السبت 18 أبريل 2026
الرئيسية أخبار السيارات مواضيع اليوم
روابط قد تهمك : السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | قناة السيارات
عاجل
تويوتا GR MR2 الجديدة بتصميم جديد كلياً وتحديث شامل مجهزة بمحرك من الجيل الجديد! تم تقديم طلب تسجيل العلامة التجارية!" ستُطرح للبيع في عام 2027 | مدى سرعة تطور الشركات المصنعة الصينية | شركة فورد تستدعي 1.4 مليون شاحنة بسبب عيوب في ناقل الحركة | راديتر كابريس | حظر غسل السيارات يدوياً في محطات الوقود
الرئيسية المنتديات الرئيسية ورشة السيارات مشكله غريبه بمكيف التاهو 2008 : !

مشكله غريبه بمكيف التاهو 2008 : !

ورشة السيارات مغلق
41 رد 53,281 مشاهدة 19 مشارك الأقدم أولاً
ب
بدر الصبحي @user_98992 صاحب الموضوع · 24-08-2010
mr1
جعلها ماتصير معاك يابعدي ولا تتكرر ابد
جربت طريقتك يالغلا قبل اسبوعين وفصلت البطاريه و خليتها عشر دقايق
و رجعت ونفس الحال ماتغير الوضع !
ب
بدر الصبحي @user_98992 صاحب الموضوع · 24-08-2010
امير بكلمتي
يالغـلا الاعدادات متأكد منها ، السياره مشالله تبارك الله معاي لها سنتين ونص
اخر روقان و الحمدالله مافيه أي مشـاكل .. !

الفريون
تم التشيك عليه و مليان ، و تم تعبئته و بالفعل طلع مليان
و الان الوضع تغير وانا اخوكْ

صـار اول مايشتغل المكيف بارد
و بعدها يقلب حار ( تخف برودته بطريقه ملحوظه )
يصير مجرد هوا قوي و بروده خفيفه لـ ( درجه تنرفزك ) :(
M
Mr I @user_122740 · 24-08-2010
السلام عليكم ورحمة الله وبركاته
كيف حالك يالغالي ان شاء الله تكون بخير
ادري انك شايل هم المشكله لأنها حصلت معايا بالضبط بس عكس الفتحات
كان الراكب بارد والسائق هو اللي حار وسيارتي همر H2
الموهم
مريت كذا كهربائي الى مالقيتلي واحد ابن حلال قلي المشكله عندك واحد من امرين اما بالموزع الحراري ما يغير عالبارد معلق وهذا يكلفك تفك الطبلون وقيمته امكن 1200 ومب موجود بالوكاله يطلبون طلبيه والحل الثاني ما يكلفك ولا ريال اللي هو ضبط معاي انك تفصل البطاريه عشر دقايق وترجعها لأنه يكون حصل اختلال بسيط بفصلة البطاريه يرجع تنظيم كل شي بالسياره والحمدلله ضبط معاي
افصل البطارية وبأذن الله يشتغل
تراها صارت معاي والهمر هو نفس اليوكون نفس التاهو باختلاف الشكل
ترى قطع غيارهم وحد توكل على الله سوها وبلغنا ويش يصير معك
M
M~أمير بكلمتي~M @user_58367 · 24-08-2010
ب
بدر الصبحي
ماقصرت يا بعدي
جربت و مافاد وانا اخوكْ

والحين صاير المكيف جداً حار ( الاربعه الاماميه ) !
اول ماشغله بارد لـ 5 دقايق ، ثم يصير الهوى قوي و البروده جداً ضعيفه !


يالغالي مادام انك متأكد من سلامة اعدادات برودة المكيف وانك مخليها على اعلى برودة

فمعناته حاول تشيك على الفريون ممكن يكون ينقص وانت ماتلاحظ هذا الشئ اضف على ذلك اذا الكمبرسر

يشتغل او لا ممكن يكون نقص او لا قدر الله فيه مشكلة في نفس الكمبرسر او حساس الفريون

ولكن مادام فيه مشكلة من قبل في ان المكيف الايمن حار والايسر بارد فمعناته المشكلة عندك

اما من موزع البرودة او نفس الاعدادات فيها خلل ,, وياليت تصور لوحة المكيف وهي شغالة حتى يفيدوك الاخوان

أخوكـ
ب
بدر الصبحي @user_98992 صاحب الموضوع · 24-08-2010
ماقصرت يا بعدي
جربت و مافاد وانا اخوكْ

والحين صاير المكيف جداً حار ( الاربعه الاماميه ) !
اول ماشغله بارد لـ 5 دقايق ، ثم يصير الهوى قوي و البروده جداً ضعيفه !
ع
عبدالعزيز 8 @user_231972 · 24-08-2010
ع
عبدالعزيز 8
التكييف عند تمام طالما انه بارد في جهة من السيارة وحتى في الخلف
ومشكلتك من سببين والله اعلم:
1-لوحة اعدادات الاكترونية تحتاج تصليح او تغيير.
2-خراب بعض قسمات توزيع الهواء في داخل الطبلون .

