الحمد لله وبفضل الله
قررت أشتري اكسنت 2012 وغدا سوف أتوجه إلى وكالة هيونداي على طريق خريص فعندي طلب بسيط يا ليت تقولوا لي إيش عيوب السياره وإيجابياتها ونصيحتك لواحد بيشتري سياره جديده لأول مره
الحمد لله وبفضل الله
قررت أشتري اكسنت 2012 وغدا سوف أتوجه إلى وكالة هيونداي على طريق خريص فعندي طلب بسيط يا ليت تقولوا لي إيش عيوب السياره وإيجابياتها ونصيحتك لواحد بيشتري سياره جديده لأول مره
90 مشاهده ولا رد؟؟؟
ياخوي انت تتكلم عن سيارة ماصار لها شهر من نزلت ماندري قليل في المنتدى الي يملكون السيارة انا اشوف حاجة وحدة اذا انت ناوي على الفل ابشن فسعرها 64 الف فتحة سقف / تشغيل الكتروني(بصمة) مسجل سيدي وفتحة يو اس بي وبلوتوث بس هذا المواصفات وشكل جذاب وجنوط 15 تقريبا او 16 ماني متاكد وزوائد رياضية
اخوي رحت الوكالة ومافي ولا شي من هاذي المواصفات في ثلاف انواع
الاول:قزاز عايدي وقير عايدي ناسي سعرها كم
الثاني :قزاز كهرباء وقير عايدي ناسي سعرها كم
الثالث:قزاز كهرباء وقير اوتومتك وسعرها 47
واذا تبي نصيحتي انا بعد كم يوم بطلع النترا 2011 الشكل القديم حق كرف ويتحمل ومكينة اقوى والفرق بينهم 10 الاف اظن الانترا طبعا ب 57 اظن الفل فتحه وقزاز كهربا وقير اوتومتك و مكينه 1600 وفي 2000 سي سي والاكسنت 1400 سي سي
اتمنى اكون افدتك
شف يابعدي
اما قوة تحملها فالسيارة لازالت جديدة ولا احد يدري عنها
ونصيحة لوجه الله
استأجرها بـ 100 ريال باليوم ، خذها يوم او يومين وجربها بالديرة وامسك فيها الدايري او خط سريع ، واعرفها زين ، ولاتعتمد على كلام فلان او غيره !
انا استأجرتها والسيارة بشكل عام جيدة ، العزل فيها حلو وعزمها ممتاز والتكييف رائع والمقاعد مريحة .
هذا رأيي فيها ، ممكن لو تجربها تتفق معي او تختلف .
احرص على ان تكون السيارة المستأجرة جديدة ، يعني ماتتعدى 10 الاف كيلو .
بالتوفيق ،
انا مشتريها لصاحبي والسيارة من اروع مايكون ..
اللي عنده جنط 15 و مسجل بو شاشة كبيرة شوي .. مو زي الباقي الشاشة صغيرة مره ..
وبلوتوث وازرار بالطارة وفتحة سقف و وفتحة AUX و USB - IPOD .. ~
السيارة بالمفتاح .. مو زي الفل بو جنط 16 ودخول بدون مفتاح ..
السيارة بـ 49 الف اللي اشتراها زي ماتقول نص الفل حاليا !
وماشاء الله قوية وسريعة ..
وماشية 3500 كيلو في اقل من شهر وسفريات والسيارة مريحة جدا .. ~