استفسار مهم بخصوص الـGMC !!

يعني بصفة عامة الطويل أفضل ..!
مشكور أخوي والله ما قصرت معي :smile:







بالنسبة لكم ... أشكركم على الردود ... بس بعلق على ردودكم كلكم مرة وحده !
على أساس انكم ذكرتوا "تكساس" وبعض الحاجات عن الفروقات !! :smilie16:

الحقيقة ياشباب .. أنا معي حاليًا HUMMER H2 موديل 2005 .. أمريكي وتحديدًا من ولاية "تكساس" !! بالفعل مثل ما قال الأخ fahadvice الاستخدام الأمريكي نظيييييف ...!!!
ومثل ما ذكر الأخ الماركيز النادر .. فعلاً : الزجاج مظلل شد بلد ! وتطلع لي علامة محرك صفراء !!
بس توني أدري وش معناها ... مشكور على المعلومة ! :xyxthumbs:

أخوي FAISAL M ... بخصوص الوكالة .. أحسها صعبة شوي إلا اذا كان في فرق بين آخر موديل والموديلات اللي قبله !! يعني سمعت سالفة "القير يفصل" مادري وش قتصها .. وبأي موديل !!

طبعًا أنا أبي يوكن لأن الهمر ضيق من الخلف مو مثل اليوكن اللي له صالة كبيرة -ما شاء الله- !!

عمومًا .. جميع من رد على موضوعي ... أشكركم كثيرًا على المعلومات ...
الحين ما بقى غير إني أدرس الموضوع مع الوالد :smilie16: وبيعين الله خير !!

ما قصرتوا كلكم شباب !!

نصيحه إذا بتدفع فوق 100ألف طق جديد أصفار حتى لو ستاندر ولا خذ إستخدام فل وبالنسبه للحساسات أكثر الخليجي صار نفس الأمريكي . أنا جربت كابرس سعودي وبعدها فورد أمريكي . الأمريكي أفضل بمراحل . وعلى فكره أمريكا عندهم ولاية تكساس حار الجو فيها والموصفات الأمريكي أفضل.

اخوي ماانصحك بلامريكي انصحك بالسعودي او الخليجي احنا مجربين الامريكي يوكن 2002 ولله الحمد ماعنينا من حرارة مشاء الله بس المشكلة الي لحظتها فيه بعض القطع للامريكي مو متوفره عند الوكيل وتختلف عن الموصفات السعودي مثل عندك حساسات القزوز وفلترها مش موجودة للامريكي بس موجود للسعودي وماتركب على الامريكي تختلف واذ ماصلحتها عادي بس بتعلق عندك لمبت التشيك على المكينة علشان نظام توفير الوقود وايظا مشكلة الراديو ماتطلع بعض المحطات مثل اف ام واخر حاجة يجيك الامريكي مضلل شد بلد ماتقدر تغير التضليل الابس بحالة وحده لزم تغير القزاز الخلفي كامل مع الجوانب وهذي ماحبتها بعد بس هذي الملاحظات الي عندي ولاالموتر بسم الله مشاء الله .. والله يبارك لك بالموتر اللي بتشتريه واذا على الحجم انت احكم على عدد افراد عائلتك ...

صحيح كلامك 100% أخوي...
نفس اليوكون اللي عندي شريته مستعمل استخدام أمريكي وتحديداً من ولاية (تكساس) ...
ماشاء الله بصراحة ياهو نظيييف استخدام الشعب الأمريكي نظيف عكس اللي عندنا تلقى السعودي ينهي تاريخ السيارة قبل تاريخها المتوقع بكثييييييييييييير ...
---------------------------------------

وأنا أنصحك أخوي إذا ناوي عالجديد أفضل لك من السعودية وإذا عالمستعمل مالك إلا الأمريكي...

وتقبل مروري:xyxwave::xyxwave:

إذا عندك عائله كبيره وعفش اثنا السفر الطويل افضل yukon xl واوسع وعند البيع مرغوب بحكم ان اكثر اللي يشتري الصوالين اصحاب عائلات كبيره اما الرساوه انا لم اجرب الحجم الصغير
لكن الرساوه ماعتقد ان فيه فرق ممكن ان القصير اخف وافضل بالتسارع فقط اما الرساوه ربما لصالح الطويل ..

اش دعوى ليش مانرد :bigggrin: الأمريكي افضل مواصفات من السعودي ولا يوجد مقارنه ابداً انا مجربها السيارات الأمريكيه لي اكثر من 10سنوات ولايوجد اي فرق من ناحية نظام التبريد ابداً نفس الأديثر ولايوجد فروقات لافنيه ولا تقنيه كلها خارجه من مصنع واحد الي يقول سعودي هل للسعويه مصنع مستقل بأمريكا بعدين لنا اكثر من 20بالأسيراد من امريكا والسحب من الصالات اكثر من الجديد لم يشتكي احد إلا القليل بسبب ان بعض السيارات تكون مستهلكه وقد شارفت على الأنتها ,كان قديماً ايام الثمانينات الرديتر يختلف وحجمه اصغر خاصه للسيارات اللتي تخصص للولايات الشماليه .لكن من اكثر من 15 وحدت المواصفات بالنسبه للنظام التبريد تحسباً للتصدرها للدول الخليج ..


إذا بغيت تشتري جديد وكاله افضل ان تاخذ من هنا طبعاً هذا مايبي له كلام لكن المستعمل لا من امريكا افضل لأن المستخدم خمس سنوات بالسعوديه كأن له15سنه بامريكا ,عندنا الجو نسأل الله العافيه عج وحر والسيارات التاليه كلها بلاستيك تنتهي مع سوء الأستعمال في 3سنوت والصيانه دمار.والطرق دمار وقطع الغيار تجاري وراعيها يحلف لك انها وكاله لين يدبّسها بظهرك ,

بالتوفيق للجميع..

^^^

مشكور أخوي وما قصرت على المعلومة ! :smile:

كل سيارة صممت لبلدها ..
و بالذات السعودية لها سيارات مفصلة تفصيل ههه
هيا والخليج عموما
يعني ..
حاول تاخد سعودي بكون احسن اعتقد ..
والا راح تعاني مشاكل مع تبريد الامريكي ..
مابظن المحرك يختلف ~_~
اعتقد الاختلافاتت بالكماليات فقط ..

^^^
أشكرك على الرد ... :smile:
طيب .. هل الرديتر الصغير "مشكلة" وما ينفع ؟؟

اغلب الامريكي يجي رديتر حقه صغير لان الجو عندهم بارد مو مثل عندنا حار