؟!
؟!
أخي الحبيب يا من تحب مسابقة الريح
تذكر وأنت تعيش نشوة الإنطلاق
بأن أقرب غائب نتنظره جميعاً
((( المـــــــــــوت )))
السلام عليكم ...
يسعدني أرد على تسألك بالموضوع هذا من خلال تجربتي للكامري 2003 .
بصراحة الكامري ممتازة بس مشكلتها فيها عيب تصنيعي وهو لما تتعدى سرعتك 130 تسمع صوت هواء يدخل مع الابواب الامامية
وانصحك اذا أنت مصمل على الكامري تنتظر موديل 2004 لأنه أكيد بيتلافون الخطأ هذا
والكامري تتفوق على الأكورد بعده مزايا من نظرتي أنا وهي الشكل الخارجي (شكلها أحسن الأكورد) الشئ الثاني فيها حساسات خلفية وأمامية مع شاشة للحساس الأمامي والكامري قطع غيارها أرخص من الأكورد وخدمات التويوتا في المملكة أحسن الهوندا في الصيانة وغيرها وبعدين الكامري شيك سعرها ماينزل كثير عند بيعها
أما الأكورد فمن تجارب زملاء يقولون أنها ارسى من الكامري وأقوى وبصراحة أنصحك أذا تبي الكامري أنتظر 2004 وأذا تبي الأكورد فحاول أنك تأخذ فل أوبشن أو اللي بحدها
هذا اللي قدرت عليه وأنتظرنصائح أهل الخبرة .
بما انك حصلت واحد جرب الكامري...فيشرفني اني امثل الاكورد<--موب عاقل القمة العربية
انا مجرب الاكورد2003،الموتر راسي جدا زي ماقال الاخ الجلنار...اما من ناحية الشكل...الناس اذواق يعني انت تقول الكامري احلى...بس انا اقول الاكورد احلى،قطع الغيار طبعا معروف الكامري ارخص ولكن ترى قطع الهوندا عموما رخصت 40% والوكالة تحسنت كثييير...غير كذا الاكورد يتوفر فيها ABS لاقل نوع(السياحي)،والمفتاح يجي معه ريموت مع نفس المفتاح موب ميدالية...يعني زي مفاتيح البي ام والمرسدس وتقدر تفتح الشنطة والدرايش من المفتاح..والطبلون حق الاكورد لايعلى عليه شكل موب صاحي والله روووووعة....طبعا بتقول وراك تقول مواصفات جانبية يعني ماتقارن بالاساسيات...بقولك لانها متقاربة وغير كذا تكلمنا فيها بمواضيع كثيرة الين تقطعت يدي وانا اكتب...بالنسبة للحساسات ياطويل العمر الحساسات اللي بالكامري معروف انها ماتجي شد بلد وتركب في جدة...نفس الحساسات هذي يركبونها العليان على موترك بـ180 ريال،بس تأكد اولا واخير ان الاكورد والهوندا كله..يصبر صبر موب صاحي...ويتحمل اردى السواقين
والصوت اللي بالكامري غير موجود اطلاقا بالاكورد...
وعليكم السلام ورحمة الله وبركاته ،،،
هلا فيك أخوي الجنرال وألف شكر على تفاعلك وتقديم النصح من واقع التجربة ،،،
صدقت أخي انا سمعت عن مسألة الصوت ولكن كان هذا موجوداً في الشكل القديم وما دام أنهم لم يتلافوا هذه المشكلة في الشكل الجديد فلا أظنه سيعدل في الموديل القادم !
بخصوص الشكل أنا لا أهتم له كثيراً وكما قال الأخ الكريم أن الشكل يعتمد على الذوق وأنا أرى بأن الكامري والأكورد كلاهما نزلا بشكل جديد مميز وجذاب خصوصا المقدمة ،،،
بخصوص الحساسات فلا أعلم مدى أهميتها وحقيقة الاستفادة من وجودها وكما ذكر الأخ كذلك فهي تركب بسهولة في محلات زينة السيارات ،،،
أما القطع نعم الكامري أرخص ولكني سمعت أيضاً بأن الهوندا قطعها أكثر صلابة وتحملاً يعني ممكن تركب فحمات كامري مرتين والأكورد لا زالت سليمة وهنا نجد أن الأسعار تكون متوافقة بهذا الشكل !
أما خدمات ما بعد البيع فالكل يشهد لتويوتا بتفوقها ولعل وكيل هوندا تحسن كثيراً في الفترة الأخيرة وهذا يشهد به الكثيرون من مستخدمي اكورد 2003 وقد لمست حسن خدمات هوندا في المعرض الجديد في الرياض مالم أجده في صالات عرض تويوتا !
عموماً الكامري تبقى سيارة رائدة في فئتها ونحن هنا نقارن بين عملاقتين ولعل هذا سبب الحيرة والتردد الطويل !
