مقارنة : Caprice SS vs Charger RT موديلات 2011 ( الثور الهائج vs الغزالة المتوحشة )

كلهم قبيحات وامتنع عن التصويت

اكيد كابرس ss خاصةً لاجاك ابيض يصير شكله انيييق بالاضافه الى انها رياضيه
التشارجر خارجياً قبيحه سواء القديمه او الجديده مع ان القديمه اهون قبحاً
الداخليه القديمه كنها عدادات غساله , اما داخلية الجديده صارت جميله.

الشكل الخارجي : كابرس.
الشكل الداخلي : تشارجر
القوه : كابرس.
توفر القطع : كابرس.
الصيانه : كابرس


لو انه المقارنه مع الكرايسلر راح تكون شرسه جداً.


بالنسبه للي يقول راعي الكابرس يتعامل مع الصناعيه ماعنده سالفه يسمع ولا جرب
انا معي كابرس 2006 مطلعها وكاله قربت تكمل الـ6 سنين , نخلي القطع الاستهلاكيه
على جنب , اللي غيرته غير القطع الإستهلاكيه هي طبة المويه 3 مرات و ثلاجة القير مره.
والحمدلله ماشيه مع زي الفل مع ان رجلي ثقيله والزيت اغيره كل 10 - 14 الف :bigggrin:.


يقولك عذر البليد مسح السبوره, وعذر اللي يكرهون الكابرس واللومينا يقول لك استرالي.
ودائماً اذا فيه مقارنه مع سيارات GM تلقى اصحاب الفور والدوج ضد حتى لو الفرق شاسع :bigggrin:

تصاميمها كلها حلوه ....لكن التشارجر احلى

بالنسبه للداخليه اشوف التشارجر احلى ....وداخلية الكابرس كمان حلوه...

اشوف جنط الكابرس احلى ....

بالنسبه لسعر التشارجر R/T 2011 على حساب كلام موظف الوكاله يقوول 130 الف ..

والستاندر بـ 116 الف :a1120(82):

مرررررررررره غااااليه ....الله لا يوفقهم

والله يخلي لك سيارتك ..الغزاااااله

تحيـــــــــــــــ ااااااته......*

لا 348

و لكن الوكاله تكتب 360 او 362 ناسي

الوكاله مخرفين يزودون كم حصان

كاتبين الكامارو 462 حصان و هي اصلا توماتيك 400 حصان و قير عادي 426 حصان !!!



الاسطبات انا مركبها .

صوتي للوحش الكابريس ليش ؟
شكلها من الخارج متوحش ورياضي ورسمي مع ان مافيها تكلف والمحرك الجبار وتعدد الوكلاء سياره لها تاريخها
بينما التشارجر (مابي اهظم حقها ) لكن الواجهه مقبوله اما الخلفيه قبيحه قطع غيارها غاليه وغير متوفره بسبب الوكيل مع اني من عشاق السي 300 لكن ماافكر يوم اني اشتريها بسبب وكيلها الفاشل يبيع السيارات ولا يوفر قطع الغيار هذي قمه الاستهتار
واتوقع انه مايستاهل انه يكون وكيل لشركه مثل دايلمر كرايسلر قتل ماركه سيارات ليست بالبسيطه في عالم السيارات وشكرا

RT
380HP
يعني الجديد اضعف من القديم :confused1:

مدري ليه راعين الكابريس شايفين السياره القادمه من المستقبل

على اني انا خياري تشارجر وليس تعصب انما واقع !

مميزات داخليه + الشكل الجديد

لالا غلطان

5.7 ل R/T 370 HP

6.4 SRT8 465HP

الارتي متأكد 370 اما الاس ار تي ماني متأكد 100%

صوتي يروح للوحش تشارجر
عندي معلومه مدري هي صحيحه ولا لا
ان مكينه التشارجر R\T 6.4 2011
مو 5.7

هههههه كبير يا الكابريس من 2007 وهو بشكله ولازال التصويت 22 مقابل 22
تخيلوا يا عالم ان الكابريس تغير شكله 2012 كان شفنا التصويت 44 مقابل 0
ههههههه

بس بصراحة كشكل الكابريس افضل من ناحية انه فخم وبنفس الوقت رياضي وشكل جذاب بنظري
المحرك افضل بالكابريس .. قطع الغيار افضل بمية مرة .. صيانة افضل بمية مرة
تخيل ان الكابريس تقدر توديها عند 6 وكالات معتمدة عشان تسوي صيانة
انا مطلع سيارتي من بالبيد وامس مسوي صيانة بفرع الجميح بـ 40 دقيقة غيروا لي الزيت وفحص كل السوائل ووزن كفرات السيارة وتبديل الكفرات وفحص الفرامل وكل شي وشغل محترم منجد وفوق كذا انت جالس مع سيارتك هههه << ما قد صارت صح
واخر شي استفسر عن سعر الأقمشة طلعت ولله الحمد رخييييصه جدا جدا بالمقارنه مع الدوج اللي اعتقد سعر اقمشتها ههههههه ضعف سعر الكابريس 3 مرات ويا ليتها على جوده

اخيرا : انا شفت الدوج على الطبيعه متوحشه جدا ورياضيه بحته وزواياها غريبة وجميله وداخليتها حلوة لكن فيها بعض الغباءات مثل شكل الباب ههههه وشكل الدركسون ههههه لكن ما شاء الله مواصفاتها ممتازة

الكابريس لو عام 2012 يحدث له تغيير طفيف بالخارجية + اضافة بعض المواصفات اظمن لكم التقييم يصير 44 مقابل 0

سؤاااال يآآ وحش انا وآحد من العيآل شرآ ss 2011

نفس حقت بس لون ابيض المهم انه الاسطبات الخلفية عآدية مو خلايا زيك

بس ابسأل انت مركبها ولا جتك من الوكآله وبسس :xyxwave:

استنآ ردك يآ كينق

صح...

