مشكله وما ليقت من يدلني

المعذره على التاخير ....... البطاريه غيرتها 74 امبير ولكن ما انحلت مشكلة انطفاء السياره وتشغيلها من نفسها للحين كل هذا يصير باقل من ثواني صراحه احترت

وبالنسبة للبطارية ما يضر ابد لو تركب حتى لو 100 امبير.
بالتوفيق

حمدلله انه انحلت المشكله
طيب الدينمو يتصلح ولى لا؟

الحمد لله انها انحلت مشكلتك
وحاول كل ما جيت تغير زيت للسيارة انك تنفخ بالهواء فتحات الدينمو علشان تخرج الاتربة من داخل الدينمو.
موفق اخوي ولك تحياتي

مساء الخير شباب...... انا رحت اليوم استلم الدينموا .... سعر الدينموا قراند شروكي 2005 4.7 8 سلندر 1410 ريال والتركيب 40 ريال ومره وحده غيرة السير 70 ريال... وعلا فكره يوم فك الدينموا القديم فيه مسامير تكسرت ونفس النحاس من داخل كانها مسوده ... بس بعد تركيب الدينموا الجديد فصلت اصبع البطاريه الموجب ولا طفت السياره .... نقول انشاء الله انحلت المشكله
وقالي الكهربائي لاتغير البطاريه الين تقول غيرني علما بان البطاريه 70 امبير شركه امريكيه لان السياره من امريكا ... والي عنده او يعرف وش نوع البطاريه وكم امبير ونفس مواصفات سيارتي ما نستغني عن معلومته... وشكرا ... الدينموا تحت التجربه الله يستر...

اخوي طيب هل يعني المسجل والمكيف يطفى ويشتغل في نفس الوقت والا اللمبات فقط .
اذا كان كذا اتوقع الظفيره والله اعلم .

مشكور اخوي وماقصرت كفيت ووفيت ... بس سؤالي لو اغير البطاريه فقط... واذا كان تعرف كهربائي كويس في الخبر دلني عليه ...

السلام عليكم ورحمه الله وبركاته
من يوم ماقريت مشكلتك - وتابعد ردود الشباب -قلت ان البطاريه الي انت مركبها صغيره مو نفس مقاس بلدها لان صارت معاي نفس مشكلتك( [COLOR=slategray]لطشت بطاريه سياره اخوي الكامري وكانت 50 امبير وركبتها على سيارتي وصارت نفس المشكله المبات تولع مو على طول بس السياره ماتطفي واحيانا امبير السياره ثابت في النصف واحيانا نازل واذا نزل تولع المبات لما ادعس بنزين وشويه تروح)[/COLOR]
عارف انه غلط اني اركب بطاريه اقل من المقاس - اخوي مبتعث قلت بطاريته بروح من الوقفه خليني استخدمها احسن - وممكن مع الوقت تاثر على الدينمو لان الفرق حول 20 امبير
بالنسبه لسوالك عند فصل اصابع البطاريه تطفي السياره اعتقد انه من الدينمو لانه المفروض تشتغل على الدينمو ماتطفي ! والله اعلم
بالنسبه لدنمو ليش حكمت انك تشتريه ليه ماتصلحه امكن مشكلته بسيطه من فحماات او لف قلب بس شوفللك كهربائي فاهم وخليه يفكه.
بحكيلك قصه صارت معي مع التوليف
عندي معده ثقيله والحمد لله ( رصاصه ) وناس تسميها (مدحله) من شركه مدكو حرق فيهاا الدينمو وسالت الوكاله قالوا - 4800ريال بعد الخصم - سالت مستورد ثاني يجيب قطع الكهرباء نفس قطع مدكوقالي - 2000ريال بعد الخصم- لاحظ فرق السعر والله شي يقهر سيبتهم ورحت لكهربائي صاحبي وعميلي- تخصص ديزل - جابلي دينمو ماركه بوش الاصلي - 500ريال وراكب زي الحلاوه له 11شهر الان والحمد لله علما بانه جديد بالكرتون
ياخي السوق فيه بدايل كثيره بس وين الي يدور
واتمنى اني افدتك :ch19:
واسف على الاطاله :xyxwave:

مشكور اخوي عبدالعزيز ... بس ابي اسالك انا رحت يم رد كاب الي بالخبر وحصلت عنده اكسايد بس حصلت مقاس 72- بس حجمها صغير يعني تتحرك مو نفس مقاس القاعده حقته .... يعني نفس الي راكبه الحين لان الي راكبه الحين 70 امبير .. وفي الوكاله قال ركب الين 75 امبير .... زبدة الكلام هل يؤثر زيادة الامبيرات على الدينموا يعني لو اركب 85 امبير عادي؟؟؟؟؟!!

