روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


صفحة 1 من 2 1 2 الأخيرةالأخيرة
النتائج 1 إلى 8 من 14

الموضوع: الفئة الخامسة BMW 520i

  1. #1
    عضو
    تاريخ التسجيل
    17-08-2010
    الدولة
    الشرقية
    المشاركات
    149
    معدل تقييم المستوى
    28

    الفئة الخامسة BMW 520i



    السلام عليكم ..

    أخواني , انا مقدم على شراء BMW 520i مستخدم موديل 2005 ( ماتفرق لان الشكل والمواصفات ماتغيرت الى 2008 أتوقع )
    طبعاً انا لقيتها نظيفة ماشية 71,000 كيلومتر وبسعر ممتاز ..
    هل السيارة عملية ؟ وممكن تجلس 4 سنوات قدام ؟
    انا ماعرف الفرق بين 520 وطالع .. ؟ فهل هذه الفئة فيها المواصفات القياسية لـلـ bmw شاشة معلومات المعروفة iDrive ؟ إصطبات زينون .... إلخ ؟


    انتم أهل الخبرة ..
    أقدم عليها أم أتراجع ؟

    لان السيارة مو في مكان سكني وبسافر لها.

    تنصحوني او اخذ بقيمتها سوناتا او تشارجر موديل جديد؟

    /

    نصاااااايحكم الله يرضى عليكم فكو ازمتي



  2. #2
    ..:: TAHOE//YUKON GRP. MEMBER ::.. الصورة الرمزية مخربها
    تاريخ التسجيل
    10-11-2005
    الدولة
    الرياض
    المشاركات
    923
    معدل تقييم المستوى
    78

    رد: الفئة الخامسة BMW 520i

    السلام عليكم


    أخوي بالنسبه للفئة الخامسه ...

    هي سياره عمليه جداً وتقدر تسميها ياباني الألماني

    بالنسبه لموديل 2005 وموديل 2008 ترا فيه فروقوات كثير

    منها الانوار الأماميه والانوار الخلفيه وطريقة الأضائه وتعديها ممكن لكن صعب ومكلف

    من الداخل يختلف الجير ونوعية جلد المراتب ...
    هذا اللي يحظرني حالياً

    بالنسبه لقولتك هل راح تجلس معاك خمس سنوات قدام هذي تعتمد على نظافة الموتر والمشي الحاله مو دليل نظافه ...

    وعلى فكره على طاري المشي ترا تغير العدادات في الوكاله يكلف حوالي 3500 ريال ويرجع أصفار ...

    تأكد ان المشي حقيقي مب معدل

    لو تلاحظ الى الآن فيه سيارات 1992 وماشيه وتروح وتجي وتوصل سوريا ولبنان وترجع ولا أحلى منها ...

    لكن انتبه ترا الـ 520 عباره عن 4 سلندر .. <---- انا ما أذمها
    بالعكس ممتازه جداً والـ 4 سلندر لا تقارنه بالـ4 في الياباني
    لانك ماراح تسمع لها حس وعزمها وأدائها مره ممتاز ولا فيه فرق ملحوظ بينها وبين الـ523 اللي تجي 6 سلندر <-- عن تجربه


    عموماً عسى الله يكتب لك اللي فيه الخير ... والسياره نظيفه ومشيها حقيقي خذها وانت مغمض لان أدائها راح يكون افضل وارقى من السوناتا او التشارجر ومب انتقاص فيها ...


