اكسبدشن لميمتد ولا لاندكروزر

انا تفق معك في اكثر من نقطه
لكن مساءلت ارتفاع اسعار سيارات تويوتا فالسبب يرجع لاستغلال الشريطيه واهل المعارض لسالفت تسونامي اليابان والنووي وتوقف تصنيع سيارات تويوتا
وطبعا لا يهون الوكيل الي استغل الوضع وقارن اسعار التويوتا قبل تسونامي وبعد تسونامي علشان تعرف السبب

يا هلا والله

ما يحتاج تعررررف بنفسك

معروف أخي الكريم وما نسيناك , خصوصاً صورتك مع الهوك :smilie16: بالغتره

أخي والله أنا كتبت ردي من خلال معايشتي للواقع

أما بخصوص بعض البيعات , فأنا والله مصدقك , بس إذا كانت السيارة مع شريطي أما لو كانت معك والله ما تسوى شي

فيه واحد كاتب تجربته بأحد المنتديات مع الفكسار الجديد , المهم الرجال يقول خسارته بالسيارة خلال سنتين حدود سبعين ألف والسيارة ما فيه ما يعيبها , وأنا كنت مشكك بكلامه وفيه كم واحد من الأعضاء ردوا عليه بان نصاب , المهم الرجال قال لهم جيبوا لي زبون بـ 170 ألف وخذ لك خمسة الآف ريال على مشهد جميع الأعضاء , المهم الجميع إلتزم الصمت

---

أنا نسيبي كان معه 2005 يالله باعه بـ 105 ألآف ريال , طبعاً بعد ما نزل الموديل الجديد

تخيل بعد فتره حته العلوم إنه سيارته مبيوعه بـ 136 ألف ريال

-----

بإختصار الشغله كله لعب شريطية علينا يالغلابا , وأنا ما أنكر إنه صار فيه إرتفاع بسيارات تويوتا مؤخراً بسبب إرتفاع أعار السيارات بالوكالة ولعدم توفرها إلا بعد طلبية لبعض الفئات .


غريبة تويوتا , لو عندها أم كان قلت إنه أمها داعية لها .

أخيراً أنا ما أخفي إعجابي بتويوتا , لكن بالسعر المبالغ فيه , فلا والله عيالي أولى بها

---

بالتوفيق لك ,وتقبل خالص التحية

السلام عليكم ورحمة الله وبركاته ..

بعد تجربة ومشوار طويل مع السيارات ..

نصيحة اخويه ياخذ اللاند كروزر إذا حصل 8 سرندل جديد بسعر معقول . .

أو يشتري 6 سرندل جديد فل أوبشن ( فتحة + دي في دي)

والواقع شي والمنتديات شي ثاني ..

شوف إنتشار اللاند ( على أرتفاع سعره ) وشوف انتشار الأكسبدشن ( على إنخفاض سعره )

قارن السيارتين بعد استخدام 5 أو 10 سنوات ..

قارن أسعار قطع الغيار وتوفرها ..

قارن بين الوكيلين وخدمة ما بعد البيع ..

قارن الصيانة الدورية وأسعارها وكم تاخذ وقت السيارة عندهم ؟؟

قارن أنت وش وضعك تعيش بمدينة كبيرة عندك الوكيلين أو بقرية أو هجرة صعب الوصول للوكيل !

شوف وضعك بعد 5 سنوات هل يهمك سعر البيع أو ما يهمك .؟

رأيي تجيب لك ورقة وقلم وتكتب مزايا ومساوئ كل سيارة من جميع النواحي ..

ولا تتأثر بكلام المتعصبين ... أو الي يملك سيارة من شركة معينة ويتعصب لها وهو ماجرب الشركة الثانية ..

وأخيراً تمنياتي لك بالتوفيق فيما أخترت ..



ابو ديالا مساك الله بالخير .. أنا خويكم السابق برابطة التاهو ..

للأسف بعت التاهو موديله 2009 نظيف جداً جداً جداً لدرجة أني ما استخدمت الدبل فيه نهائياً

وجلس معي سنة تقريباً ومشيت عليه 35000 وكل تشييكاته بالوكالة

ومحافظ عليه ملبس الأرضية بلاستك والمراتب جلد

والبودي نظيف ما فيه مخش ولا صدمه ..

ومظلله عازل من 3 أم

تخيلت وش نظافة الموتر

تصدق بالموت بعته بـــ 111000 وأنا شاريه بــ 128000 يعني خسارتي فيه 17000 ريال

وبالمقابل أشتريت برادو 2011 جديد بــ 138000 وبعته بعد 5 شهور بــ 139000

وأتمنى أنك تنزل المعارض الخميس والجمعة وتسأل عن أسعار اللاند كروزر

موديلات 2008 - 2011 راح تشوف العجب العجاب ..

تصدق أنه فيه بعض الأحيان يوصل سعر البيع إلى أعلى من السعر الأصلي ..