انصحك بالجديد الأصلي وابتعد عن التشليح لأن اكثرها مجدد
صحيح الجديد غالي ولكن يستاهل او دور لك على دينمو امريكي ولكن يكون جديد وغير مجدد.
اما البطارية فركب اقوى ابدا ما يضر ركب 80 امبير.
بالتوفيق

طيب ابي اغير البطاريه .. لان البطاريه الي راكبه عليها 70 امبير وحجمها صغير يعني شكلها مو حق السياره تتوقع هذا الشي له تاثير ... وبعدين لو ابي اركب بطاريه ثانيه كم مقاس البطاريه الي لازم اركبها لاني ابي اركب اكسايد ...

شيكت ونفس المشكله ولكن عند تشغيل السياره وفصل اصبع الموجب تنطفئ السياره وش تفسير هذا الشي

افحص اصابع البطارية ممكن مرتخيه وتحتاج شد كذلك افحص اصبع السالب الي مشبوك في بودي السيارة ممكن يكون مرتخي مع شبكه البودي لان اللبمات الي تطلع عندك دليل ان البطارية مفصوله وقد تفصل ثواني حتى لو لم تطفي ولكن الاشارة واضحه عندك في الطبلون وتدل على ان البطارية فيها شورت او حركة للاصابع

هذا و الله اعلم

اخوي عبدالعزيز ,, انا رحت لحق البطاريات وقال ان انه 14 وبعدين رحت لكهربائي وفحص بلجهاز حقه وقال صحيح انه يعطي 14 ولكن المؤشر حق جهاز الكشف غير ثابت يهتز.. فقال لي عندك مشكله في الدينموا .. والاختبار الي سويته الي علمتني هوه سويته وطفت ؟؟؟!! وهو قالي روح التشليح وخذ لك دينموا يادي الغرض بس صراحه مو زي الجديد لان لو شريته ب500 ريال كحد اعلى ممكن يجلس فتره ويخرب فاحسن ازود 900ريال واخذ جديد.. بس انا قلت ممكن يطلع غير الدينموا لاني ابي اصلح وافتك... وهل انت تدل تشليح مختص بالقراند شروكي ... صراحه باقي محتار...... ومشكور اخوي عبدالعزيز

أنا لا أدري إذا كانت مشكلة الطبلون لها ارتباط بالدينمو, لكن قبل شراء دينمو افحص الشحن عند أي محطة فيها كهربائي. القيمة الطبيعية للشحن هب 14 فولت.
لازم يكون أدنى شحن (و بدون دعسة بنزين) 13.5 فولت. لا تستعجل بشراء دينمو.

و بعدين افرض إنك احتجت دينمو -و إن شاء الله ما تحتاج- روح التشليح و خذه على الضمان و ما فيها شيء. توفر على نفسك واجد و يعمل مثل الجديد. المفروض ما يزيد عن 500 ريال.

و بالنسبة للسعر أشوفه معقول 1400 ريال من الوكالة. قارنه ببعض السيارات اليابانية و الأمريكية (الأصلي فقط) تراه بتلقاه رخيص! توقعت سعره أغلى من كذا لكون السيارة شيروكي.

ليه يعني يمكن ما يطلع الدينموا ؟؟؟؟؟؟؟؟!!!!

العفو اخوي ورأيي انك تحتفض بالدينمو القديم يمكن يكون سليم واحتفظ بفاتوره وكرتون الدينمو الجديد
لأنك تقدر ترجعه او تستبدله بأي شيء من فحمات او غيره من القطع.
موفق اخوي

مشكور اخوي وما قصررت ويعطيك العافيه انا اليوم رحت سويت طلب دينموا من الوكاله وقالوا راح توصل يوم الاثنين .... لان ما فيه الا في جده ...