عبداللطيف جميل يستغفل الشعب ولا وش قصته ؟؟

في امريكا مافيه الا VX مافيه جكسار

بالنسبة للضمان انا خبري قديم ... إن كان غيروا نظامهم فالله حسيبهم

كلامك على عيني وراسي .. بس ابيك تروح تششوف صور الـgxr الأمريكي وشف يفرق ولا لا :smile:
ثاني شي واحد من الشباب عنده لكزس 350 امريكي رحت انا وياه نبي نفحصها عند عبداللطيف رفض يدخلها قلنا وش السبب قالوا امريكيه قلنا طيب نبي تفحصونها لنا وخذوا حقكم قالوا ابدًا حنا ممنوعين من صيانة الأمريكي .. :confused1: وانت جاي تقول ادفع ويدخلونها تحت الضمان انا مابي ضمان ابي يصلحونها لي بس :smile:

الي عندة فلوس تحيرة يروح لبو جميل يطيرة ههههههههه

هذه ثقافه
والي تحت الثقافه ما يدري عنه الشعب
تويوتا لو زادة في المواصفات راح ينضرب سوقها لان مراح اي احد يقدر يصلحها زي اول اقرب محطه تصلحها وهذي رغبة الشعب
وعني شخصانيا اكر تويوتا كره العماء


<----------------------------------------------------------------لا جييب الا جييب-------------------------------------------------------------------------------------------

خل سيارات ابو جميل له
انا اقول الاندكروزر البريمي افضل
ولا خذلك تاهو فل كامل

ما فيه أحد ينكر أن الوكلاء في الدول العربية

يأخذون أكثر نسبة ربح (والله أعلم)

لكن الواقع مثل ما تفضل أبويوسف التسعيرة الأساسية تكون من الشركة

وعلى فكرة التسعيرة الأساسية تختلف من منطقة عن أخرى

يعني لا تتوقع أن تسعيرة الخليج مثل أمريكا لعدة أسباب أذكر مثال فقط

عدد المبيعات هنا وهناك .. ولا فرق أضعاف مضاعفة

مدى تأثر سمعة الشركة هنا وهناك .. ولا فرق هناك فيه مجلات ومواقع تتكلم

أخر مثال وليس آخر سبب .. الخليج معروف ما يتغير نظامة بسرعة

يعني يبي يجلس على هالشغل سنين ما درى الشعب إن الوضع تغير

بعكس أمريكا وغيرها من الدول المتقدمة .. يقرون ويعرفون الفرق


ولا أنس أكبر وأهم وأساس نجاح تويوتا هو الوكيل

أنا متأكد 100% لو إنه غير عبداللطيف جميل كان تشوف الوضع متغير 180 درجة

:)

انت شفت اللاندكروزر 60 سنة 5.7 اللي جابه عبداللطيف جميل ؟

انا ركبته وما شفت فيه فرق بينه والامريكي ولاني خبير في الكروزر صراحة بس انه كامل المواصفات

اما ضمان عبداللطيف جميل فما لك لوا ... تقدر تدفع للشركة ويدخلون السيارة تحت الضمان ماعندك مشكلة

للاسف سيارات تيوتا الان اسعارها مقارنه بمواصفاتها
لا تستحقها ابدا ابدا
غاليه جدا بهذه القيمة تاخذ لك سيارة من ماركة اخرى باعلى فاتها
تيوتا مافيها الا اسمها حاليا
تخرب مثل ماتخرب السيارات الثانيه قطع غيارها صارت اغلى ووكيلها اسوء وكيل

>
>
>
>>
>
>
هذا الكروزر الأمريكي




.........
يعني المراتب ويغيرها شاشه ويشقلها يا جماعه حتى الطبلون يفكه ؟؟؟؟
معقوله ؟؟
سعر السياره إلي حآط صورها بـ 68000 دولار .. يعني تقريبا 250 الف ريال سعودي
دام الشركه رافعه سعر اللاند كروزر من عندها ليه ما رفعتها فـ امريكا ورافعتها فـ السعوديه ؟؟
السالفه مو سالفة انه انا ابي السياره ومنقهر عشان سعرها .. انا منقهر من الوكيل نفسسه
يعني حتى لو فكرت اشتري لاند كروزر من امريكا واجيبه هنا عبداللطيف جميل يرفض يدخله الضمان وحتى يرفض انه يدخله لو بدفع بفلووسي ؟؟ هذا بأي حق
انت الوكيل الحصري لتويوتا فـ السعوديه يعني لو اجيب لك سياره تويوتا من أي دوله أقل شي دخلها على حسابي يا ناس هذا كأنه يقول اشتروا من عندي ولا اقلبوا وجيهكم
لو اشحن سيارتي السعوديه امريكا واللهي العظيم وكيل تويوتا هناك يشملها الضمان عنده
عبداللطيف جميل ماخذ السالفه استهتار
انا ودي اعرف وش نوع الواسطه الي عنده ؟ :confused1:

