::فيديو عربي سيقنعك نهائيا بالفرق بين بنزين 95 , 91 ::

شوكرا عالمقطع

يا اخي مااافي شي اسمه 95 افضل من 91 او العكس
لكل سيارة نوع منااااااااااااسب لها أوصى به مصنع السيارة اما مكينة مرتاحه ومكينة تعبانه نفسيا ومكينة برفاهيه من ال95 هذا كلام لا اسااااااس له من الصحه
والبنهاية اللي يحب يهدر فلوسه على الفاضي شي راجعله
عندي سيارتين وحده 95 وما احط الا 95
والثانية 91 ما احط الا 91 فقط

بارك الله فيك هذا الكلام العلمي المنطقي
اسمع رأي مصنع السيارة ككيان اقتصادي صناعي عظيم ولا اسمع كلام شخص ما يعرف يكتب رقم بالعربي صحيح

كلامك اخوي صحيح
و هل معناته انه 91 افضل من 95
95 اجود و افضل لعزم السيارة و المكينه فيه مرتاحة بعكس 91

زبدة الموضوع كلة .....

اولا الاكوتين وضيفتة تاخير الاحتراق للسيارات الي ضغط المحرك يكون فيها عالي والعادة تكون للسيارات الرياضية والسيارت الفخمة الي لها اداء رياضي و الهدف تقليل من الطقطقة والي بدورها راح ياذي المحرك اذا استمر لفترات طويلة

بالفعل ولذلك يوجد نوعين من البنزين 91 وهو مناسب لاكثر السيارات في السعودية
وبنزين 95 لبعض السيارات التي تحتاج هذه النسبة من الاكوتين

ثانيا الاكوتين ماله ايدخل باداء السيارة او المسافة المقطوعة ...

وهذا اللي اتكلم عنه ولكن للاسف بعض الناس تضن الاسوء
وتظن انها فاهمه اكثر من المصنع اللي صنع المحرك وافهم من ارامكو !!
وايضا الزيوت لم تسلم من كثرة النقاش في درجة الزيت 20W50 او 10W30 المناسب للاجواء الحاره بالرغم انه لو الواحد بحث شوي بكتلوج السيارة راح يجد المعلومات الصحيحه
ومن مصدر موثوق ( الشركة الصانعه )

ثالثا لازم تشوف وش مكتوب بالكاتلوج و استخدم المنصوح فية ...

وهذا الكلام الصح

وزي ماهو مذكور بالتقرير استخدام الاكوتين اكثر وغير منصوح فية بالكاتلوج مجرد مضيعة للمال والمشكلة هاذي بدت في امريكا من ايام التسيعينات و كان الهدف منها تسويق لكلمة بريموم وزيادة الارباح للشركات المنتجة للبنزين ...

للاسف لا استطيع الاطلاع على الفيديو ( بالعمل ) :mad1:

وكلامكم صحيح ان 91 يختلف كثير من 95 و لكن الاختلاف هذا مو معناته انه افضل ....
الاختلاف هذا لن في بعض المحركات تحتاجة زي ماقلت قبل للسيارات الي ضغط محركها عالي فقط ...

وهذه الخلاصه اللي لازم الناس تفهمها

وتقبلو مداخلتي بصدر رحب وشكرا

[COLOR=black]الله يعطيك العافية [/COLOR]

طيب بترك سالفة الاشراف :rolleyes1: رغم ان ردي كان واضح جدا:bigggrin:
طيب انا جالس اتكلم بالواقع اللي جربته انا

المؤسف بأننا لن نرى البنزين في عام 2085 وسيعود الناس على الخيول والجمال والعصور الحجريه .. وهذه هي الحقيقه .

بارك الله فيك اخي الكريم وفي صاحب المقطع .. فيديو اعجبني كثيرا واستفدت منه

طيب ياشباب سويت بحث سريع بين الموقع واكتشفت ان مشكلة اختلاف البنزين مو بس بالسعودية حتى بامريكا بعد .... عندهم البنزين 3 انواع 87 و 89 و 91 و لاحظ ان 91 و هو اعلى شي عندهم ومشية سياراتهم بانواعها ... طبعا هذا التقرير و هو راح يشرح كل شي ...

