╣╬◄☺ رابطة عشاق وملاك جيب جراند شيروكي & كوماندر ☺►╬╠

السلام عليكم ورحمة الله وبركاته ..

أشكر القائمين على هذه الرابطة الجميلة .. والمفيدة ..

وبالفعل الإستفادة منها لا تقدر بثمن ..

هذه اول مشاركة لي في هذا المتندى علماً أن سيارتي هي جراند شيروكي 2005 مكينة 8 سلندر 4.7 سعودي

سؤالي هو

عندي نظام الساعة في المسجل نظام 24 ساعة أريد تحويله إلى نظام 12 ساعه ..

هل من الممكن ذلك ؟

أيضاً هناك قربعة بسيطة مع المطبات الخفيفه وسمعت من ناس يقولون انها طبيعية في الشيروكي عامة .. وش مصدر الصوت وهل له ضرر ميكانيكياً ام انه صوت بس ..

أحيانا - يعني في المشوار مرتين ثلاث - عند الوقوف عند الإشارة مع وضع القير ب D ورجلي على الفرامل تجي تفتفه بسيطة كن السيارة بتطفى وترجع لوضعها الطبيعي .. وش تتوقعون سببها وما علاجها ..

وشكرا للجميع ..

آمين وجزاك الله خير

منذ عصر الجاهليه احم اقصد من سنين كان معاي شروكي واخبر فني فلبيني بالصناعيه كان شغال في الوكالة وطلع وفتح له ورشة

بعود ارجع ذاكره ايام زمان لعلي اتذكر موقعه وحتى علشان تستفيدون منه

شف سلمك الله ..

كل الي ذكرتها شغلات بسيطه وحرام تدخلها الوكاله ..

كانك تخبر لك ميكانيكي فنااان ووممتاز
رح له

جلده العكس الداخلي .. هذي يطلع العكس كامل ويغير الجلده وراح يحط له شحم
الشغله هذي شغله اخصائي عكوس!

صوفه الدفرنس انت ماوضحت بالضبط
لكن هذي يحتاج انه يفك عامود الكردان فقط ويغيرها
والأمامي يفك عامود الدبل ويغيرها

مساعد خلفي شغلته هينه وبقوة :)

كرسي القير .. يثبت القير بعفريته .. ويفك الكرسي ويركب الجديد


حساس الشكمان .. فقط يفك القديم ويركب الجديد ..

<< اقول قاعد تهايط عشانك فاهم .. المقصد من هشرح كله
اوضحلك ان الشغله بسيطه وماتستاهل وكاله

بس رح لميكانيكي ممتاز .. لأن ممكن تروح لواحد ويخرب عليك شي ثاني


نحتري اخبارك .. والله ييسرلك

السلام عليكم

مشكور وما قصرت على المعلومات
ابغا نصيحتك وبقية الاخوان
عندي بعض الملاحظات في السياره بعد الفحص
1- جلدة عكس داخلي
2- صوفة دفرنس أمامي وخلفي
3- مساعد خلفي
4- كرسي قير
5- حساس الشكمان

هل اعمل الصيانه في الوكالة
او فيه مركز متخصص و ممتاز في الرياض


كثره عليكم الطلبات بس تحملوني

ممتاز

غير لها بواجي ..
وشيك على سير المكينه يمكن يحتاج تغيير ..
شيك على زيت الدفرنس الأمامي والخلفي وان كان ناقص زيدة ..

شيك وانتبه انتبه !!
زيت القير .. متى تعرف انه يحتاج تغيير .. اذا لاحظت ريحه الزيت ماهي طبيعية !!

انا الجيب يوم شريته .. غيرت له زيت وكان ماشي 85000 وكان راعيه الاولي مغيره يوم كمل 40000

طبعا رحت للوكاله عشان اعرف هو غير زيت القير من قبل او لا !

لأن زيت القير اذا صارله فترة طويلة ماتغير .. وجيت غيرته .. راح يخبط عليك القير

والحل سلمك الله :-

الأول انك تروح الوكاله وتعرف متى آخر مره تغير زيت القير فيها .. ان كانه مغيره يوم كملت 80
عادي انك تغيره

اما ان كانه ماغيره ابد
تنقز الوكاله وتشري
زيت القير ونوعه ATF+4

وتنزل من الزيت مقدار لتر واحد .. وتعبي زيت جديد لتر واحد ((على قد الي فرغته))
وبعد اسبوع .. تسوي نفس الحركه .. وتقعد اسبوع يزيد ماينقص .. ماعندك مشكله

وتكرر الحركه الين تحس ان الزيت لونه تغير .. وبعدها تفرغ الزيت بالكامل وتعبي جديد

وعندك زيت الدبل .. هذا ان كان ناقص تغيره ..


وهذي بعض الروابط لعلها تفيدك

تغيير زيت الدبل
http://www.youtube.com/watch?v=_AwW-MMujZI

تغيير زيت القير
http://www.youtube.com/watch?v=lYv58W3kU4I&feature=related

تغيير زيت الدفرنس
http://www.youtube.com/watch?v=rNdHmpQQJJQ


اتمنى اني افدتك

:)

هلا اخوي
جزاك الله خير

السياره ماشية 110000 كلم



.

ياشباب سؤال فية طريقة اقدر افصل دبل
لأن دبل خفيف شابك على طول معي ومسبب لي ازمة في صرفية بنزيل

هلا ومرحبا ..

مبروك الجيب !! والله يعطيك من خيرة ويكفيك شره

السيارة كم ماشيه ؟
على حسب الممشى .. تقدر تحدد وش الي محتاج تغيير!