وجرب اظغط على زر تحويل الهواء في لوحة مفاتيح المكيف يعني حول التبريد مرة فوق الطبلون ومرة من الامام ومرة تحت الارجل وشوف وش يصير معك فأذا رجع تمام فالخراب من لوحة مفاتيح المكيف .

وايضاً جرب اعادة البرمجة وانت سويتها ولكن جرب هذه الطريقة :
1- افصل اصابع البطارية الأثنين لمدة 20 دقيقة.
2- اشبك الموجب اول وشده وبعده السالب .
3-ضع المفتاح في السوتش على وضعية on يعني حتى تضاء انوار الطبلون فقط (من دون تشغيل) وبعد دقيقتين تكون جاهزة ان شاء الله.

بالتوفيق اخوي


1- لوحة الاعدادات الاكترونية اقصد فيها لوحة مفاتيح المكيف اللي في الطبلون
ع
عبدالعزيز 8 @user_231972 · 24-08-2010
التكييف عند تمام طالما انه بارد في جهة من السيارة وحتى في الخلف
ومشكلتك من سببين والله اعلم:
1-لوحة اعدادات الاكترونية تحتاج تصليح او تغيير.
2-خراب بعض قسمات توزيع الهواء في داخل الطبلون .

وجرب اظغط على زر تحويل الهواء في لوحة مفاتيح المكيف يعني حول التبريد مرة فوق الطبلون ومرة من الامام ومرة تحت الارجل وشوف وش يصير معك فأذا رجع تمام فالخراب من لوحة مفاتيح المكيف .

وايضاً جرب اعادة البرمجة وانت سويتها ولكن جرب هذه الطريقة :
1- افصل اصابع البطارية الأثنين لمدة 20 دقيقة.
2- اشبك الموجب اول وشده وبعده السالب .
3-ضع المفتاح في السوتش على وضعية on يعني حتى تضاء انوار الطبلون فقط (من دون تشغيل) وبعد دقيقتين تكون جاهزة ان شاء الله.

بالتوفيق اخوي
ب
بدر الصبحي @user_98992 صاحب الموضوع · 24-08-2010
up up up up up up
ب
بدر الصبحي @user_98992 صاحب الموضوع · 13-08-2010
أخوي ابراهيمم :
والله السياره مميزه مشالله تبارك الله
ومن احسن السيارات و ماوجهني فيها اي مشاكل يابعدي
غير هالمشكله اللعينه و مشكلة نظام بالبيد بـ الصيانه
يرفعون ضغطك لين يدخلون السياره :(
ب
بدر الصبحي @user_98992 صاحب الموضوع · 13-08-2010
أخوي ماجد :
والله ياخوي ان الشركه رحت لهم مرتين
وكل مره يقول لي عندنا ضغط و خذ موعد الاسبوع الجاي
وانا بصراحه ماكون فاضي بـكون مرتبط بمدارس اخواني الي بشرق و بغرب جده !
و السكن بعيد جداً !!!

[COLOR=black]أخوي مركز جونا : [/COLOR]
كيف أعمل هالاشياء ؟
ماعندي خلفيه والله وانا اخوك بالسياره كثيره :(

أخوي تاهو ألتز :
الموتر فل كامل ماعدا الدبل و النقفيشن
و المكيف مثل الصوره عادي و ماعتقد فيه مكيف لمس وانا اخوك
الا ان كان قصدك الازرار تبع المكيف جايه طبقه وحده كأنها لمس ؟
عالعموم يابعدي المكيف تبعي مثل صوره المكيف الي برد اخوي اميره و حاطه بالصفحه الاولى فديتكْ
و المشكله طلعت فجأه من بعد سنتين و الاعدادت متأكد منها سليمه تبع المكيف

بالنسبه لـ البطاريه فصلتها و شبكتها
وشغلت المكيف و صار المكيف كأنه هوى فقط مو تبريد
الهوى شوي بارد من كلا الجهتين بس تحسسسه هوى فقط :(
I
Ibrahim-SS @user_233876 · 13-08-2010
من اول مره شفت التاهو ونا داري ان وراه مصيبة هو ولجمس حرام عليهم جنرال موتر شكله راح يقظون على سيارتين من اعرق السيارات في الخليج
ب
بدر الصبحي @user_98992 صاحب الموضوع · 13-08-2010
أخوي أمير بكلمتي :
جربت طريقتكْ يابعدي و نفسْ الحكايه
بيكون نفس الهوى الخارج ضعيف مقارنه بـ الهوى الخاص بالسائق :(
فْ مدري وش المشكله يابعدهم و ماودي اروح الشركه لجل شغلهم البايخ و الغباء !
S
SIERRA_HD @user_143138 ..:: TAHOE//YUKON GRP. MEMBER ::.. + RiYaDh 4X4 GrOuP · 09-08-2010
هلا اخوي بدر ,