التقرير الاول

http://www.youtube.com/watch?v=iKQm8buu8dk&feature=related

التقرير الثاني

http://www.youtube.com/watch?v=w-istodtFLw&feature=related

زبدة الموضوع كلة .....

اولا الاكوتين وضيفتة تاخير الاحتراق للسيارات الي ضغط المحرك يكون فيها عالي والعادة تكون للسيارات الرياضية والسيارت الفخمة الي لها اداء رياضي و الهدف تقليل من الطقطقة والي بدورها راح ياذي المحرك اذا استمر لفترات طويلة

ثانيا الاكوتين ماله ايدخل باداء السيارة او المسافة المقطوعة ...

ثالثا لازم تشوف وش مكتوب بالكاتلوج و استخدم المنصوح فية ...

وزي ماهو مذكور بالتقرير استخدام الاكوتين اكثر وغير منصوح فية بالكاتلوج مجرد مضيعة للمال والمشكلة هاذي بدت في امريكا من ايام التسيعينات و كان الهدف منها تسويق لكلمة بريموم وزيادة الارباح للشركات المنتجة للبنزين ...

وكلامكم صحيح ان 91 يختلف كثير من 95 و لكن الاختلاف هذا مو معناته انه افضل ....
الاختلاف هذا لن في بعض المحركات تحتاجة زي ماقلت قبل للسيارات الي ضغط محركها عالي فقط ...

وتقبلو مداخلتي بصدر رحب وشكرا

الله يهديك بس
وين كذبتك فيه وفي اي عباره قلت لك كذاب ....انا اقول اتحداك واراهنك علي كذا
اذا ناقضتك في موضوع او صار فيه نقاش مهو تصغير بعقلك او قدراتك...او اقصد الكذب


وبعدين وش تقصد في كلامك


ايضا يتضح من خلال ردك لم تركز بشكل عام لدرجة لم تنتبه للقبي ( مشرف سابق ) بل حماسك قد يكون منعك من التركيز


يمكن انت اللي مو منتبه اني رديت عليك وقلت لك في ردي السابق

مايهم يا اخي كلامك علي عيني وعلي راسي ولكن كونك مشرف ومشاركاتك فوق 2000


حاول تركز في ردود الاخوان قبل الاتهام الخاطي

وترك سالفه الاشراف وخليك بالواقع[/COLOR]

اخي العزيز

انا لم امدح بنزين 91 ولا 95
اتمنى منك قراءة ردي بتركيز ليتضح لك انني اتكلم عن تجربة شخصية بحته وعن سيارتي الخاصة
وبالنسبة للاجواء فقد كانت متماثلة لحد كبيير والوزن نفس الاشخاص بالضبط ولم اقم باي حموله زائده اثناء التجربتين
ايضا يتضح من خلال ردك لم تركز بشكل عام لدرجة لم تنتبه للقبي ( مشرف سابق ) بل حماسك قد يكون منعك من التركيز
وكلامك للاسف غير منطقي وتكذيبك لي بقصد او بدون قصد لم يكن له داعي

فليس لي اي ارباح من بيع بنزين 91 لكي امتدح هذا المنتج

[من الناحيه الدينيه .. وين الإتقان .. والكل عارف الإتقان وعلاقته بالدين !
من الناحيه العلميه .. ماهم فاهمين الموضوع صح ! ( تفكيرهم أنه إذا زادت نسبة الأوكتين زادت فاعلية وجودة الإحتراق وهذا خطأ جدا جدا جدا جدا غبي لمن قرى وفهم الموضوع ) !!
من الناحية العمليه .. هم يحملون رساله ( وكل من ملك منبر يتكلم منه صار صاحب رساله ) .. فالآن الرساله اللي يقدمونها ركيكه جدا جدا جدا جدا ولا تحمل أي فائدة ... وصراحة العكس قاعد يصير قاعدين يعطون معلومات خطأ !! وهذي مصيبه إذا كل من عنده كاميرا فيديو راح يعطي معلومات من راسه !!!!!!!!