عموماً أكرر شكري لك أخي الكريم وننتظر المزيد من التجارب والمعلومات حول الكامري الجديدة ،،،
أخي الكريم أبو سكن والع ألف شكر على تجاوبك رغم تكسر أصابعك من كثرة المشاركات
أنا لا أخفيك أني أميل كثيرا للهوندا وهو شعور داخلي يراودني بأني الهوندا تتفوق على الكامري بأمور أهمها الرزانة والرساوة فهي تشعرك بأنها سيارة عملية من النظرة الأولى كما أننا أعتقد بأن جسم الهوندا أكثر صلابة من الكامري التي اراها في الصدمات الخفيفة وكأنها كرتون !
قبل يومين صدمني ليموزين كامري وسيارتي فورد فكتوريا سيارتي أصيبت ببعج خفيف رغم قوة الصدمة أما الكامري فلم تعد تعرف معالم مقدمتها أهي كامري أم سوبارو !
كذلك لفت انتباهي فخامة الهوندا الداخلية والخارجية وكثرة المميزات لأقل نوع منها ماقد لا يتواجد في أفخم نوع من الكامري !
وفوق هذا وذاك سعر الأكورد أقل من الكامري !
لعل المزيد من المشاركات تؤيد ميلي للأكورد وأنا بانتظار المزيد وألف شكر مرة أخرى أخي أبو سكن والع
احم احم ككحححححححح (اعوذ بالله معي كحه اعذروني لا اعديكم)
قلتولي كامري واكورد ايه
شوف يبويه انا انصحك بالاكورد الفل اوبشن حتى النوع الي قبل الفل ابشن لا
ليش انا اقول الكلام ذا
1:- الاكورد صغيره وفيها مميزات حلوه وطبلون زنن وشكلها حلو
2:- الكامري حلوه بس فيها مشاكل (1:- صوت الابواب /صوت في الكفرات /طقطقه وقربعه)
3:- الكامري كل ماتجي عند اشاره ولا سوبر ماركت تلاقي عشره سيارات من تكاسي ومن عرابجه بسم الله الرحمن الرحيم (تبي تقولولي انها سياره تتحمل ومرغوبه ومن هل الحكي لايبويه ابقلك لانها ارخص سياره من فئتها )
وانا قلتلك الكلام ذا ليش لان الواحد يسعى انه يكون متميز
وبلعربي الفصيح انا الكامري ما احبها إلى في شي واحد انك تستاجرها يوم كامل وتروح تحرقها وتفحطبها بس ) فأنصحك بالاكورد سياره حلوه وصغيره وململمه (تخشخش بين السيارات )
واعذروني يا اصحاب الكوامري الكامري احتمال تكون حله في حاله وحده
انك تاخذ قراندي فل كامل الضاهر يقولون لها GLX في هاذي الحاله تكون حلوه بس في موديل 2004 عشان انشاء الله يشيلون العيوب ذي
الحقيقة الكامري سيارة عمليه من الدرجة الأولى .... وهذا لعدة أسباب لا تخفى عليكم ....... منها :
1- الرخص الشديد لأسعار قطع الغيار .
2- توفر قطع الغيار ومراكز الصيانة في كل زاويه ( أهم أسباب كونها عمليه )
3- خلو الكامري من التعقيدات الكهربائيه و الاكترونيه .
4- توفر قطع بديلة للأصلي ( تجاري وياباني )
وهناك عوامل ثانويه تجعل من الكامري سيارة عمليه ... منها :
1- توفر تكييف خلفي
2- توفر حساسات أماميه وخلفيه
3- أتساع السيارة و الشنطة و أمكانيه طيء المرتبه الخلفيه
4- وجود مقياس لدرجة الحرارة و معدل أستهلاك الوقود
أما القول بأن الكامري تستخدم كسيارة أجره فأنة يصب في مصلح الكامري لأن سيارات الأجرة لا بد أن تتحمل الاستعمال المبالغ فيه.
شباب ...... الرأي أمانة ...... والكذب في المشورة خيانة .... لذلك حاولت أن اكتب بموضوعيه عن هذا السيارة المسماة بالكامري
كلمة أخيرة ......... الكامري ماخشت مزاجي مع كونها عمليه لأسباب عديدة منها
1- انها مشهورة بالسرق
2- مسجلها قبيح جدا جدا من وجهه نظري
3- سعرها مبالغ فيه
لو أن الجي أل التماتيك ب 55 كان صارت شيء
عن نفسي أنا ........... الأكورد أفضل ......... مع أن الاسعار ذي الأيام نار
أمس مريت على معرض ( خريص ) الي في الشفاء ( معرض يبيع هوندا بس ) ويقول المصري أن السياحي ب ( 64 ) والفل كامل ب ......
80 ألف ريال .............
تخيل من 71 ألى 80
على العموم أن كنت ناوي تطلع أكورد أصبر شوي حتى تنزل الدفعة الجديدة لأنه بيطيح من السعر حوالي 4 آلاف
أستوقفتني هذه العبارة من أحد الردود :
------------------------
وانا قلتلك الكلام ذا ليش لان الواحد يسعى انه يكون متميز
------------------
الانسان أحيانا يبحث عن التميز بغض النظر عن العوامل الأخرى ..... لذلك فحب التميز يعمي صاحبه
تبي تتميز أشتر بورش أو مايباخ
على العموم ........................ تميز وأنت راكب موتر ياباني