بس اول شي تسويه .. تغير زيت المكينه والسيفون

انتظر ردك

تحياتي :)

وووينكم يا شباب

او الرابطة في اجازة الصيف !!!

السلام عليكم

لسى جديد معاكم وابغا بعض النصائح منكم

ولله والحمد اشتريت جراند شروكي 2007 سعودي
6 سلندر 4*4

وش نصائحكم اول شي نسويه من ناحية الصيانه الدورة و التركيز على نقاط مهمه
الزيتوت وش الافضل ومتى تغير
هل يحتاج الى عمل اشياء ضروريه للسياره


كنت من عشاق الشروكي ولاكن في الموديلات القديمة وكنا نشغل ونمشي وبس ومشاء الله كانت السياره قويه وجباره
الموديلات الجديده مالنا خلفيه عنها

السلام عليكم ياالربع ودي أشاوركم بالجراند شروكي 2011 ودي أخذ جديد بس ماادري كيف استخدامه , عيوبه , الحرارة كيف , والأزين الست سرنديل ولا الثمانية سرنديل مع العلم إني مااني راعي تطعيس حق بران حجرية وصخرية وصمدي

سلام عليكم
ياشباب انا حصلت لي مشكلة سيارة صارت تطفى من نفسها يعني وانا امشي تطفى فجاء واشغلها تشتغل على طول ؟ اتمنى اعرف وش مشكلة هل هي من طرمبة بنزيل او وش

السلام عليكم
اسمحوا لي اكون عضو في رابطتكم حيث اني احد ملاك السيارة الجبارة قراند شيروكي
ولي بعض الخبرة الميكانيكية في هذه السيارة

سؤالي / عندي جهاز كشف اعطال وعندما اقوم بفحص السيارة تجيني اكواد للأعطال بدون وصف للكود ..فهل هناك موقع يعطيني وصف للكود اللي يظهر لي على الجهاز

سلام يالنشاما بالله عليكم أفيدوني عن سيارتي كلما أكلت مطب خفيف سواء أو ثقيل تولع لمبات esb , و مانع الانزلاق تقعد شوي وبعدين تطفي وديتها لكم مكانيكي قالوا لازم الشركة الشركة بعيدة وبياخذون مبالغ لان السيارة أمريكي ودمتم

السلام عليكم ورحمه الله وبركااته


معكم اخوكم ابو سعيد من عمان

بصراحه هاذي الرابطه هي ما جعلني اسجل في ها المنتدى

لاني شفت مشاركه الاعضاء عن السيارتين الشيروكي والكوماندر

وانا امتلك جيب كوماندر 2007 رقم واحد الفئه الثانيه v8 بس موب هيمي

4.7 عندي سؤال بخصوص موضوع الاكوادر مع ان السياره ما فيها اي

كتابات ع ها الموضوع بس استغربت نفس الموديل فيها وهاذي لا ؟؟؟

اتمنى الفائده يا خبير الكوماندر ابو وسن وابشركم امس بدلت زيت السياره

بنوعيهw5-40 مثل ما قريت في ها المنتدى واتمنى ان يؤدي الغرض المطلوب

بأذن الله.

حياك الله اخوي

والله شف ما فيه شك ان الجيب ليس من افضل السيارات عملانيه وايضا ليس من أسوأها
فيه حقه من الخرابات وفيه حقه من القوه والجوده

لذلك اذا لم تكن تعشق الموتر وتحبه فإنه عند ادنى مشكله سوف تكرهه (وأنا اقصد اي موتر سواء جيب او غيره من السيارات)
وأن كنت تحب الموتر وتعشقه فأنك سوف تتعايش معه مع مايطرء عليه من بعض المشاكل التي لاتخلو من كثير ماركات السيارات على سبيل المثال(البي ام - والجاكور- والرانج روفر-) من افخم السيارت لكن يحصل لها بعض المشاكل الغريبه ومع ذلك لها ناس تعشقها حتى الثماله وتدافع عنها بكل ما أوتيت من قوة.

يعطيك العافية اخوي وكلامك على متمه
الحقيقة السعر المرتفع ممكن يرخص عند الوكالة عند طرح موديل 2012 لكن المشكلة الاساسية اللي مسوي لي قلق بخصوص الشيروكي اللي هي الجودة
يعني مو معقول تدفع مبلغ 168 الف ريال من دم قلبك في سيارة ثم تصير صديق الوكالة حسب كلام الناس
تاريخ الشيروكي حقيقة مليئ بمشاكل الحرارة ومشاكل اخرى غريبة انا لم اجرب لكن هذا مايعرف عن الشيروكي عندما تسأل عنه وهذا مخليني جداً متردد اني انفق هالمبلغ الكبير على سيارة احتمال اني بالعربي "ابلش فيها"

انا سئلت الوكاله عن السيارات المستورده من امريكا مثل ما قلت
قالي هذي ماراح يشملها الضمان يعني لو شريت السياره من امريكا وشحنتها هنا
وصار فيها خلل لاقدر الله الوكالة ماراح تضمنها
وهذا الكلام سئلت الوكيل اللي في السعوديه والولكيل اللي في الكويت وقالو لي نفس الكلام
طبعا اذا شريت السياره من هنا الوكاله تضمنها 3 سنوات او 60 الف في اي دوله من دول الخليج
مع امكانية تمديد الضمان الى 5 سنوات او 100 الف مقابل 5000 ريال قابل للتفاوض .
اتمنى اني افدتك