السلام عليكم ورحمة الله وبركاته
صباح الخير جميعاً
الموضوع يا جماعة الخير عن أفضل طريقة إقتصادية يتبعها الشخص الي يرغب في تغيير سيارته كل سنه .
مثلاً لو أشتريت الحين مرسيدس S كلاسس وبعد سنه ابي اغيرها مثلاً اودي A8 أو لكزس LS
اكيد راح اخسر كثير لأان سعر السيارة بينزل لما ابيعها بعد سنه لكن شنو افضل طريقة علشان اقلل قدر الامكان من خسارة فرق القيمة عند الشراء وعند الييع ؟
هل مثلاً اشتري الموتر مسعمل وبعد سنه ابيعه واشتري موتر ثاني مستعمل
(بهذي الطريقة راح اشتري الموتر بسعر رخيص نسبياً وراح ابيعه بخساره قليلة)
(عكس مثلاً لما اشتريه جديد بيكون غالي ولما ابيعه بخسر قيمه كثير)
أو هل مثلاً أتفق مع الوكالات ؟؟ أنا سمعت أن في وكالات تتعاقد معهم كل سنه يبدلون لك موديل الموتر واكيد تدفع شوي مدري هل هذا الكلام صحيح لأني سمعت من بعض المعارف خاصة في وكالة عبداللطيف جميل ووكالة الجفالي .
أو مثلاً أشتري مستعمل وارد أمريكا وبعد ما امل منه ابيعه واكيد ما راح اخسر كثير لأني شاريه اصلاً وارد امريكا واكيد انه كان رخيص .
ياليت تتفاعلون مع الموضوع ونشوف وجهات نظركم جزاكم الله خير .
