سؤال عن Mustang ودودج تشارجر

مشكورين شباب وما قرصوا والله
Avars
بعدك ما فيه كلام صراحه بس فيه كم سؤال في خاطري حبيت اسال عليه
متى تنزل الفي 6 للسعوديه وكم سعرها
وكيف اسعار القطع

اولا مافيه مقارنه بين فورد ودوج لا في الجوده ولا القوه ولا حتى الفخامه والمواد الداخليه

ثانيا الموستانج 2011 لا تقان باي مسل كار موجوده حاليا سعرها اقل من 30000$

ومستانج 2011 اذهلت الكل وانا اول من كان يحتقرها حتى عام 2010 لكن الـ2011 اجبرتني على احترامها وعشقها بعد جد سياره اسطوريه

وبالنسبه للي يقول باسات مدري هو ينكت ولا ايش وش جاب مسل كار لفلوكس واجن ترا الاخ يبي مسل كار مو سيارت تمشيه وكشخه وعزل وخربطه يبي موتر قومات وكرف ودرفت

ماتوقعت ؟:a1120(121):

بس لو فكرت اشتري مافي شي يشفع للجي تي الا مكينتها !!!!!
والكمارو اس اس شكله !!!!!
والتشالنجر !!!!!

Avars

===============

كفيت ووفيت لو مثل هذه الردود لو بلا ثقافة عالية ومعلومات قيمة يستفاد منها الجميع ماشاءالله عليك

موضوع جميل لكن اختلف معك في نقطة مهمة للغاية

إذا قير الموستنغ هو نفس قير الكومارو إس إس فهي مصيبة وكارثة لأني جربت الكومارو إس إس جديدة وكان القير ياخذ نفس عند التعشيق والدعس وهنا الجزء من الثانية تفرق معاك في سيارة أداءها المفروض انه رياضي

ما أقول غير الله يرضى على البورش وقيرها اللي ما يتنفس أصلا وتحسه لاصق بقدمك أقل حركة تلقاها وصلت للكفرات على طول

اخوي افارز ... كفيت ووفيت والله وش اقول اكثر من اللي فوق

بنسبه للمقارنه بين الدوج و الفورد

الفورد أولا ثم الدوج ثانيا , الفورد يتفوق من ناحية الجودة و الأستخدام و الدوج من ناحية الرفاهية نوعا ما .

الموستينج: سيارة تستهدف الطبقة المتوسطة , سعر قطعها متوسطه هذا بنسبه للجديد
محركها جبار و يتحمل و ضمانها ممتاز في الوكاله و الموستيج خالي من التعقيدات و اللخبطه الأكترونية زي حال السيارات الثانية , ما عندك غير مكينة و قير و دفرنس
الدفرنس و نظام التعليق هو نفسه ما تغير كثير من 2004 لانه بصراحه ما في أفضل منه من ناحية التحمل إلا انه يلعب في الكفر كثير في القومة . نظام السوسبينشن أو المساعدات في متناول يدك ممكن تستخدم حق الوكالة و ممكن تغيره و تستخدم نظام رياضي مطور من أي شركة تحب مثل سيلين أو روش أو فورد رايسينق أو حتى شيلبي .
القير الخاص بالموستينق يصنع في شركة متخصصة في صناعة القير عالي الأداء أسم الشركة هي : TTC . عشان كذا نادر ما تواجه مشاكل في القير الموستينق بخلاف السيارات الأمريكية الثانية و عندك أشهر قير من هذه الشركة حاليا : TR-6060 إلي موجود في الشيلبي و تشالينجر الجديد قير عادي و كورفيت و كومارو أس أس و البونتياك جي 8 .