    تحياتي

  3. #3
    مشرف سابق الصورة الرمزية SUPERCHARGED
    تاريخ التسجيل
    16-03-2010
    الدولة
    السعوديه
    المشاركات
    2,503
    معدل تقييم المستوى
    31

    رد: الفئة الخامسة BMW 520i

    اولا وعليكم السلام ورحمة الله وبركاته ,,

    عندي انا بي ام دبليو الفئه الخامسه 2007 وعند اقاربي بي ام دبليو الفئه الخامسه وحده 2004 والثانيه 2007 والحين ولد عمتي بيطلع 2011 الشكل الجديد
    طبعا معزى الكلام لو انها مب اعتماديه وحقت كرف وممتعه جدا هالسياره كان مااشتروها مع العلم انهم كلهم يقربون لي



    أخواني , انا مقدم على شراء BMW 520i مستخدم موديل 2005 ( ماتفرق لان الشكل والمواصفات ماتغيرت الى 2008 أتوقع )

    نعم من 2004 الى 2010 تغيرات بسيطه

    مثلا من 2004 الى 2006تشغلها بمفتاح عادي
    ومن 2007 الى 2010 مفتاح الذكي
    وطبعا الشكل الخارجي من 2004 الى 2007 نفس الشي
    الا بـ2008 الاسطبات الخلفيه تغيرت طريقة انارتها ومن الامام تغير الرف بشكل بسيط

    مثل اللي هنا بالصوره



    هذي من 2004 الى 2007 لاحظ الرف



    وهذا من 2008 الى 2010

    وطبعا الانوار السكن " الحلقات " حقت 2008 تجي قويه يعني بعز الظهر تشوفها شاعه اكثر

    بالنسبه للانوار الخلفيه

    هذي انوار من 2008 الى 2010



    اما ن 2007 ونازل لمبه عاديه

    ومن الداخل تغيرات بسيطه

    مثلا عصا القير من 2008 الى 2010 صار اكتروني مثل اللي بالصوره



    اما من 2007 ونازل عصا القير التقليد مب اكتروني

    بالنسبه للقطع فهي ارخص من قطع المرسيدس يعني لو فكرت بتغير اسطباتها الخلفيه الى 2008 بـ5 الاف ريال عند الوكاله لاكن تركب ماتركب ماادري بصراحه
    لان اذكر بالجفالي اسطباتي السي كلاس بالوكاله بعشر الاف

    طبعاً انا لقيتها نظيفة ماشية 71,000 كيلومتر وبسعر ممتاز ..
    هل السيارة عملية ؟ وممكن تجلس 4 سنوات قدام ؟

    نعم عمليه جدا جدا وراح تجلس معك 12 سنه مب 4 سنوات
    انا استخدمها للدوام واحيانا خطوط والحمدلله مافيه احسن منها

    انا ماعرف الفرق بين 520 وطالع .. ؟ فهل هذه الفئة فيها المواصفات القياسية لـلـ bmw شاشة معلومات المعروفة iDrive ؟ إصطبات زينون .... إلخ ؟

    الزينون ماادري بس اتوقع موجوده الا اذا كان صاحب السياره طالبها بدون زينون هذا شي ثاني

    انا انصحك نصيحه تاخذ 523 او 525 اذا قدرت لان الـ520 ضعيفه جدا و4 سلندر
    بينما الـ523 والـ525 6 سلندر

    وفرق بين شكل الجنوط " الرنقات " جنوط الـ520 سيئه الا اذا كان صاحب السياره مغيرها

    بالنسبه للشاشه فيها وظائف لاكن لاتتوفر خاصية الـI drive

    الشاشه تحتوي على الراديو والسي دي ومالى ذالك و عندك التحكم بالمكيف من الشاشه ولا ان بغيت من الازرار التقليديه وتقدر تحط من الشاشه توقيت للمكيف مثلا انت بتطلع من دوامك الساعه 2 الظهر توقت المكيف اذا جت الساعه 1 ونص يشتغل المكيف ويطى عند وقت معين انت تحدد تجي تلاقي السياره بارده وعند الخاصيه الثالثه تشوف مستوى الزيت والاشيا اللي يحتاج لها صيانه من زيوت قماشات فحمات وبنشر وغيرها والخاصيه الرابعه فيه ارقام شركة بي ام دبليو الام بالمانيا

    .
    .
    ان شالله اني افدتك بالقدر المستطاع واعذرنا على القصور ومبروك الموتر مقدما

  4. #4
    عضو
    تاريخ التسجيل
    17-08-2010
    الدولة
    الشرقية
    المشاركات
    149
    معدل تقييم المستوى
    28

    رد: الفئة الخامسة BMW 520i

    هذه صور للسيارة نفسها من المالك:







    وسألته عن بعض المواصفات:

    - الأنوار زنون وكالة.
    - تشغيل عادي ( مو زر ).
    - توجد شاشة المعلومات بدون نافيقيشن.

