السلام عليكم .. اسعد الله اوقاتكم يالحبايب
بالصدفه وانا جالس ادور في قوقل عن مشاكل واصلاحات مازده زوووم 6 موديل 2007 سيدان
طحت في منتداكم العريق وبعد قرايتي لمشاركات الاخوان المبدعين وردودهم حسيت اني ابلقى حل لمشكلتي ... ابسرد لكم قصة موتري العزيز |260|
ابدخل في الموضووع :
1/ انا عندي سياره مازدا زووم 6 سيدان ....... موديل 2007 \\ مشكلتي فيها اني سافرت عليها ويوم ردينا الديره حسيت فيها زنه ورجه رحت الترصيص وررصت الكفرات ومازانت ورحت شيكت عليها عند ميزان يقولي العفشيه في السياره من تحت تمام ماشاء الله قلت طيب رحت ميكانيكي قالي في مشكله في الماكينه .. مع ان الماكينه لاتدخن ولا تصرف زيت ولا مويه ولله الحمد رحت لميكانيكي ثاني قلي انتظر المهم جاب له ماصوره وجلس يحرك كرسي الماكينه البستم العلوي راحت الرجه ويوم شالها رجعت الرجه وقالي في مشكله في الكراسي و الكشف عن باقي الكراسي صعب شوي لأن الماكينه صدر يمين ويبي لها شغله كشف ومادري وشو ..
2/ بالنسبه لمشاكل العزم احس ان الموتر عزمه ضعيف مره وتغييرة القير رقم 5 ماتغير بسرعه . ظنكم وش المشكله فيه ؟ تتوقعون بواجي او بخاخات لأن سيارتي مالها اسلاك بواجي ونظامها كويلات كهرب مع البواجي .
وانا الحين طالبكم تساعدوني وتقولون لي وش اسوي اخذ الكراسي الرخيصه والا الغاليه مع العلم ان الكرسي البستم قيمته 230 ريال وباقي الكراسي لازم اروح لوكالة الحاج حسين بنفسها واشتريها .. ووش الافضل اصلحها في الوكاله والا في ورش ثانيه .. واكثر الورش يقولون مانعرف للمازدا واخاف اروح اصلحها في الوكاله ثم يطلعون لي مشاكل ثانيه وانتم خابرين مشاكل الوكالات وبلاويها :a120(115): ............. تحياتي لكم واتمنى انكم تساعدوني وتشورون علي وش اسوي وتحياتي لكم جميع :emot146:
