السلام عليكم ورحمة الله وبركاته ,,
هذي اول مشاركة لي في المنتدى وان شاء الله تكون انطلاقة خير من خلال هذا الموضوع .. وبصراحه اللي شدني خبرت الاعضاء وتفاعلهم والاخويه بينهم (الله لا يغير عليكم)
يا جماعة انا معي 160-170 ألف ريال ,, وكنت محتار بين سيارتين
1- انفينيتي G 37
2- كاديلاك CTS
يهمني انا الراحة والمميزات الداخلية والخارجية واعتقد انها متقاربة بالمواصفات السيارتين اللي ذكرتها.
ولكن بعد ما قرأت عن مشاكل CTS في المنتدى شلتها من راسي و الخيار صار على الانفينتي.
بس ودي اخذ شوركم ورأيكم وبعض الاستفسارات بحكم خبرتكم .. ياليت ما تبخلون علي فيها.
انا زرت معرض انفينيتي على طريق خريص استغربت ان الموديل الموجود 2010 موب 2011 وقالي راح ينزل الموديل الجديد خلال الشهرين الجايات من الان.
سعرها الان 162 الف بس مافيه الا 3 اللوان ( ابيض - اسود - لون غريب ما اعرف وش اسمه بصراحه :) )
الاسئلة اللي في بالي:
1- كم سعر السياره في الكويت موديل 2011 ؟
2- لو شريتها من الكويت هل راح تدخل بالضمان في السعودية ؟؟
3- هل في فروقات بين موديل 2010 و 2011 ؟؟
4- السؤال الاهم متى راح يتغير شكلها !! مالها داعي اشتريها ويتغير عام 2012 تحطيم بصراحه
5- رأيكم بالسياره بشكل عام ؟
6- طبعاً اذا في نصائح اخرى .. ياليت لو تذكرونها
يارب ما تبخلون علينا بأرائكم وخبرتكم
أخوكم ابو عبدالكريم
اولا وعليكم السلام ورحمة الله وبركاته
عفوا على عدم الرد على استفسارك لاني اتجهت لاخر صفحة
عموما
1- الانفنتي ارخص شيء في الامارات وخذها قاعدة واما الكويت فاظنه اغلى انفنتي خليجي واتمنى ان يصحح لي اخواني اذا كنت غلطان لكن هذا من واقع متابعتي لهم قبل سنتين
2 - نعم تدخل الضمان اذا كانت خليجية من الكويت او غيرهـ
3 - موديل 2010 حصل على تعديلات نصف العمر لذلك فيما يبدو لي ان 2010 هو 2011 باستثاء اضافات غير محسوسة جدا ولاتؤثر على الشكل الداخلي او الخارجي
4 - والسيارة مثل ما قال الاخ نيساني لن تتغير كليا الا في 2013 باي حال من الاحوال
5 - انصح بها وبقوة لان احد الاعضاء هنا في رابطة انفنتي معه جي 35 2007 وانا اعرفه شخصيا يكدها ويقاوم عليها وله مقاطع في اليوتيوب ودوم يمدحها
6- الام الجديدة حلوة وانصحك فيها من ناحية الرحابة والتقنيات وانها موديل حديث جدا يعني معك 5 سنوات قدام ، بالاضافة انك تقدر تركب عليها جنوط 56 وتاخذ شكل الام الكبيرة مع رخص الام الصغيرة
تحياتي