وأنا مستعد أجزم .. أنه لو تروح تفتح قناتهم على اليوتيوب .. تلقى الفيديوات القديمه في مليون إتجاه .. مره في الأكل ومره في الميكانيكا .. ومره في الكمبيوتر !!


فــالهدف من الفيديو ماهو انه يبين الفرق بين الإثنين .. الهدف منه ظهور وبس !!
]




كلامك اخي

سليم 100% الفديو هذا يذكرني بقصة واحد قبل 30سنه كان معه كابرس79 وكن مجنون عليه عزم ماهو صاحي ولا احد يقدر يطوفه ,وكان له صديق معه نفس الكابرس لكن عزمه ضعيف قال انت وش مسوي بموترك قال مركب له بواجي مازدا هذا المسكين صدّق اشترى البواجي يوم وصل البيت وفكها لقاها ماتركب انقهر على خويه اللي غشه لكن ماكان فيه وسائل اتصال في ذلك الوقت ولا حصله إلا بعد شهر قد راح الزعل قال لو مسكتك بوقتها كان دبيتك لين تقول بس قال ايه انا كنت امزح عليك و ش يجيب الأمريكي للياباني بعدين المازدا كانت ماتسوى ريال بذلك الوقت كيف بواجيها .

هذي الخلاصه :)



بنزين 91 لا يفرق عن بنزين 95 في الإستهلاك !!!!

ما وجد 95 إلا عشان نتفادا ضاهرة الـ Early Detonation ( الإنفجار المبكر ) !!!
وضاهرة الـ الإنفجار المبكر هي السبب في ظاهرة الـ Knocking ( الفرقعه أو التصفيق ) !!


وراح أشرحها بإختصار .. !!

نسبة الأوكتين في البنزين أثرها على البنزين شي واحد .. ( ولاحظ اني قلت على البنزين ) !
الأثر هو انه يصبح البنزين قابل للضغط أكثر !!

بحيث انه في البنزين القليل الأوكتين .. ممكن انه يشتعل قبل ما تعطي البواجي الشراره .. وهذا الشي واااضحه اضراره !!


أما أثر زيادة الأوكتين على السياره فهذا موضوع ثاااني يطول الحديث عنه .. !!
http://www.faqs.org/faqs/autos/gasoline-faq/part1/


وبكذا أساسا تكون خرجنا عن الموضوع اللي هو الفيديو !!
بردي السابق قلت انه الرجال ماقصر سوا جهد وهو بشكل عام أفضل من اللي منسدح بالبيت !


لكن دقيقه !

ليش قدم اللي قدمه !

عشان يوفر على الناس 0.15 هلله/لتر !
عشان يوري الناس سرعة الإشتعال (((((( تحت ضروف مالها أي علاقة بمكينة السياره ))))) !!


المشكله ..

إذا هو ماهو فاهم اللي يبغى يقوله !
ليش يتكلم أساسا !!

وانا أقدر أخذها من أكثر من ناحيه !

من الناحيه الدينيه .. وين الإتقان .. والكل عارف الإتقان وعلاقته بالدين !
من الناحيه العلميه .. ماهم فاهمين الموضوع صح ! ( تفكيرهم أنه إذا زادت نسبة الأوكتين زادت فاعلية وجودة الإحتراق وهذا خطأ جدا جدا جدا جدا غبي لمن قرى وفهم الموضوع ) !!
من الناحية العمليه .. هم يحملون رساله ( وكل من ملك منبر يتكلم منه صار صاحب رساله ) .. فالآن الرساله اللي يقدمونها ركيكه جدا جدا جدا جدا ولا تحمل أي فائدة ... وصراحة العكس قاعد يصير قاعدين يعطون معلومات خطأ !! وهذي مصيبه إذا كل من عنده كاميرا فيديو راح يعطي معلومات من راسه !!!!!!!!



