استشاره بـ X6 2011

شف انا زيك والله بالضبططط مرا مرا
كنت ناوي على وحده من السيارتين
اول الي خلاني انصدم من بورش !
1-شهرين بعدين تكون عندك السياره اذا كنت تبيها (ستاند)
2-5 شهور اذا تبيها فل الفل !!
3- 7 شهور اذا تبيها طلبيه خاصه
وسألتهم وش السبب في التأخير وكذا قالو لو انها اول ما نزلت ما توقعو انها تنجح
نجاح كبير والحين ناجحه هي وعليها رغبه كبيره جدآ !
فـ انا من رايي لو تبي تاخذ 6 سلندر في كل السيارتين
خذ البي ام يجيك فل الفل وو نفس جنط حتى تحس بفخامه السياره
اما انك تاخذ لك بورش 6 سلندر بدون حتى تخشيبه وجنط 19
(ستاند)
حرام والله كأنك راكب هايلكس
وبعدين للعلم بس ترا اذا كنت تبي جنط التيربو بـ 50 الف مع كفراتها وطلبيه شهرين

يعني بالعربي لو تاخذ 6 سلندر شي طبيعي بتقعد تعدل فيه وو تحوس
وكل شي شهرين 5 شهور لين ما تقعد 3 سنوات وتكون الي في بالك موجوده قدامك ههههههههههه
وو على الضمان

بي ام 5 سنوات كامل : يعني امش وعب بانزين وغير كفرات
بورش سنتين : وو مكينه وقير فقط

اتوقع انه عرض مغري جدآ
وانا انشالله
هذا الاسبوع شاري ال اكس سكس الي ابيه
اسود ومن جوا عنابي وو كوربن فايبر
وو اذا كنت حق بر ومدري ايش ترا ال اكس سكس ما يصلح في البر ابدآآ
بس انا بالنسبه لي عادي مو مشكله عندنا دينالي في البيت لو بغيت بر وكذا

واسفين على الاطاله بس خفت تتحسف

هذي الأسعار لموديل ( 2010 )

والإختلاف في السعر راح يكون بسيط

1- ( محرك 6 سلندر سعة 3.0 ) : xDrive35i

السعر :335 ألف ريال سعودي


2- ( محرك 8 سلندر توين توربو سعة 4.4 ) : xDrive50i

السعر :388 ألف ريال سعودي


الألوان مسألة ذوق شخصي

لكن أجمل لون يميز السيارة هو ( Vermilion Red ) اللون الأحمر :wink:


أجمل لون للأبيض عند BMW موجود على الفئة السابعة بس

أبيض سكري ( Mineral White )

أما الموجود في الموديلات الثانية راح يجي أبيض عادي ( Alpine White )

يكون نفس لون السيارات اليابانية :confused1:

والله يكتب لك الي فيه الخير

مبروك عليك ان شالله و كل الالماني ابطال .. واللون الاحمر مميز فعل

في حالة غيرت رأيك .. لا يردك الا ساماكو و طقلك كايين اسود يروع

الاكس 6 شكله اجمل من البورش .. لكن المشكله انه صار قديم نوعاً ما والناس ملت منه
فالبورش مميز اكثر الآن لأنه جديد .. والمشكله يمكن يتغير شكل البي ام في 2012 او 2013 لكن البورش راح يطول شكله .. علشان كذا انا اايد البورش وكلا السيارتين ممتازتين ..

السلام عليكم ورحمة الله وبركاته

عزيزي هذه مقارنه بسيطة ( على قد الحال ) بين كلا من BMW X6 و البورش كايين

اولا :


تم تجهيز ال X6 - بنزين - بمحركين ( جميعهما مزودان بشاحني هواء TWIN-TURBO )

الاول X6 3.5 : مكون من 6 اسطوانات سعة 3.5 لتر مجهز بشاحني هواء وقوة تبلغ 306 حصان وتسارع من 0 الى 100 في 7.3 ثانية
الثاني X6 5.0 :مكون من 8 اسطوانات سعة 4.4 لتر مجهز بشاحني هواء وقوة تبلغ 407 احصنة وتسارع من 0 الى 100 في 5.4 ثانية

كما تتوفر ايضا بمحركات ديزل وهايبيرد

وهناك نسخة رياضية بتوقيع ( M )
مكون من 8 اسطوانات 4.4 لتر مجهز بشاحني هواء حيث تم رفع القوة الحصانية من 407 الى 555 حصان ليبلغ التسارع من 0 الى 100 في 4.5 ثانية

وجميع هذه الموديلات مجهزة بعلبة تروس مكون من 6 سرعات

( طبعا المواصفات كثيره واختيارية ولو كتبناها مابنخلص )


الصــــــــــور








طبعا الشكل الخارجي بين X6 5.0 i و X6 3.5 i لايختلف سواء في شكل العادم والشبك الامامي












