المكينة بعد التوضيب

بارك الله فيكم
وانا أهم شي أشوفة أختيار الميكانيكي الممتاز لأنه التوضيب يعتمد على الشغل المزبوط شغل اليد
لأنة لو تطبيق المكينة غير صحيح ما راح تطول وتضرب المكينة ثاني .

أنصحك اخوي لو تتحمل الحر .. أو على الأقل لا تمشي بالنهار .. وأتبع نصحيه الميكانيكي بالضبط كما قال .. عندي سيارتي القديمة وضبتها ومشيت على كلامه .. وما شغلت المكيف إلا بعد ما مشيت 3000 كيلو تقريبا .. والسرعه كانت تدريجيه أول 1000 كيلو ما أعديها 70 .. ولك أن تتخيل كما قضيت من الوقت حتى أجتاز هذه المسافه .. أخذت أكثر من أسبوعين حتى أقطع 1000 كيلو .. والحين الحمدلله الموتر وين ما بغيت أي ديره أدق السلف وأمشي .

جزاكم الله خير الجزاء بصراحة استفدت من نصائحكم

جزاكم الله الف مليون تليرون شليريون بليوم خير
عن جد كلامكم فيها فايده للجمييع
لاني حاط سيارتي في التوضيف ويمكن بعد ثلاث ايام بطلعها وجالس افكر كيييف امرنهاااا

وعليكم السلام اخي


التمرين هو أول 1500 كليوا ما تتعدى سرعة 80 ولا تتعدى الضغط 2 عندك تعشيق القير

وتشغلها كل يوم ساعة وانصحك باليل افضل علشان الحرارة وتفتح الكبوت واحذر من الحراميه وتكون السيارة في مكان مكشوف حيث يوصلها الهواء

ولا تشغل المكيف الى 1500 كليوا افضل لك

وترجع بعد 10 ايام على الميكانيكي اللي وظبت عنده السيارة يوزن لك البلوف

وغير الزيت مع السيفون بعـد 500 كيلوا اول مره وثاني مره 1000 كيلوا مع السيفون

وبعد 1500 كليوا زيد السرعة الى 100 كم يوم وبعدها الى 140 كم يوم تدريجينا افضل

وكذا تكون سيارتك ممرنه


وبالتوفيق ...

شف اخوي هاذي تجربتي
اول 1000 كيلو السرعه على 80 ولا تقوم قومه مفاجئه بعدين غير زيت مع فلتر مع سيفون
بعدين 700 كيلو السرعه على 100 بعدين غير زيت و فلتر هواه و سيفون وسيخ الراديتر و نظفه بعدين اوزن بلوف و ديلكو بعدين سو لي تبي اما المكيف انا ما اهتم للمكيف الا نادر او اذا ركب معي احد تعرف كابرس قديم مو مهم المكيف و ان شاء الله يعطيك خيره و يكفيك شروه
ملاحظه - لازم تخلي الموتر اول ثلاث ايام شغال 3ساعة في اليوم و هو واقــــــــــــف

شكرا لكم على تجاوبكم

وجزاكم الله خير

وبأنتظار الخبرات و النصائح حول التمرين بعد التوضيب لتعم الفائدة

وعلكيم السلام

عادي جدا شغل المكيف المهم ان ضغط المحرك لا يتجاوز 3000 RPM