عندك الموستينق في 6 الجديد بصراحه روعه محركة قوي أكثر من 300 حصان على الداينو يعني هذا إلي جابه على الكفر أنا أتوقع أنه فوق 350 حصان على فلوواير و تسارعه ممتاز جاب 0-60 ميل 5.1 ثواني و الربع ميل أقل من 13.7 ثانية وعندك قيره سته سرعات

حتى انه شركة شيلبي نزلت في 6 موديل رياضي قوته 350 حصان N/A من غير سوبر تشارج او توربو جاب الربع ميل في أقل من 12 ثانية .

بنسبه لل جي تي موضوع ثاني مختلف ما تكفينا الصفحه , يكفي انه تفوق على السيارات الأعلى منه كفائه و قوة و تسارعه 0-60 ميل في 4.3 ثواني و الربع ميل في 12.8 ثواني

محرك الجي تي بشاحن سوبر تشارج جاب على الداينو 600 حصان و أخر نتيجه سجلت في الدراق 11.26 ثانية .

حاليا صار في تغير كبير في الموستينق من ناحية القوة ...

إستراتيجية فورد في صناعة الموستينج تعتمد على التجربة قبل التصنيع , محرك الجديد 5.0 ليتر مو جديد مثل ما انتم متصورين هو محرك أستخدم في سباقات الرياضية الخاصة بفورد من عام 2000 و أثبت جدارته لكن ما حقق أي أنتصارات و ظل تصنيعة تحت الطلب من شركة فورد رايسينق
الجديد في هذا المحرك نظام حقن الوقود , حتى روس المكينة مصنعة من عام 2004 و كانت تحت التجربة من قبل الشركة في فئة موستينق ماك 1 و أثبت جدارته .
تعتمد شركة فورد في الأساس على الشركات الامريكية إلي تصنع قطع غيار رياضية لموستينق .
لذلك أي موديل ينزل في السوق من فئة موستينق له مجموعة كبيرة من قطع الغيار عالية الأداء تنزل في السوق مصنعة من شركات ثانية غير فورد و أسعارها متفاوته و أداءها متفاوت .
و شركة فورد تعتمد على خبرة ثلاث شريكات متخصصة في تطوير المحركات و لها تجارب في حلبات السباق و هي سيلين و روش و شيلبي مع فرع فورد رايسينق الجديد .
لذلك نادر ما تكون هنالك اعطال في الموستينق تستدعي إلى إرجاعها إلى المصنع من جديد لتغير الخلل .
و حصل من فتره طلب من بعض زبائن في العالم من فورد شيلبي أنه ينتجو موستنيق شيلبي قير اوتوماتيك أو توبترونيك .
الطلب هذا تم رفضة تماماً من الشركة المصنعة شيلبي . حسب علمي
لأن شركة شيلبي وحتى فورد تعتمد على على شركة TTC لصناعة نظام القير .
و شركة : TTC لا تعترف بنظام توبترونيك لتعقيدة و مشاكله الكثير و خاصة لما يكون محرك كبير
و كمان السمعة فهذه الشركة تهتم في السمعة أكثر و ما تحب تدخل في شيء مو سليم في الأساس .
و علمياً من الأفضل للسيارة الرياضية بمحرك كبير و سعته عاليه انه يكون نظام القير عادي .

الشريكات الثانية إلى بعضها وصل إلى ثمان سرعات (( الله يوفقهم )) . لكن الله عالم على صناعتهم كيف هي سايره . و إلي يقرأ الصحف هل الأيام بيعرف كم شركة أسترجعت سياراتها .