ثانيا :

تم تجهيزها ب 3 انواع من محركات - البنزين -

الفئة الاولى : كايين - العادية - وقد تم تجهيزها بمحرك مكون من 6 اسطوانات سعة 3.6 لتر وبقوها تبلغ 300 حصان
الفئة الثانية : كايين S وقد تم تجهيزها بمحرك مكون 8 اسطوانات سعة 4.8 لتر وبقوة تبلغ 400 حصان
الفئة الثالثة : كايين توربو وقد تم تجهيزها بمحرك مكون من 8 اسطوانات سعة 4.8 لتر وبقوة تبلغ 500 حصان حيث تم تزويد هذا المحرك بشاحن توربو

حيث تم تجهيز هذه المحركات بعلبة تروس مكون من 8 سرعات


الصور

شوف اخوي انا اشوف ان اللون الابيض حلو





















او اللون الاحمر ما شاء الله خطير

يعطييكم الف الف الف عافيه اخواني و خلاص ابشركم عزمت على X6 و ماني عارف وش اختار لوون لان الوانه قليله و ابي شيء نادر و حلووه
و هل يجي زوايد من الوكاله و كم سعرها
و كم سعر 6 سلندر و 8سلندر

شوف اذا تبي فخامه داخليه بورش بلا منازع وشكل جد بعكس الاكس سكي شكله من 2008 واذا تبي قوة طبعا وانت مغمض الاكس سكس اقوى سياره الى الان طبعا اتكلم على X6M فأذا تبي تاخذ سته سلندر خذ الاكس البورش فل والزوائد عادي جنظ وجناح .... والخ شوف اذا 8 X6 واذا 6 بورش على الاقل تعوض القوه بالفخامه

http://www.youtube.com/watch?v=O4df-3Y7CMo هذا البورش الجديد

انا اشوف الاكس احلى جاي كانو كوبيه

السلام عليكم ... أخوي والدي كان يفكر فيه وعزم عليه لكن لفت نظره الكايين الجديد واشتراه (الله يباركله فيه) ... الأسباب إلي خلته يصرف النظر عن الـ X6:
- السيارة إلي كان يملكها هي 2003 BMW 735 i فيوم جرب الـ X6 قال السيارة جباااارة لكن نفس الجو وأسلوب قيادته لسيارته فمافيه متعة في الشي الجديد.
- البورش أفخم داخلية وملموم على بعضه أكثر من الـ X6 إلي له خلفية ناقزة غلط.
- البورش فيه سيستم أكثر من الـ x6 والسعر متقارب جداً.
- الظاهر إن ساماكو عرضهم حق الضمان كان أحسن بكثير من الناغي.
-يكفيك إنها بورش ^ــ^
- الوالد حصلت له مشاكل مع الناغي ولاحظ إنهم في تدهور من ناحية الصيانة.
والله يكتبلك إلي فيه الخير يا رب والسلام عليكم ورحمة الله وبركاته

والله البورش الجديد ما يتفوت ...

انا من وجهة نظري اشوف ان البي ام اكشخ من البورش الجديد بالذات
وطبعا لا اعرف التقنيات التي يتميز بها كل سيارة لكن كل السيارتين لها خيار محرك من ستة سلندر او ثمانية سلندر ومثل ما قال احد الاخوة ان البورش فيها امكانية الدفع الرباعي الحقيقي بعكس البي ام والتي لا تعدو عن كروس اوفر مثل انفنيتي اف اكس حث تكون الدفع الرباعي فيها مستمرا
لذلك ادرس الموضوع بعناية ثم اجزم والله يبارك لك مقدما

طيب ابي من ناحيه مواصفات المكينه و السياره

مواصفات السيارتين مرة كثيرة

يعني السيارتين فيها ( خرائط ) - محركات قوية

وحسب النوع الي تبغاه راح تلاقي مواصفات

لكن أفضل الألوان راح تلاقيها على ( بورشه )

في لون ( أصفر ذهبي ) مرة حلو وفي ألوان كثير

أدخل على صفحة الشركتين أو زور الوكالتين وشوف

الألوان المتوفرة لأنه أحيانا تكون مخلصة أو تحتاج

وقت الين ما توصل

الهيدروليك بعد ماجربته انا بوجهة نظري اعتبرها سئيه ولا تحسب مع المميزات
لان اي اكلت مطب جامد ولا شي راح ينفقع ويالله رح غير بـ4 الاف الواحد !

انا افضل الاكس سكس اسود مع جنط رمادي عريض بيطلع جميل جدا
البورشيه ياتخذ 8 سلندر ولا لاتقربه صراحه شكل الـ6 سلندر من الخارج مش ولا بد

طيب ممكن اذا ما عليك امر مواصفات اكس 6 و كايين والاسعار و افضل الالوان