وأنا مستعد أجزم .. أنه لو تروح تفتح قناتهم على اليوتيوب .. تلقى الفيديوات القديمه في مليون إتجاه .. مره في الأكل ومره في الميكانيكا .. ومره في الكمبيوتر !!


فــالهدف من الفيديو ماهو انه يبين الفرق بين الإثنين .. الهدف منه ظهور وبس !!
( وأنا قلت ذا الشي في ردي السابق ) !!

يا إخوان أنا أعتذر إذا في كلامي فوقيه أو اي نوع من التكبر .. بس اللي قاعد يصير خطأ كبير !


ويمكن هذي تكون بدايه بحيث انه الكل يتكلم ويمكن نطلع بناس فاهمين ويفيدون صح !

والعذر على الإطاله ....

يا اخوان بانزين 91و95 لايوجد فرق بسرعة الأشتعال بل 91اسرع بالطريقه العلميه الصحيحه لماذا لأن كلما يتدنى الرقم الأوكتاني يشتعل بسرعه بمجرد انضغاطه داخل غرفة الأحتراق قبل شرارة البوجي ولذلك تطلع الفرقعه اللي نسمعها إذا كان البانزين غير ملائم, لكن اللي حدث بالفيديو ان التجربه بــ 91 اشعل النار فيه مع بداية غليانه اي بالثانيه الأولى ولم ينتشر الغاز بالمكان المحيط اما 95 تركه لمده وصلت لأكثر من5ثواني وقد انشر الغاز حوالين مكان التجربه ومعروف ان اشتعال بخار البنزين المنشر بالهواء اكبر بكثير من اشتعال السائل ..والشي اللي ممكن بعضنا لايعرفه ان البانزين يتبخر بسرعه إذا كان غير مكتوم عند تعرضه لأي حراره ربما إلى 35درجه تجعله يتبخر بسرعه فمابالك بغليان ..

*إذاً من خلال التجربه هي غير متكافئه إطلاقاً وممكن يحدث العكس .
*إذا قلنا انهم لم يقصدون فبركة الموضوع فهم غير مؤهلين لأثبات الأفضل من خلال تلك التجربه البدائيه.
*الهدف من التجربه نستطيع ان نقول 95% منها حب الضهور لاغير.
*المذيع عندما سلم من الحريق قال لاتصيرون اغبياء..هو اصلاً لم يترك شي.

*شكراً للجميع وبالأخص لصاحب الموضوع .

مابي السالفه تطول في سالفه 5 ريال او 7 ريال
او حتي 10ريال
انا اتحدي ان كان نفس الاستهلاك واراهنك علي كذا
والجميع يعرف انه فيه عوامل تخلي الاستهلاك يكون اكثر ان كان اتجاه الرياح بعكس اتجاه السياره
او تحميل السياره بوزن زائد هذا سببين والاسباب كثيره ولكن اختصرتها في الاهم منها

مايهم يا اخي كلامك علي عيني وعلي راسي ولكن كونك مشرف ومشاركاتك فوق 2000
نزل موضوع وثبته في المنتدي وخلي العنوان هل هنالك فرق في الاستهلاك لبنزين 91 او 95 في الاستهلاك والقوه وراح تعرف انو كلامي صح وضع ايضا للموضوع تصويت لكي تحسب النسبه
اهم شي لاتعطي اي معلومه عن النوعين ولاتمدح اي نوع في البنزين اترك الناس اللي تحكم

هلا اخوي

انا بتكلم معك بالنقطة الثالثه
علميا لا يوجد فرق بين بنزين 91 و بنزين 95 بالاستهلاك
وهذا من تجربة مني شخصيا في طريق القصيم وكانت التجربة على سوناتا 2004 وعلى سرعة 160 كلم
بحيث عبيت فل من ربع التانكي بـ 23 ريال بنزين 91 = 50 لتر
وعبيت فل من ربع التانكي 30 بنزين 95 = 50 لتر
يعني الفرق 7 ريال والسيارة استهلكت نفس الاسهلاك بالضبط وبنفس القوه

هههههههههههه :smilie16: والله يا انة بغى يروح فيها ادجرد لا ومرتين بعد مو مرة وحدة ...