و حتى شركة : TTC ترسم مخطط كامل لأجزاء القير و عمليه حركته هو موجود في الأنترنت
من السهل أنك تحصل عليه . , و هي أنتجت لموستينق الجديد في6 قير اوتوماتيك و في 8 اوتوماتيك , قير جديد من سته نمر اوتوماتيك اسمه : 6R80

تجربت في6
http://www.youtube.com/watch?v=5Qqzgyy3jBE

تجربت جي تي
http://www.youtube.com/watch?v=ydykiWKW6fE

المواجه بين جي تي و الكامارو و تشالينجر
http://www.youtube.com/watch?v=-o3p8fZZQM8&feature=related

تجربت سوبر تشارج على دراق
http://www.youtube.com/watch?v=ZDeMv4_WFVE

اخي العزيز الموستانج سياره رائعه وذا ماجربتها لاتحكم عليها ادخل اليوتيوب وشوف السياره في الدرفت كيف بعدين احب اقلك شي اذا بتقارن رساوه موستنج بباسات فأنت غلطان موستنج تحمل نطام تراكشن منول يعني تتحكم فيه وقت ماتبي

يا شباب شوي وتطلعوا الرجال من الملة

الرجال مجرد حط رأيه لا أكثر، وحتى إن أخطأ

فكلكم أخطأتم لأنكم تجاهلتم الموضوع الأساسي وأصبحت ردودكم على مشاركة وليس على الموضوع الأساسي

أرجوا نوقف عند هذا الحد ونرد على الموضوع الأساسي

اولا كيف تقارن بين سيارتين من فئتين مالهم اي علاقه ببعض :confused1:

ولو بمشي على كلامك كان شريت سوبارو امبريزا نفس التسارع ونفس الثبات و4 سلندر وارخص

يعني نقدر نقول خلاص الباسات كخه؟ منظق غريب

صراحه اعتبرها شطحه منك مع احترامي لك :xyxwave:

شباب الرجال فتح الموضوع يبي يعرف
وش احسن موستنج ولا دودج
مايبي مقارنات وتعب ومواضيع

ياأخي حاول تفهم الله يخليك الشخص كاعد يسأل عن ماستينج 2011 التي تغيرت جذرياا عن موديلات السابقة على اي اساس تجيب رابط لماستينج 2010 ؟؟

اقولك شيء ماستينج ألى موديل 2010 يعيبه محرك الذي لم يطور منذ 2005 وهذا ماجعلت
كل سيارات الأمريكية الرياضية تتفوق على ماستينج من ناحية القوة مثل تشارجر او كامارو

لكن التغيير الكبير الذي كان لماستينج في 2011 بمحرك جبار اذهل الجميع بسعة لترية 5.0 وبقوة 412 حصان

وبعدين اعطيتك رابط ووضحت فهي تقطع من 0-100 بحوالي 4.6 seconds

ولاتغير مجرى الموضوع الله يخليك

:ch19:



انا اتفق معاك ف هذي النقطه وبقوه :a1120(121):

اخوي المتخصص اشكرك على اسلوبك المهذب فعلا كلامك سليم بالنسبه للموستنق

لك كل الود والاحترام :xyxwave:

بالنسبه لك يا kaka84
ترا انا قارنت بين سيارتين موستنق 2010 بـ باسات 2008 مو 2010 او 2011 ومع ذلك كان الفرق واضح
بالنسبه للقومه فالباسات من 0-100 بـ 4.7 مع استخدام الانش كنترول
اللي موجود بالمصدر بدون استخدام الانش كنترول
وترا احنا في البدايه كنا نتكم عن رساوه وعزل
وش فيك ما اتكلمت عن هاذي النقطتين ؟؟؟؟
ولا عارف الفرق لمين ؟؟:a1120(86):

يعيبها محركها وهي سياره رياضيه ؟؟ وش خليت اجل ؟؟ :a1120(121):

الخ في الموضوع سأل عن ماستينج 2011 ولا تحرف وتجيب روابط لماستينج 2010

معروف ماستينج 2010 يعيبها المحرك سواء كان 6 سلندر او 8 سلندر

تعرف وش فرق بين 2010 و 2011 ؟؟؟؟؟


ادخل هذا رابط من نفس مصدرك لقوة ماستينج 2011 GT

http://www.fastestlaps.com/carFord_Mustang_GT_50.html


[COLOR=Purple]الماســـــــــــــــتنيج الجديد 2011 GT تقطع من 0- 100 خلال 4.6 seconds[/COLOR]