    فهل اخذها او لا بـ هذه المميزات وهي معروضة علي بصراحه تقريبا بـ 59 ألف ريال وانا شفت وحدة 530i فل بس ماشية 140 ألف بـ 72 ..
    يعني هذه اللي جذبني فيها ممشاها القليل , وفوق كذا توني أعرف عن موضوع الأربعة سلندر , معقولة بي إم 4 سلندر ؟ لاني شفت معلومات تفيد ان كل محركات الخامسة 6 سلندر ؟ ماعدا الـ M5 ..

    واستفسارين بسيطين, كيف اسعار قطع الغيار؟ ( شي يخوف او لا ) يعني الأسعار الإستهلاكية , قماشات , .. إلخ ؟

    بعد شوفتكم للسيارة , تنصحوني فيها او ابتعد عنها ...
    وان كان لي فيها فندعيلكم ان شاء الله .

  5. #5
    عضو نشط الصورة الرمزية ZEMAN
    تاريخ التسجيل
    16-01-2010
    الدولة
    الرياض
    المشاركات
    343
    معدل تقييم المستوى
    29

    رد: الفئة الخامسة BMW 520i

    شي عادي وانا اخوك الـ 4 سلندر وبالعكس ممكن تكون افضل لك لو انتهى الضمان تكون صيانتها رخيصة

    زميلي اشترى 520i موديل 2008 مستعمل من الوكالة ماشي 70 ألف وانا كنت معاه يوم اشتراها

    ماشية معه زي الفل بس الله يهديه ما فحصها زين ما صدق ياخذ السيارة ويمشي

    السيارة عليها صيانة مجانية 5 سنوات يعني كل ما قالت آه ( مرة وحدة فقط وداها للوكالة ) رماها على الوكالة ويصلحونها ببلاش

    يعني يغير فحمات وزيوت ووو ببلاش لكن اذا وصل العداد لـ 100 ألف او انتهت الخمس سنوات تنتهي الصيانة المجانية

    بس يكون في علمك السيارة مافيها ذيك المواصفات الفخمة لأنها تعتبر شبابية

    يعني حقت زميلي مافيها تبريد ولا تسخين ولا فتحة ولا شي.

  6. #6
    continental_GT سابقا الصورة الرمزية M I X I S
    تاريخ التسجيل
    28-08-2006
    الدولة
    KSA-KHOBAR
    المشاركات
    1,191
    معدل تقييم المستوى
    50

    رد: الفئة الخامسة BMW 520i

    اقتباس المشاركة الأصلية كتبت بواسطة K|7 مشاهدة المشاركة


    فهل اخذها او لا بـ هذه المميزات وهي معروضة علي بصراحه تقريبا بـ 59 ألف ريال وانا شفت وحدة 530i فل بس ماشية 140 ألف بـ 72 ..
    يعني هذه اللي جذبني فيها ممشاها القليل , وفوق كذا توني أعرف عن موضوع الأربعة سلندر , معقولة بي إم 4 سلندر ؟ لاني شفت معلومات تفيد ان كل محركات الخامسة 6 سلندر ؟ ماعدا الـ M5 ..

    واستفسارين بسيطين, كيف اسعار قطع الغيار؟ ( شي يخوف او لا ) يعني الأسعار الإستهلاكية , قماشات , .. إلخ ؟

    بعد شوفتكم للسيارة , تنصحوني فيها او ابتعد عنها ...
    وان كان لي فيها فندعيلكم ان شاء الله .


