الازيرا والتوروس اعلى من فئة السوناتا لكن في المقابل السعر يفرق
وعلى فكره اذا فيه سياره في بالك ياليت تشاركنا
الاستخدام:
السياره مع السواق + سبير زي اللي قبل لان السواق حده 8 الليل بعدين يحط المفتاح :wavey:
الاستخدام حشمه لاتدعيس ولازرزره ولاهم يحزنون
