السلام عليكم ورحمة الله
هلا و غلا اخواني جميعا سأحكي لكم تجربتي مع اليوكون بعد سنه من الاستخدام:
السياره موديل2010 قصير دبل وارد الجميح اخذته العام الماضي شهر سته
السياره الآن ماشيه 37000الف كم
سافرت بالسياره لمناطق كثيره داخل المملكه ودول الخليج ولولا أحداث سوريا كان الحين في الزبداني:ch19:
طبعا تلاحظون ان ممشى 37000الف كم خلال سنه مو بسيط ويمكني من الحكم بشكل جيد على السياره.
بالنسبه للأيجابيات:
1- السياره اعتماديه جدا وجباره خلال الطرق الطويله ومريحه
2- السياره في البر يعتمد عليها بشكل ممتاز وجربتها بشكل كبير خلال الشتاء الماضي .
3- بما اننا في الصيف لازم اتكلم عن التكييف بصراحه روعه والسياره ماشيه لكن اذا وقفت احيانا يكون تمام واحيانا احس برودته تقل وهذا شي في اغلب الأمريكي.
4- صرفية البنزين حلوه تقريبا 300 كلم نص التانكي.
5- اليوكون تحس بفخامته وهيبته بين المواتر.
6- التسارع فيه وانطلاقته رائعه.
هذا اللي يحظرني الآن
بالنسبه للسلبيات:
طبعا السلبيات معي قللليله جدا وتكاد لاتذكر:
1- اول ماشريته بعد 5000 كم تقريبا ظهرت عندي اصوات في البريك ورحت للوكاله نظفوا الهوبات بعد كم يوم رجع الصوت قالوا لازم مخرطه وخرطوها ولليوم بعد 30000 الف كم مافيه صوت نهائيا.
2- ظهر عندي صوت في ديكور الباب اللي جنب السايق وكرهت السياره هذاك اليوم ورحت للوكاله قالوا الباب يبغى شد وبالفعل سواا له شد واختفى الصوت تماما.
3- فيه عيب في اليوكون سمعته من اكثر من واحد ويمكن في قير الست سرعات من موديل 2009 وانت طالع ان لما تجي عند مطب وتشيل رجلك عن دواسة البنزين ثم ترجع تدوس تحس زي النتعه او تقطيعه او مايجاوب بسرعه مو واضحه مره وماتظهر كل مرره.
هذا اللي عندي وسامحوني على القصور
نايف الخالدي
