مـــشـــكلة نــقــص مــويـــة الأديـــتـــر ... حــلـولـكـم وتـجـاربـكـم؟

والله انا سويت نفس الي قلته بالضبط قبل سنه والين الحين ما شاء الله ما فيه تبخير ولا تهريب ..
نفس المشكله صارت لي تهريب من المكيف الحار وفصلته .. لانه كان يصب مويه مو مجرد تقطير ..

العفو منك. أخي ليس هناك ضرر غير أنك تتعب و تقعد تتابع مستوى الماء فقط.
أما تغيير وجه الرأس - إن كان هو السبب - فشغلته بسيطة و ما تخوف! لكن يحتاج تستغني عن سيارتك يوم واحد. هل أنت في الرياض؟ أنتظر جوابك.

اقتراح جيد:
أنا لما غيرت وجه الرأس - كاستغلال لفرصة مكوث السيارة طويلاً - قلت خلني أغير سير التيمن لأنه باقي 20 ألف كم و يحين وقت غياره , و مرة وحدة غيرت صوفة عمود التيمن بالرغم من عدم وجود تهريب زيت.
قلت طالما إنها متروكة يوم كامل خلنا نستغلها بعدة أشياء و علشان ما أجي بعد شهر أغير سير التيمن :smilie16: بالرغم أنه ما فيه اهتراء و لا صوت بس مجرد احتياط.
و يا ليتني خليته يصنفر البلوف بعد :smilie16: و تسييخ رديتر!! هذي نسيتها.

حصل لي مشكلة من زمان و هي فقدان الماء بشكل بطيء بدون رؤية أثر للماء.
طلعت من وجه الرأس , أحد فنيي ورشات الرديترات اكتشفه لما شاف أثر خفيف لماء بني ناشف مثل الصدأ على جانب المكينة , يعني وجه الرأس ما فيها كلام.

للمعالجة الؤقتة تم استخدام بودرة APRO أمريكي بـ 5 ريال بتفريغها في جالون ماء الرديتر و خض العبوة (و أرى أن هذا أفضل من تفريغها مباشرة في الرديتر) ثم تعبئة الرديتر بهذا الخليط. الحمد لله اختفى التهريب لمدة تقارب السنة. بعدين قلت خلني أغير وجه الراس و أرتاح , و غيرته بدون خرط الرأس و لا توجد مشكلة و الحمد لله.

أما إلغاء الخط الحار فلا داعي له , أحد الورشت اقترحت علي ذلك و رفضت!
نحن نريد حل المشكلة و ليس الهروب منها.
فإن كان اللي مهترئ غيره , و إن كان محتاج قفيز (الي يشد على طرف اللي) غيره. و هكذا لكل مشكلة علاج.

طيب انت راعي خطوط ... وبالتالي اكيد المويه تنقص بفعل الحراره والتبخر

من جهة اخرى هل المكينه عندك نظيفه ؟
لان المكينه التعبانه تصرف مويه من خلال دخول المويه لداخل غرف الاحتراق وخروجه
من الشكمان
اما اذا كانت المكينه سليمه ومتأكد من كذا ... فيمكن هناك تهريب اما من الثلاجه
تكون منشعره وتهرب ... او الليات .. او الاديتر

الله يعافيك أخوي على التعقيب وما قصرت .