أعطيك مثال :

جي أكس آر 8 سرندل موديل 2011 العداد 9000 سعر الشراء من الوكالة 193000

الآن معروض للبيع بــ 205000 :a1120(121):

وهذي أسعاره بالسوق النظيف فوق 200 ألف .. خصوصاً 2011 وطبعاً العادي وليس فئة 60 سنة

لأن فئة 60 سنة كان يباع بالوكالة بــ 202500 والآن بالمعارض وصل إلى 230000

شوف تويوتا معروفة من سنين أنه ما ينزل سعرها ..

لكن في حالات مثل الي تقول عنها هذا مسكين ما يعرف للسوق ويغلبونه الشريطية ..

ولكن لو كان صاحي لهم يبيع بقيمة طيبة وهو يضحك ..




أخي الكريم محد أزعجك هذا هو الواقع رضينا أم أبينا ..

ياليت تكتب لنا أرقام وحقائق أفضل من ( أعرف واحد .. ) بدون تفاصيل ..!

ردي في الأعلى كتب لكم تفاصيل بالأرقام ومن واقع تجربة ومن واقع الأسعار بالمعارض ..

وما قلت سمعت أو أحد قالي ..




اتمنى تحري المعلومة قبل الإدلاء بها ..

ياليت تعطينا تفاصيل كيف ما يمشي يعني ؟ أنا مجرب الموتر وما في أحلى منه خفيف نفس وسواقته ممتعه .. ولا فيه ثقل مثل التاهو ..

أخيرا أشكركم كلكم وأتمنى يكون فيه نقاش هادف خصوصاً من الأخوة المجربين ..

وشكراً .. :smile:

انا جينا لسالفة العزل انا اشوف ان الامريكي من السيارات اللى فيها عزل صوت الهواء فيها قوي ومسموع بشكل واضح انا عندي قراند ماركيز فل اوبشن والله والله لما تمشي مية وفوق تقول انك ناسي القزاز فاتح وكذلك عندنا فورد اكسبيدشن 2006 على سرعة 120 نفس الشي صوت الهواء قوي حتي الكدلاك اسكاليد فية نفس الشغلة صوت الهواء عااااالى لكن هذا ما يمنع انها سيارات جيدة وممتازة لكن العزل في الروزر افضل منها واللى مش مصدق انا علية انة يجرب وانا على استعداد اخلية يجرب في اكس ار فل اوبشن موديل 2010 ويركب اكبدشن فل اوبشن 2010 ويشوف شلون الفرق في النهاية احنا هنا نقول اللى نجربة ونحاااول اول نرضي الله سبحانة قبل ما نتكلم بشئ ومادمنا هنا وفية سؤال بالخصوص هذا لازم نعطية بشكل واضح وبعديد عن التعصب وعن اي امر ثاني وهناك مواقع كثير امريكية تتكلم عن السيارات الامريكية وتقارنها بالياباني وتطلع نقاط كثير لصالح الياباني وهم هل الشان وحنا مالنا لا قرابة مع فورد ولا تويوتا ولا غيرها ولا نلمك فيها ريال واحد لكن نعطي تجاربنا وقناعات بعيدة عن اي امر اخر والهدف بالاول والاخير هو نصيحة قبلها الشخص والا رفضها هو حر فلوسة بجيبة ولا نقدر نجبرة على شئ اذا الله ماراد ممكن ينوي على فورد وفجأة تلاقية شاري نيسان والا تويوتا والعكس لكن لاند كروزر سيارة ممتازة جدااااااا وكل شئ فيها ممتاز واغلب الناس تحب التويوتا والله يوفق الجميع

انصحك بالاكسبدشن
فهي تتميز بقوة المحرك
والسعة والسعر المعقول

^

طيب اليوكن ؟

وانا لازلت مع كلامي... عزل الفكسار افضل من عزل الدينالي وانا عندي الموتر وحللته تجارب !

فوووووووووووووووووووورد اكسبديشن

لاند علىى ثقله و6 سلندر مايمشي

أخوي الكل أجمعوا على سوء عزل اليوكن والتاهو بما فيهم نحن ملاكها
وأنت تقول عزل اللاند مثل اليوكن (مشهور بسوء عزله)
يعني النتيجة إنه اللاند عزله سيء

مع العلم إني بتجربتي الشخصية للاند اللي جربته عزله أسوء من التاهو حقي
وبالقريب العاجل بأجرب لي إكسبيدشن وبأقارت عزله

للمعلومية أنا ركزت على موضوع العزل لأنه يهمني كوني راعي سفريات طويلة وأنا أعتقد إنه مهم بالسيارات العائلية لأنها غالبيتها تستخدم للسفر

-----

شكلي طلعت خارج الموضوع بمقارتة عزل التاهو باللاند , وبالتالي فهذا آخر رد لي بهالموضوع بما يخص المقارنة بين عزل اللاند والتاهو

---
أخيراً حكمة قالوها اللي قبلنا , لولا إختلاف الأذواق لبارت السلع

وأنا من الناس اللي شاورني خويي بيشتري يوكن 2005 وقلت له إبعد عنه و والسبب إني إعتمدت على السمعه , لكن بعد التجربة جميع من يستشيرني أنصحة بالتاهو لأنه سعره مناسب للسيارة و وسيارة تعطيك إكثر مما تدفع

وكل واحد ينام على الجنب اللي يريحه


وبالتوفيق للجميع

الله يعلم أني أقول الكلام من قلبي ومن حبي لولد عمك
نصحيه لوجهالله. مادام الرجال كلها 5 سنوات وبايع الموتر
يشري لاند والله أن يطقه ندامه بعد 5 سنوات الموتر رايح ثلاثة ارباع قيمته

اللي يقول أن سعر السياره بعد الشراء مايهمني هذا أحدى اثنين
يا أنه ولد نعمه ولا عنده مشكله ويحسب الناس مثله.ولا أنه رجال
مطفوق ولا يهمه الدراهم وهذا ماراح يجمع ولا ريال
بالنسبه للي يقول عزل الاند سيء.هذا ماعنده سالف أنا مجرب
GXR V8 وجربت يوكن SLE على سرعه 140 تقريباً نفس العزل
اللي يميز اليوكن فقط أن مراتبه لينه الاند قاسيه شوي
أنا لو أبتل أتكلم ماراح تفهمون الاند صح لانكم للآسف ماتعرفون إلا
أسمه يكفي أنه الموتر الوحيد بالعالم اللي فيه نظام الزحف
أنا أدري أن كلامي هذا راح يسبب نقاش لانهاية له لكن اللي عندي قلته
النقاش معكم عقيم اللي الاند مايمسك سعره!!شكله هذا ماراح للمعارض
أو أنه يحول متعود على الامريكي أنه يطيح سعره..واللي يقول يطلب قطع غيار!!
إذا صار يطلب قطع غيار وش يصير الامريكي.والله أنكم ماعندكم سالفه اللي الاند
مايمسك سعره وخراب

شكرا لكم
بس السيارة الي بياخذها ولد عمي 5 سنوات و بايعها

يالغالي موديله 2008 ! وانا ما اقصد اني اعصب ع احد لكن بس حبيت اوضح نقطتي !

لايطق فيك عرق وانا اخوك .. حسستني انه جيب بورش :bigggrin:

كم موديله الاند ؟



انت ذكرت مميزات كل السيارتين
والاكسبديشن اكثر مميزات .. اما الاند ميزه وحده فقط اللي شيك بالجيب
وبرضه سلبيه ذكرتها بالاند انه سعره مبالغ فيه جدااااااااااااااااااااااااااا [ وانا ارى انه هذا السبب اللي ماتحس بقيمته لاطاح سعره ]
واسمك بلا تعصب :bigggrin:
لكن ياليت توضح السبب اكثر للافاده

اخوي انا عنديلك حل وسط وهو مواصفات الاكس بدشن واسم وتحمل زي الاند وهي السكويا من تويوتا لانها مكينه اقوا من الاند ونفس سعر الاند ومواصفات الاكسبدشن
ولو تبي من الاثنين الي انت حاطهم اقولك خذ الاكسبدشن

فعلاً أخوي ابو ديالا ازعجونا بكلمة شيك إلاّ يطيح الشي الكثير فيه
أعرف واحد باع له جيب من كثر ما يطلب من قطع غيار

أنا اللي أقول عزله ومو كويس
وهذا من تجربتي عصرية لموديل 2010



من اللي يقول إنه اللاندكرزر الجديد يمسك سعره

صحيح الموديل السابق ماسك سعره لعدة أسباب يعرفها الناس

انا أعرف واحد شاري 2009 8 سلندر جكسار تحت الفل بدرجة بـ 135 أو 140ألف ناسي المبلغ بالتمام
بس يعني ناقص حدود 50الف ريال خلا سنتين

اخي الكريم انا اعوذ بالله من كلمة أنا املك السيارتين ولله الحمد

لاند 2008 جي اكس ار واكسبديشن اكس ال تي

يعني كلامي عن تجربة استخدام شبه يومي لكلتا السيارتين

اذا انت راعي بر وجور على الموتر واستخدام للسياره يوميا فأنصحك بعطي الله اللاند كروزر لكن يعيبه اشياء بسيطه لاتهم المستخدم في مثل هذه الضروف واغلبها كماليات بامكانك تزويد السيارة بها مستقبلاً

الاكسبديشن وخاصة فئتي الايدي باور واللمتيد تتميز بمستوى من الرفاهيه والرساوة وبها جميع الكماليات التي تبحث عنها وهي انسب للعائله والسفر في على الخطوط الطويله ونسبه العزل االصوتي بها ارى انها افضل من اللاند بشي بسيط فقط

ولكن يعيب الاكسبديشن انها سيارة ليست للاستخدام اليومي ينصح بوجود سيارة صغيره للمشاوير القصيره وداخل البلد

علما ان استخدامي للاكسبديشن اكثر من اللاند ( راحه شخصيه )

واي سؤال انا حاضر