و بغض النظر عن المذيع والاخطاء الاملائة و اللغوية وعن المهندس الي بغى يصير صحن

شورما على البنزين و المترجم الي كاتب مايحتاج ترجمة هههههه اجل ليش تترجم او كلمة

غبي السوقية في برنامج تثقيفي والي قصد منها الناس الي تدخن عند محطات البنزين وهو

يعبي سيارتة او لاخراج البدائي ولكن الرجل اجتهد ويعبر عن رائي و قد يكون فيه شيئ من

الصحة ...

وانا من الناس الي يعبي 91 و السبب ...

اكثر طلعاتي داخل المدينة وخارجها مرة بالاسبوع

ثانيا الــــ 95 يسهل فية انواع الغش والخلط وانا ماني مستعد ارهن سيارتي على ذمة شخص

مجهول في محطة بنزين وكلنا يدري ان فية ناس تخلط 95 ب 91 عشان يزيد من الارباح

ثالثا 91 تحصلة في كل محطة يعني توقف عند اي محطة بالسعودية تلقى 91 ولكن الـــ 95 تلقاها في محطة بين كل 3 محطات وانا ادري الشي هذا مو سبب قوي ولكن بالنسبة لي ماابي اقعد ادور لين احصل 95 ويمكن راعي المحطة مقفل عشان يعبي الخزان عندة او يمكن ينقطع عندك البنزين عن محطة مافيها الا 91

رابعا 97 بالمئة من السيارات بالسعودية تقدر تعبيها 91 و 95 طيب ليش اعبي 95 بسعر اغلى وانا اقدر اعبي 91 ويسوي نفس الغرض

صحيح الـــ 95 يعطي عزم افضل للسيارة وتمشيها مسافة اكبر ولكن انا ماني راعي قومات عشان العزم ولا راعي خطوط عشان المسافة

ولاحظت ان استهلاك 95 اسرع داخل المدينة وبدل ما اعبي سيارتي فل كل 3 الى 4 ايام اصير اعبي من 2 الى 3 ايام وبسعر اغلى عشان اشياء مااستفيد منها

والفرق مو 5 ريال بالعكس اكثر لنفرض ان تانكي سيارتي 65 ليتر
91 القيمتة 0.45 ريال حسابيا 0.45 * 65 ليتر = 29 ريال في كل مرة اعبي التانكي فل
95 القيمة 0.60 ريال حسابيا 0.60 * 65 لتر = 39 ريال في كل مرة اعبي التانكي فل

طيب لو في كل 3 ايام اعبي التانكي البنزين فل بحكم استخدامي للسيارة داخل المدينة اكثر
كم راح يكلفك بالشهر حسابيا
اعبي 91 كل ثلاثة ايام فل بــ 29 ريال يعني بالشهر راح اعبي بــ 290 ريال بحكم ان الشهر 30 يوم وانا راح اعبي كل 3 ايام يعني 30 يوم نقسمها على مرة كل 3 ايام يصير اعبي 10 مرات بالشهر

ونفس الحركة 95 كل ثلاثة ايام التانكي فل بـــ 39 ريال يعني بالشهر 390 ريال والفرق 100 ريال و بالسنة يصير الفرق 1200 ريال وانت راح تقطع نفسة المسافة السنوية بسيارتك

طبعا فية ناس ما تفرق معهم وفية ناس تفرق معهم فا كل واحد ينام على الجنب الي يريحة

وشكرا

وجهه نظرك لا اعترض عليها ولك حق فيما تقوله
عني انا وصلتني المعلومه بدون ما ادقق في اخطائها

اخي الكريم اختلف معاك جملة وتفصيلا
واللي مايعرف يكتب رقم صحيح بلغة واحده بلاش يطلع يسوي فاهم ويشرح