السلام عليكم
مشاركتي في حقيتها هي الاولى لكني متابع لكم وهذا لتميزكم الذي المسه منكم وعسى اني اخترت القسم المناسب لموضوع
اولا بارك الله في الاخوان جميع *ووفق الله كل ناصح لاخيه بهالمنتدى بالنصيحه اوالمشوره*الصادقه
تانيا والله ياخوان خويكم ماحده بالسيارات الا شكلها يعني لااساسيات ولاصيانه ولاخلافه*
وعشان كذا قبل 6 سنين اول مارزقنا الله بالوظيفه والزواج ولاني عليمي بالسيارات مابغيت اتوهق بخرابات السيارات سواء داخل المدن او خارجها فخفت على اهلي *مع الخطوط الطويله والسفريات*قلت ياولد مالك الا سياره من الوكاله وريح راسك ولاناقصني مشاكل وحوسات مافهم فيها فاخذت لي قرض على راتبي وبفايده تقصم الظهرلكن للاسف السياره رغم انها وكاله موديل السنه حطيت عليها فلوس قريب نصف سعرها بخلال 3 او 4 سنوات والله يعوضني والمصيبه السياره مالها قيمه مابعد البيع حتى لوهي موديل السنه وبعتها ماتجيب شي يعني عليه العوض من الخساير سواء دين على الفاضي او الفلوس اللي دفعته ع تصليحها*
اسف عالمقدمه الطوله والمختصره اصلا
الزبده :
الحين علي اشتري من جديد لان سيارتي اكلتني كما اسلفت *وهي لسه جديده *عشان كذا ابي سياره عائليه مره واحده لي وللزمن*
ع كل حال طلبي سياره كماتسمونها كروس اوفر
يعني ابي سياره عائليه تشملني انا وام العيال وثلاث اطفال*
سياره حقت خطوط وسفر وماهي للبر اساسا نوعا ما
ابيها تكون جوده مشهود لها وخرابات قليل وعمرطويل
سعر مابعد البيع ، قطع غيار معقوله السعر، صيانه متوفره بالمدن
وفلوسي قليله ابيها مستعمله والله يخارجني معها وانا مافهم بالسيارات لله
بالنسبه للسعر امكن ادبر لي قرض اخر لين 50 او حتى 60 الف اذا السياره تستاهل
واذا بغيت اغيرها بغيرها بعتها وجابت *لي قيمه
الخيارات مفتوحه ياباني امريكي ومن فين اشتريها افضل معارض اوصالات **