اتوقع ان موترك فل كامل ولا لا .؟ يعني المكيف لمس ,

عموما ياليت لو تصور لنا الشاشه حقت المكيف وانت مشغله , عشان نشوف هل هو مشتغل بالشكل الصحيح او لا .

+

افصل البطاريه لمده 10 دقايق وارجع ركبها وانتظر 5 دقايق وشغل السياره , بعدها شف المكيف هل ضبط ولا لا .؟
م
مركز جوانا @user_231566 · 09-08-2010
أخوي well well -32 :
أنا مثلك يابعدهُم اتوقع المشكله مالها علاقه لا بـ فريون ولا بـ كمبروسر .
انا حاولت أروح لـ الوكاله لكن المُشكله لابد اعمل صيانة الـ 40 الفْ
و تخيل رحت لهُم مرتين و كُل مره يعطوني موعد بعد اسبـوع فقط لـ صيانة الـ 40 وتقعد ثلاث أيام و أدفع 1260 ريال
أما المكيف يعرضونه على مُختص بعد ماتنتهي الصيانه و قطعت الامل منهُم !
اما الهوى بالفعل انا اقصد انه فعلا ً كأنه دفايه يا بعدهُم حار جداً و الهوى ضعيف
واحياناً يكون بارد ( [COLOR=royalblue]اقل من العادي ) ولكن نفس الحكايه يكون الهوى ضعيف [/COLOR]

حياااك اخوي وجعل ايامك والجميع اعياد يارب
بما انك تقول ان الهواء جدا حار فمعنا هذا ان الهيتر معلق عندك(التدفئه) من رائي انك تلغي نظام التدفئه موقت وتشوف الفرق اما بالنسبه لضعف الهواء فيرجع لقفل باب موزع التهويه لجهة الراكب بعد الغاء السخان بحول الله راح يتغير وان كان ماتعدل حاول تفك مجرى الهواء يدوي بس بدون ماتضغط عليه كثير وبحول الله تتعدل عندك الامور.
m
majed7882 @user_116239 · 09-08-2010
شف نصيحة للة لاتلعب بالمكيف لو ماضبط ود السيارة عند الشركة ولايلعب فيه اي كهربائي غير الشركةلان الضمان مايشمل سيارتك اذا لعبت فية خارج الشركة سيارتك لس علي الضمان
وهذي نوع من انواع التطفيش بالشركة ومشكلة السيارة اتوقع يمكن فيوز او مشكلة كمبيوتر مكيف اتووووووووقع مادري والعلم الاكيد نزل السيارة عندهم وراح تصلح سيارتك
M
M~أمير بكلمتي~M @user_58367 · 08-08-2010
ب
بدر الصبحي


أخوي أمير بكلمتي :
مكيف سيارتي نفس المكيف الموجود بـ الصوره الاولى بالظبطْ
بصراحه ما أدري كيف لكن أتوقع تحكمهُم واحد لإنْ وقت ما أزيد البروده زمان تنزاد مع بعض و نفس الحكايه لمن أخففْ !
اما انه معلق على الحار ولله يابعدهي ما أدري
لكن أوقات يكون بارد و أوقات يكون حار و طبعاً البروده تكون أقل بكثير من الي عند السائق



مادام يالغالي انه بالفعل مثل الصورة الأولى فتأكد من حرارة مكيف الراكب لأن كل واحد لحاله

واذا تبيهم سواء له زر اعتقد يفيدوك اصحاب الخبره فيها ,, لذلك روح لسيارتك وسمي بالله

وشغل السيارة وشغل المكيف واضغط على الزر الأزرق لين تصير الحرارة اقل شئ

وخلي الاثنين كلهم نفس الدرجه وشوف الفرق ,, وفالك خير يارب :xyxthumbs:


أخوكـ
ب
بدر الصبحي @user_98992 صاحب الموضوع · 08-08-2010
اخـوي عادي جدا ً :
الفريون تأكدت منه يالغلا و تم تعبئته و نفس الحكايه تتكرر يابعدهُم .

