سأجاوب على هذه الجملة
أعرف واحد معاه كابرس صابونة 96 دفع عليها 10 آلاف ريال تصليح وهي ماكملت سنه معاه!
ماأدري عن الكابرس الجديده بس بالنسبه لي اتمنى لك التوفيق لأن مالي خبره في الأمريكي أبداً وماأقدر أفيدك بشيء ..
اخوي مشكور على ردك بس انا اتكلم عن 2011 مو 96
يعطيك العافيه
انا املك لومينا LTZ2007 والحمدلله ماشتكيت منها وماشي معي زي الحلاوه وماعليك من اللي يقول كلها خربات الكابريس والومينا من 2007 الى 2011 تغييرت جودته
ماشاء الله تبارك الله .. الله يحفظها لك ويحرسها
الله يعطيك العافيه
والله هي على الاستخدام مع ولد عمي 2008
أقولك استخدامه صحيح أن مشاويره كثيره لكن
هادي فيها.والحمدلله ماشيه معه.وانت بتشري 2011
ممتازة جدا الLS لكن إحقاقاً للحق من غشنا فليس منا
بالنسبة للديكور فيها شوي طقطقه ماتوضح إلا مع المطبات
وبالأخير الرأي رأيك طبعاً أستخر ربك وشف وش أنت عليه
وبالنسبة اللي يقول خرابات.أنا دائماً أروح للمعارض تدري
من اللي يسبه ويقول خرابات..أشوف أغلب الكوابرس اللي تنباع
كلها كانت معدلات ومقاومين فيها..ولا بعد عنده وجه يقول الكابرس تخرب!!
والله ما أزيد عليك شفت كابرس معروضه والتعديلات اللي عليها مافكها
ماشاء الله تبارك الله .. بالنسبه لأصوات الطقطقه حتى البانوراما لو دمرتها بالمطبات بتطلع اصوات
اما المعارض صادق .. شف انا فرريت المعارض فرر مالقيت ولا كابرس نظيف
واغلبها 6 سلندر LS وكلها مكروفه وماشيه وعدد قليل جدا
وش ذا التعصب :c0038:
بالعكس فورد الحين الزمن زمانه
لان التطور الي صار فيها مو سهل مثل التورس والموستنق والفلكس والفيوجن والايداج و الاكسبلور وMKS وMKX وووو غيرها كثير :xyxthumbs:
حتى شفرليه شركه حلوه وما راح ارد زيك واقول فاشله :wink:
لكن اقول الجوده لك عليها شوي
وهاذي من تجربه شخصيه كان معي كابرس LS 2004 قبل 4 سنوات ما مشى الا 130 الف
طلع ريحتي من الخرابات صار القير ما يغير من 2 الى 3 على طول ع 4
وضبت القير وبعته :c0038:
والحين معي فكتوريا 2003 شريته وكان ماشي 110000 الف
والحين ماشي 300150
ما خرب فيه شي الا ثلاجة المكينه وغيرتها 700 ريال
وعلبة الدركسون وصلحتها 100 ريال
وبلف الهواء وصلحته 200 ريال
وهاذي كل الخرابات
شف الفكتوريا 2010 وش لون منتشره مع ان الشكل من 98 ما تغيير الا اشياء بسيطه:confused1:
عموما انا ما انصح في الماركيز بسبب وكيلها الفاشل
صادق اخوي الفكتوريا رووعه وسيارات الفورد الثانيه فيها مميزات وتقنيات حلوه .. بس السعر
توروس لمتد ب 143 الف ؟؟
انا معي ماركيز مطلعه وكاله 2001 ماغيرت فيه غير الكفرات والزيت
وثلاجه المكينه غيرتها مثلك ب700
وماشي لحد الان 250 الف وبسم الله ماشاء الله تبارك الله ورده
لكن حبيت اغير وبعطي الماركيز اخوي الصغير .. لكن للأسف الماركيز مو متوفر في الوكاله مخلص
والكراون فيكتوريا بالحجز وبالقوه تحصل
محدثكم يمتلك كابرس 2008 LTZ 8V
ماشاء الله
ماشي 37000
للأمانة اسعار قطع الغيار
يوجد اكثر من وكيل والاسعار تختلف
اخذت القطع من صناعية الخليج ويوجد خيارات كثيرة والاسعار تختلف
القماشات امامي السعر ( الجميح 350 ) بالبيد ( 170 ) العيسى ( 160 ) وانا اخذت العيسى لانه استيراد امريكي
والخلفي نفس السعر
مميزات
الكابرس معروفة مريحة ووسيعة والعزم ماشاء الله يعطيك مع الخطوط الطويلة
اضف الى ذلك ميزة صرفية البانزين توصل الى حد 600 كيلو بتعبئة 30 ريال فل
على حسب ماسمعت من كلام بعض الشباب ان الكابرس فيها ميزة نفس مكينة اليوكن عند السرعة اقل من 80 يشتغل 4 سلندر وعن اعلى تشتغل 8 سلندر وهي هي ميزة التوفير والله اعلم
العيوب
بالنسبة لي هي اصوات امامية مع المطبات وجاري حاليا اصلاحها مع العلم انني فحصت السيارة عند اكثر من وورشة وغيرت ربل عمود التوازن وبلا فائدة
واخيرا الكابرس بتدلعها بتدلعك حالها حال اي سيارة
والله يكتب لك الخير
ماشاء الله تبارك الله .. الله يعطيك خيرها ويكفيك شرها .. هذي الردود الي توسع الصدر وتفيد الاعضاء
مشكور على ردك
انا بصراحه ارشحلك الكابريس 2011 ال اس عن تجربه
وبما انك مجرب الماركيز 2001 فما كانك غيرت كثير . خلي الماركيز اللي معك للمشاوير القريبه والكابريس للمشاوير البعيده والمناسبات وغير بينهم .
لكن صعب تعتمد عالكابريس لوحده, وعموما الكابريس يبيله عنايه ,خاصه انتبه من المطبات والدعس اللي ماله داعي
هذا هو اني باخذ ماركيز .. وما كأني غيرت كثير .. نفس الموتر تقريبا
لحد الان انا صامل على الكابرس بعد ما شفت ان الوكيل مخلصه الماركيز من عنده
