عروض عمر بالبيد

مشكورين الله يعطيكم الف عافيه
السياره بعتها اليوم على نفس الشريطي وحاولت معه بدون ما انزل المعارض واحوس وتعرفون اخر عشره ايام من رمضان زحمه شوارع نزل السعر 6 الاف وتوكلنا على الله
لكن ما اقول غير
الله لايحوجنه على احد

أولاً مبروك السيارة

أنا أشوف أنه أعطاك سعر طيب ، ولاتنسى أن السيارة أمريكيه علشان نكون صريحين و لانضحك على بعض ماهي مثل تويوتا في البيع .
و تبيعها و هي مكانها أحسن لك من نقلها للمعارض ، يمكن أنت تعرف تسوق ، لكن غيرك غشيم و يبتليك في نفسك ، يعني تخيل يصير على السيارة حادث لاسمح الله !!
و بعدين نفترض أن السيارة قيمتها كاش 130 الف ريال ، و الشريطي راح يشتريها ب 120 ألف ريال ، كم راح يكسب من السيارة ؟؟؟

خالي قبل زواجه أشترى هايلكس من عبداللطيف جميل و باعها على شريطي و هي في الوكالة وبالناقص بعد ، قلت له خلنا ناخذها للمعارض أحسن هذي تويوتا ، قال لي لو نصدم فيها ماراح تنفعني و لا راح أتزوج !!!!

أما عن مكسب الشريطية ، أنا كنت ميت على حاجة أسمها كرسيدا وحصلت 3 شريطية ماسكين واحد معه كرسيدا و قاعدين يتفاوضون معه على القيمة و أتفقوا على 24 الف و أنا عيني على السيارة عاجبتني ، سقت السيارة و معي واحد من الشريطية راكب معي ، في النهاية شريتها ب 27 الف ريال ، 24 الف عطوها صاحب السيارة قدامي و 3000 ريال وزعوها بينهم .

اخي الكريم اللي يحكم سعر السيارة بعد خروجها من باب الوكالة السوق والذي يملك المال هم شريطية المعارض الله يكفيك ويكفينا شرهم طبعاً كل هذا بمباركة كريمة من لدن شركات السيارات اللي ضمنت حقها وحلبت جيوب صاحب السيارة ....

يا عزيزي انتبه ولا تروح ضحية
اولا شف السوق وش يبي وش المرغوب اللون والمديل
وهل طويل ام العادي
وبعدين اعرضه لانك اذا ما حددت يمكن يعطيك شي مهو مرغوب وتتوهق
واذا تبي تبيع ياخي خذلك تويوتا مثلا فورشينر ولا برادو استاندر ب ١٣٠ الف
احسن بمسك السعر وترى اللي بينزل ١٠ الاف غابنك فيها
وادع ربك يكتب لك اللي فيه الخير

مشكورين شباب وانا شاك فيه
لان السياره قالي اول مره 140 واليوم اتصل علي وقالي عليه خصم 2000 ريال او ثلاثه يعني بفهمني ان الرجال ينزل السعر حدود 7 الاف لاكن اشوف شريطيه المعارض
بس السياره ياشباب لو نزل الشريطي الفين او ثلاثه حتى خمسه بكم يبيعه بالمعارض
ما يبيعه اكثر من الوكاله

كل اللبنانين اللي عند بالبيد وبالتحديد فرع شارع ولي العهد عملاء خونه مع اصحاب معارض جنوب جدة في حي الجوهرة وكل ما أروح يبغو 3000 ريال عمولة شراء سيارة من عميل محتاج سيولة انا اعرف اسمائهم والله العظيم لو ذكرتها هنا بالبيد رايح يفصلهم جميعاً من الشركة....

الله يسهل امرك
والدعوى دام فيها لبناني تراها ضايعة
بس علمني وش المواصفات واللون
وان شاء الله ما نختلف
اهم شي يكون دبل قير
بالتوفيق

الثاني 121 لوبعته على بالبيد بياخذ الفلوس وما كاني سويت شي
بالنسبه للسياره ماعطوني مواصفاتها ولا لونها
عطيتهم الاوراق وجبتلهم كفيل مابقى الا التوقيع
جيتهم اول مره وطلبت اي جمس عائلي قالولي مافي الا اليوكن القصير فل الظاهر دينالي
طلع علي ب177 كلموني ثاني يوم قالولي معاملتك مامشيت لان راتبك مايسمح بالفل
جابولي اليوكن اكس ال المهم ادوشني اللبناني قالي انه بيصفالك 130 الف اذا بعته على الشريطي مواصفاته اباخذها اليوم وبخلص الاوراق ويطلع بعدها بيوم او يومين انشاء الله اليوم اجيب مواصفاته بالكامل عاد انا محمس اللبناني بالحلاوه وهو شاد حيله لانه الظاهر متفق مع الشريطي

اخوي سيارتك اللي شريت وش مواصفاتها
وش اللون
وش الدرجة
دبل او بدون
يعني عطنا معلومات السيارة يمكن تعجبنا ونتفق على البيعة
تحياتي

بعه على بالبيد

اخوي اللي اعطاك السعر نصاب
لانه ينزل سعره 2500 الي 3000 فقط
وازيدك ان موديلات 2010 بقي منها القليل جدا وفي ناس بتدور عليه لان 2011 سعره بيزيد اكثر من 10000 الاف وهو نفس المواصفات ما اختلف فيه شي بتاتا

اخوى سوي عرض بموقع حراج وبتجيبلك سعر طيب ان شاء الله

الشريطي هذا بخس سعر سيارتك ومبلغ 10000 ريال مبالغ فيه ولو نزل على سبيل المثال 2500 الى 3000 يعتبر ايضا مبالغ لاكن انت محتاج سيوله.