[COLOR=Purple]البااااااااااســات تقطع من 0- 100 خلال 6.0 seconds [/COLOR]

لاتقولي كلام ناس وبطيخ هذا كلام مصدرك ماعلينا بكلام ناس

==================================

حاول تتعرف زين على ماستينج 2011 GT لأنها تغيرت جذريا عن ماستينج 2010 الصعيفة

الحين محرك ماستينج 2011 GT بسعة لترية 5 بقوة 412 حصان

وهذا جيدا جدا من فورد اخرجت هذه القوة من هل سعة لترية

لا يسأل العاشق عن سبب عشقه وانت واضح انك عاشق للباسات سي سي وأكيد سيارة ممتازة ولكن اختلف معك في الشكل بين السيارتين والاستمتاع بالأداء الرياضي

إذا كان لا بد هناك الأودي A5 دفع رباعي وتسارع نفس تسارع الباسات وصرف أقل للبنزين مع شاحن تيربوا يطرب وشكل رياضي فخم ومخيف بنفس الوقت

وتبقى الموستنج سيارة رياضية خشنة لها طابع خاص يميز الرجل

ميزتها في كلاسيكيتها

في خشونتها

في صوت مكينتها

في أداءها الرياضي على المنعطفات (درافت)

راح اقارن بين السيارتين بالمصادرمع انها من فئتين مختلفتين ولكن السعر متقارب بعد اذن من صاحب الموضوع
المفروض تكون السياره الكوبيه اسرع بحكم خفتها و التصاقها بالارض *
لا ننسى انو الموستنق v8 بينما الـ cc v6
وشوف الرابط ذا للموستنق فرق الاحصنه بس 15 حصان ولا اظن انه يستاهل السعه اللتريه العاليه وهي 5 ليتر << يعني صرفية بنزين بزياده بينما الباسات 3.6 لتر
http://www.fastestlaps.com/car_Ford_Mustang_GT_2010.html
وهاذا للـ cc
http://www.fastestlaps.com/car_VW_Passat_CC_V6_4motion.html

الـ cc 0-100 بـ 6 ثوان - مع انه اغلب الناس تحت كاتبين انها 4.7 ثوان في نفس الرابط
والموستنق 5.4 ثوان
الـ cc تقطع الربع ميل في 14 ثانيه
بينما الموستنق في 13.7 ثوان وهاذا فرق جدا بسيط بين سياره سيدان v6 وسياره كوبيه v8 يعني اقل شي يكون فيه ثانيه لصالح الموستنق :c0038:
بالنسبه للعزل وجدت عزل السي سي فقط ولم اجد عزل الموستنق
هاذا رابط لمقطع لبرنامج ففث قير جابو الباسات وكان العزل 75 ديسي بل على سرعة 120- اذا موجود عزل الموستنق يا ريت تجيبه :bigggrin: -
والرساوه ما يحتاج نتكلم فيها معروف الدفع الرباعي برساوته وانه ارسى من الخلفي
وهاذا غير المواصفات الكثيره اللي تتمتع فيها الباسات من كاميرا خلفيه ولاين اسست و dvd وغيره كثير
آسف على الاطاله
وبرعاية الله:xyxwave:

جربت R\T 2009 بصراحه سياره روعه من ناحيه مكينتها جباره
وعيبها القطع غير متوفره والمتحده حلوين معك لين تشتري من عندهم بعدين (.....)
انكسرت القزازه الاماميه قعدت اسبوعين لين جت من الامارات
وصار عليها حادث وقفت شهر لين اكتملت القطع من امريكا .... غير كذا ماشفت.
الا شفت اول ما طلعنها من الوكاله كان فيها رجه مع دعسه الفرامل وديناها الصيانه وغيرو الهوبات وصارت احلى من الحلاوه.
اما الـMustang ما اقدر افتيك