    حياك الله اخوي

    شوف اذا انت مقتنع فيها و في مواصفاتها
    توكل على الله و خذها
    سعرها مقبول نوعا ما و ممشاها اعتبره جدا ممتاز ..

    وبالنسبة لاستغرابك عن محرك الربعه سلندر
    فهو شي طبيعي و هو احد خيارات الفئة الخامسه
    بحيث تتوفر بـ 4 ، 6 ، 8 ، 10 سلندر
    وللزبون الحريه في الاختيار

    اما بالنسبة لتخوفك من الصيانه
    فانا انصحك بالذهاب الى مراكز بي ام دبليو المشهوره و المعتمده في جميع انحاء المملكه
    و تسالهم بنفسك عن جميع القطع الاستهلاكيه و قطع الصيانه
    المطلوب منك هو انك تعطيهم رقم الشاصيه
    وراح يقول لك اسعار القطع الشهيره و الزيوت ..

    وفي النهاية اختيار موفق باذن الله ...

  7. #7
    عضو
    تاريخ التسجيل
    17-08-2010
    الدولة
    الشرقية
    المشاركات
    149
    معدل تقييم المستوى
    28

    رد: الفئة الخامسة BMW 520i

    تم صرف النظر عن السيارة , حيث ان حتى ( حساسات ) او ( فتحة ) مافيها.

    تم إختيار السيارة الأنسب لي ,,

    الله يعطيكم الف عافية يالغالين , والله ماقصرتوا كفيتوا ووفيتوا ..
    والله يرفع قدركم دنيا وآخرة..
    ولكم منا الدعاء.

  8. #8
    ..:: TAHOE//YUKON GRP. MEMBER ::.. الصورة الرمزية مخربها
    تاريخ التسجيل
    10-11-2005
    الدولة
    الرياض
    المشاركات
    923
    معدل تقييم المستوى
    78

    رد: الفئة الخامسة BMW 520i

    السلام عليكم

    حبيبي ..

    طالما ان مافيها اي نوع من المواصفات اجل اتركها عنك والله يرزقك باللي افضل منها

    لكن لا تردك الـ4 سلندر ..

    انا اللي معاي 520 موديل 2008 اول ما دريت انها 4 سلندر هونت عن الموتر بس موظف الناغي ماقصر قال جربها بعدين احكم ... وصحيح جربتها وجربت 525 ماكان فيه اي فرق يذكر يعني شي بسيط جداً خصوصاً ان مواصفات سيارتي ناقصها البلوتوث والنافيقيشن وسلندرين عن الـ525

    واخذتها والحمد لله ولا احلى منها ومع انها 4 سلندر لكن احياناً ما ادري الا وانا ماشي حول 180 ماشاء الله تبارك الله

    عموماً
    هذا اعلان لقيته في موقع المستعمل يعني مالي فيه اي علاقه لكن حبيت انقله لك يمكن يكون لك فيها خير ...

    http://www.mstaml.com/section/item.php?i=990959

    تحياتي

المواضيع المتشابهه

  1. حصريا : موسوعة BMW وطرازاتها ( VIP 111 )
    بواسطة VIP 111 في المنتدى نادي السيارات الألمانية والأوروبية
    مشاركات: 43
    آخر مشاركة: 04-07-2010, 01:07 PM
  2. تقرير كامل ومصور عن BMW 330i
    بواسطة T N T في المنتدى نادي السيارات الألمانية والأوروبية
    مشاركات: 9
    آخر مشاركة: 29-08-2007, 01:58 PM
  3. تقرير عن سيارات BMW الفئة الثالثة!
    بواسطة Dark Man306 في المنتدى نادي السيارات الألمانية والأوروبية
    مشاركات: 1
    آخر مشاركة: 31-07-2007, 06:10 PM
X