جنرال موتورز تعلن عن خلل في المحور الخلفي للتاهو واليوكون 2011

إخواني الاعزاء مساكم الله بالخير
واعذروني على التأخير فلم أرى ردودكم في الفترة الماضية وانتم تستاهلون كل خير
والقصة وما فيها اني شريت تاهو2011دبل من الوكيل بالبيد,والسيارة من يوم شريتها ما لاحظت فيها أي شي الا شي بسيط وهو صوت الهوا أحيانا ما هو مريحني وقبل أسبوعين تقريبا اتصل بي واحد من شركة بالبيد الصيانة وقال لي أنه في تعديل مجاني على السيارة وقلت له وشهو قال إذا جيت يعلمونك وعطاني موعد وجيتهم على الموعد في مركز الصيانة المهم قالوا تجي بعد أربع أيام وطلبت منهم صيانة أولية(1000)كيلوا قالوا ماهي مشكلة,وطلبتهم سيارة بديلة لين تخلص سيارتي قالوا مافي الشركة وقفت هذا النظام المهم جيتهم بعد خمس أيام وقالوا سيارتك جاهزة والخلل في الصليب للدفرنس الخلفي وسويناه والله ما أدري عاد سووه ولا لا أخذت سيارتي ومشيت وما عليها أي ملاحظة ولا وجدت فرق ..هذا اللي صار وحبيت أفيدكم فيه وآسف على التأخير.