ضربه في الشاصـي

ABO_M7MD @user_233649 · 28-06-2011

السلام عليكم ورحمة الله وبركاته

انا عندي ضربه على الكفر الخلفي الايسر البدي ما حصل له شي و من قوة الضربة الجنط مال
المهم ركبت الاستبنه ولازال فيه ميلان والضربة ماهي قوية تخلي السيارة تمشي على جنبهـا ومع الوقت بدأت تطلع لي اصوات
والشاصي يبغاله تعديل طبعا فحصتـه عند العضيب وقالي يبغى كذا وكذا والمبلغ 3000 ريال

المهم ابغى ورشة شغلهم نظيـف بالريـاض يضبطونه لـي

emadahmed @user_185675 · 28-06-2011

مر كم ورشة احسن لك وشوف وش الاكثر يجمع واتوكل على الله

بس اكثر الضربات تيجي بالمقصات ولمن الكفر ينعوج يعني المقص راح

وانتبه ترا الكفر كدا بتجيه مسحيه , يعني الحق على السياره لاتكثر مشاكلها

ABO_M7MD @user_233649 صاحب الموضوع · 28-06-2011

يعطيكم العافـية وبمر كذا ورشة واشيك عليها و اضن ان الصورة صعبة تبيـن الميلان

جون سينا2011 @user_259801 Registered User · 28-06-2011

روح عند ميزان "الدرع" بالصناعية القديمة
شغلهم ممتاز جدًا ورخيص مقارنة بالعضيب النصاب ما شفت أنصب منهم لأني مريت بتجربة سوداء معاهم
تخيل الترصيص عند الدرع80 والعضيب 200 مع أنه نفس الترصيص أرضي
وزن الأذرعة الدرع100 للسيارة الكبيرة والعضيب 200 وهلم جرا

عبدالعزيز 8 @user_231972 · 28-06-2011

هلا اخوي
الحمد لله على السلامة
دائماً خذ رأي اكثر من ورشة اقل شيء 3 ورش
وقارن كلامهم من حيث القطع وشغل اليد والسعر
ولو فيه صورة من اسفل لمكان الضربة علشان اعضاء المنتدى يحكمون عليها
هل تحتاج تعديل الشاصي او لا لأن اكثر الضرر في المقص الخلفي والصورة تبين صدقهم من كذبهم

بالتوفيق