أخوي DSC :
والله يالغـلا ما أدري ، لكن[COLOR=royalblue] أروح لـ كهربائي سيارات أو مُتخصص مكيفات ؟[/COLOR]
رحت لـ مُحلات متخصصين مكيفات و لكن للإسف ماعندهُم سالفه .

أخوي well well -32 :
أنا مثلك يابعدهُم اتوقع المشكله مالها علاقه لا بـ فريون ولا بـ كمبروسر .
انا حاولت أروح لـ الوكاله لكن المُشكله لابد اعمل صيانة الـ 40 الفْ
و تخيل رحت لهُم مرتين و كُل مره يعطوني موعد بعد اسبـوع فقط لـ صيانة الـ 40 وتقعد ثلاث أيام و أدفع 1260 ريال
أما المكيف يعرضونه على مُختص بعد ماتنتهي الصيانه و قطعت الامل منهُم !
اما الهوى بالفعل انا اقصد انه فعلا ً كأنه دفايه يا بعدهُم حار جداً و الهوى ضعيف
واحياناً يكون بارد ( [COLOR=royalblue]اقل من العادي ) ولكن نفس الحكايه يكون الهوى ضعيف [/COLOR]
بصـراحه ما أدري ان كان التكيف عندي مُنفصل أو لا
ولكن قلت مُنفصل لإن التحكُم واحد يابعدهُم .. !

أخوي أمير بكلمتي :
مكيف سيارتي نفس المكيف الموجود بـ الصوره الاولى بالظبطْ
بصراحه ما أدري كيف لكن أتوقع تحكمهُم واحد لإنْ وقت ما أزيد البروده زمان تنزاد مع بعض و نفس الحكايه لمن أخففْ !
اما انه معلق على الحار ولله يابعدهي ما أدري
لكن أوقات يكون بارد و أوقات يكون حار و طبعاً البروده تكون أقل بكثير من الي عند السائق

أخوي ابو دانه :
والله ما أدري لكن اذكر يوم رحت لـ مُختص مكيف
قلت له يمكن الفلتر قعد يدور و قال سيارتك مافيه فلتر و الظاهر الموديلات الجديده مافيه فلتر هوى !
لكن لو موجود وين ألقاه يابعدهم ؟
أ
أبو دانه @user_193365 ..:: TAHOE//YUKON GRP. MEMBER ::.. · 08-08-2010
يمكن الفلتر مليان غبار ؟!
طلعه ونظفه وراح يضبط .
M
M~أمير بكلمتي~M @user_58367 · 08-08-2010
وعليكم السلام ورحمة الله وبركاته

برضوا يالغالي ارجع تأكد من مكيفك ولو تصور له لنا يكون افضل حتى نشوف اعداد المكيف

الي عند الراكب تختلف عن الي موجوده عند السواق ,, وهذه يالغالي من زمان في التاهو واليوكن والسوبر

انه كل جهه لها تبريد مستقل اذا كان بالفعل درجة المكيف الي عند الراكب نفس الحرارة

تبع جهة السواق في اعدادات المكيف فمعناته انه عندك مشكله من نفس الموزع او المنظم

انه معلق على الحار عند الراكب

سواء كان مكيفك مثل هذا الشكل




او كذا



أخوكـ
w
wellwell_32 @user_206454 · 08-08-2010
و عليكم السلام و رحمت الله

وكل عام و انت طيب بدر

هذي سلمك الله مو مشكله فريون ولا كمبروسر ( بس ما في مانع انك تششيك على الفريون اذا ناقص او لا)

دام ان الهوا في الخلف وعند السائق اوكي

ولا اعتقد ان الورش عندهم الحل الا من رحم الله مالك الا الوكيل او انك تراسل الشركه الام و تقولهم على العطل

اخبر قبل فتره جاء واحد وعنده نفس المشكله اذا ما خانتني الذاكره بس مدري وش صار معه ( تقدر تسوي بحث في المنتدى )

بس اتوقع و العلم عند الله ان الهوا لما يضعف بسبب قسامات توزيع الهواء يمكن يكون التماس او برمجه او اي خلل يخليها تتقفل بشكل جزئي ويخف الهوا جهت الراكب

اما من ناحيه حراره الهوا مدري انت تقصد انه فعلا حار كأن الدفايه شغاله؟؟ او انه بارد بس اقل بروده من جهت السايق ؟؟ وهنا مقدر افتي لك و اقولك انه من الدفايه لانك قلت التكييف الامامي مو منفصل

لكن اسال الله ان المشكله تنحل ونعرف حل للمشكله ذي تقضي رمضان و تعيد بمكيف زي الحلاوه

ننتظر باقي الشباب يمكن احد يكون عنده الحل

صراحه ودي القى لك تفسير لكن اتوقع انها شغلت كنترول ( كهربا)