وتقييمي لل ss صح انه استرآآلي بس انه اثبت جدآرته خآصة بالخلييج اتحدآ اي وآحد

يعدي من اي شآرع ومآ يلقآ لومينآ او كآبرس والدودج كويس ادآء وقوة وشكل

وسلامتكم

صوتي للتشارجر لأنه يتفوق على الكابرس من جميع النواحي بإستثناء الوكيل
1- الأمان : التشارجر بودي قوي و6 ايرباقات بعكس الكابرس بودي قرطاس وربي شفت اكثر من حادث كابرس منقلب الأيرباج ما يفتح !!؟
2- الجودة : واسئلو اصحاب الكوابرس هم يعرفون , اللي معاه كابرس زبون بالصناعية , وهذا غير اصوات الديكور والقير , اما التشارجر بصراحة سيارة اعتمادية وقيرها من اروع ما يكون خاصة انه قير AMG// مشاء الله تبارك الله .
3- المواصفات : طبعا التشارجر الجديد ما بقى شيء ما حطوه بالداخلية بعكس الكابرس الفاضية ما فيها مواصفات كانها ستاندر .
4- الشكل : اولا شكل التشارجر جديد وروووووعة وودي الجميع يروحون الوكالة ويشووفونها على الطبيعة ويركبونها , بعكس شكل الكابرس من 2007 ما تغير وشكلها مب ذاك الزود
5- القوة : طبعا التشارجر الستوك اقوى من الكابرس ستوك . بالمكينة الجديدة 370 حصان .

مشكور

شارجر وبس

وربي يفت بالطريق فت

الأخ KING مكينة الكابرس 362 أو 61 حصان و أنا ودي أنت تشوف كاتالوج سيارتك + موقع شفرو لية + الفديو الي حطيته

نعم الجديد اضعف ...

لان المكينة صارت توفر البنزين بعكس 2007 و 2008 تستعمل السلندرات كامله

انا افضل الشارجر علما باني لو بفكر اشتري مراح اشتري ولا وحده من السيارتين لان فيه خيارات كثير افضل
لكن بين الشارجر والكابريس بفضل الشارجر لنقاط كثيره اهمها
1- الشارجر شكل جديد وفي نفس الوقت احلا من الكابريس
2-داخليه الشارجر فيها جماليات اكثر من الكابريس خصوصا الجلد العودي طالع ابداع عليها
3- الشارجر امريكي بينما الكابريس استرالي
4- الدوج كجوده افضل من الشفروليه فمابالك الهولدن !!

كابرس وانت مغمض بلا تشارجر بلا هم

التشااارجر

اخوي بكل حيادية السيارتين مميزات ووحوش وصناعتهم من اروع مايمكن من ناحية نظام التعليق والقير والمكينة
اما الاكسسوارات الداخلية والشكل الخارجي تبقى ذوق شخصي وكل انسان ومزاجه

بالنسبة للكابريس سيارة مميزة ووحش في الطريق ومريح ووسيع داخلياً
وكذلك التشارجر مميزة وشكل جديد وماقلته عن الكابريس ينطبق عليها الا انها شكل رياضي وشبابي بحت

اما الشيء اللي يميز الكابريس عن التشارجر هو فقط موضوع الوكيل والصيانة
ماراح اقول لك عن اشياء كبيرة خلنا على الاشياء الاستهلاكية وابسط مثال لو مثلاً حبيت تغير البواجي للتشارجر راح تتعب كثير الصناعيات مايعرفوا لها والوكيل وربي ليمرمطك اسبوع او اسبوعين عشان بواجي بعكس الكابريس تلاقي خيارات اكثر من ناحية قطع الغيار وكذلك مراكز الصيانة منتشرة من وكالات او مراكز متخصصة مثل الاي سي ديلكو او الصناعيات
اما بالنسبة لأسعار قطع الغيار فالكابريس افضل بكثير من التشارجر من ناحية السعر وتعدد الخيارات ويكون بعلمك بعطيك معلومة للامانة فقط كثير من قطع التشارجر لاتوجد عند الوكيل انا اتكلم عن موديلات سابقة 2009 و2008 فما بالك بـ 2011 ويتم طلبها عن طريق دبي وشوف عاد كم تاخذ وقت على بال ماتجي ويصلحوا السيارة والخيارات غير الصيانة عند الوكيل معدومة
كل ماذكرته لايعيب في التشارجر ولكن العيب في الوكيل

لذلك صوتي يذهب للكابريس SS سيارة مميزة وسعر مميز وصيانة متوفرة واسعار قطع الغيار معقولة وافضل من المنافسين