شركت عبداللطيف جميل شركه ناجحه بكل المقاييس تعرف تصرف بضاعتها عالافراد والقطاع الحكومي والخاص وعندها تسهيلات للشراء والظاهر هي الشركه الوحيده بين شركات السيارات الي لها نظام خاص فيها للبيع بالاقساط
وعلى ما يبدو ان اهم شي عند الشركه نشر سيارات تويوتا حتى لو كان فيه خساره لكن راح يعوض هذي الخساره عن طريق قطع الغيار
وايضا فيه نقطه لصالح عبداللطيف جميل وهي انتشار فروعه وموزعيه الي يدعمهم سواء موزعين قطاع غيار او موزعين سيارات
هذا اولا
ثانيا عبداللطيف جميل ما خدع احد وقال له ان السياره فيها وفيها من المواصفات السياره قدامك قلب فيها على كيفك قبل ما تشتري
ثالثا حنا الي بيدينا نرخص الاسعار ليش اربط مصيري بسياره معينه والحمدلله البديل موجود وبسعر ارخص ومواصفات اعلى



بس بالسعر هذا تقدر تجيب تاهو موديل 2011 جديد اصفار وانت مطمئن ما فيه عيوب ولا صدوم
اما المستعمل ما تضمنه

يحق له يسوي أكثر وأكثر .. مراكز صيانه في كل مدينه وجبل ووادي وطعس

يعني واحد عايش في قرية أو هجرة تبيه يشتري إكس فايف ؟ .. مسكين ماله

الا تويوتا .. ما هو فاضي كل يوم يسافر عشان يشتري قطع غيار .. والله شعب

مسكين مغلوب على أمره .. لا مراكز صيانه ولا خدمات ولا بدائل متوفرة .

معلومة جديدة / ابو جميل زاد سعر البرادو هاليومين تلقون السعر الجديد في

الموقع الرسمي حقه ووصل الي (139) الف سته سلندر قير تماتيك ستناندر (TXL)

بدون أي زيادة في المواصفات (مراتب هندل لما تدفه كأنك ترقص سامري) .. تحياتي .

خذ خليجي وارد اليحيى . وأترك عنك اللاند وارد عبداللطيف .
صحيح مقاعد يدوي بس شكله أفضل بـ ألف مرة .

والله صادقين الشباب الخيارات عندك كثيرة غير تايوتا عندك GM وVW والكثير الكثير من الشركات والسيارات ....
ابد خذ جيب نفس فئة اللاند ويمكن اكبر بموصفات اكثر وشكل اجمل و المكينة اقوى وافضل بسعر ارخص ... وعيش الحياة

غلاء اللاندكروزر من الشركة وليس من الوكيل

شوف سعرها عند الوكلاء الآخرين مثل البازعي ... تجد نفس المواصفات بسعر أغلى

ولو تلقي نظرة على السيكويا تجدها أعلى مواصفات وأكبر حجم وأقوى مكينة وأرخص سعر مع انها تويوتا

لأنها تصنع في أمريكا وأقل تكلفة من اللاندكروزر

وكل واحد حر في فلوسه وين يحطها

بالتوفيق

ياجماعة هدو أعصابكم اللي منزعج من السعر لا يشتري والخيارات كثيرة وأنتم أخبر مني

صاحب الموضوع دور لك شيء غير اللاند
على قد فلوسك وبالمواصفات اللي تبيها
والخيارات ذكرها لك الشباب

يرجال الشرهه مو عليه , الشرهه على هذولا اللي جالسين يشترون منه عشان السمعة المصطنعه له هنا وعشان هالشريطية التعبانين اللي مرفعين في اسعارها فوق السماء

والله استغفال على اصوله بس الناس قاعده تشتري وأزود من اول كمان!!!!

انا مع المستعمل الرخيص ..

اخوي شاري GX 2009 مستعمل بسعر تقريباً 145

كان محتار بين تاهو LT وكاله واللاند مستعمل

بالمقارنه بالمواصفات . . . اللاند افضل

المميزات :
فتحه سقف مكيف الكتروني و دخول ذكي

السلبيات :

مكينه ضعيفه V6


التاهو :

مميزات :

تشغبل عن بعد + مكينه قويه V8 + كراسي شبه كهربائيه

السلبيات :

عدم وجود فتحه سقف + عدم وجود مفتاح ذكي + تشغيل مكيف فر


قارن بينهم اخوي وشرى لاند

::

::


وشكراً