بسم الله الرحمن الرحيم
كيف الاعضاء جميعا بدون استثناء
الحمد لله والشكر على السلامة والعافية واشكر ربي على نعمة العافية اللتي لاتعوض وعسى الجميع يتمتع فيها يارب
قبل صار علي حادث وتم على أثرة نقلي للمستشفى لمدة شهرين شهر بحــائل وشــهر بالرياض
والحمد لله خرجت من المستشفى وانا بالبيت حاليا
بشرح لكم الحادث بإيجاز وسببه الاول والاخير الســــرعة
طبعا نوع موتري التيما 2010 ستاندر سياحي قيـــر عادي
وكنت اجاكر وصار اللي صار فقدت السيطرة على الموتر وانزلق على سرعة عالية بسبب حفر وحصى ونزلة قوية موجودة بمنتصف الطريق لان الطريق جديد ولا اعرفه زين
وزحف فيني الموتر برا الخط وانقلب فيني والحمد لله جتني اصابات مابين متوسطة الا طفيفة وكسور بعدة مناطق بالظهر
واليد والحوض
والحمد لله المال يتعوض لكن الروح ماتتعوض
الموتر راح تشليح ومايهم كثر قومتي بالسلامة يارب لك الحمد
_________________
تجربتي للموتر
مدة 3 شهور ماشي 21 الف قبل الحادث
الموتر اختصارها لكم 4 سلندر بأداء 6 سلندر
قوة فيها مو طبيعية لدرجة الجنوون طبعا اول ماشريتها شفت الطبلون 260 قلت شكلهم ينصبون علينا
واول ماتعدى الموتر التمرين واول دعسة لي فيها وهو ماشي 1000 وشوي جاب 240 انا طارت عيوني
وبعد ماتعدى الـ10 آلاف بدى يجيب الـ250 واحيانا ينزل
اجل كيف بعد 20 بس صار اللي صار قبل اجربها
طبعا السيارت اللي طلعت عليها
لومينا 6 سلندر
كابريس 6 سلندر
مكسيما اتوماتيك
مكسيما قير عادي من صفر لحد 160 قدامه ومن 160 لل220 قدامي و220 ومابعدها قدامه
كامري V6
كابريس 2006 أل تي زد من صفر للـ140 قدامه
اوريون راح عني قومة وخط قلت خلني اخذ نقطة ضعف الاويون وهي بعد ال180 لحد الفصلة تكون ثقيلة شوي بالمشي
وجربت دحدرة 180 <<اول مرة تصير شكلة هع
ومسكت معه لحد 200 لان موتري شاد برابع
وبدا يطلع وآخذت الذرا وثبته ومابننا الا 3 سيارات من 210 لحد 230
وبعدها تجاوزته لانها فصلت وانا وقتها كنت امشي 250
طبعا هو طارت عيونه يوم تجاوزته بهالسرعة قال موتري يفصل قلت ادري بس بشوف مستواي معاك
طبعا مارح اذكر مواتر 4 سلندر ثانية لان الامل معدووم قدامي
________
قيــــر السيارة سبووورت
ملاحظاتي على السيارة من ناحية القير (طبعا سمعت بس مو متأكد ان الاتيما تحمل نفس قير الزد القديم)
القير سبووورت بشكل حتى نقلاته سبوورت
مثالا اذا كان الموتر بالاول وضغطت الكلتش عشان اعطيها الثاني الاحظ عداد الآر بي ام يرتفع رفعه طفيفة وثم ينزل والرفعة هذي ترفع من العزم وقت التسارع
الحاجة الثانية اللي لاحظته يكون القير بأي نمرة واضغط الكلتش بالكامل بدون ما افضي الموتر طبعا بنزل عداد الآر بي ام للأخير لكن مابنزل لآخر شي يكون مرتفع فوق الواحد وانا ضاغط الكلتش بالكامل واذا فضيت الموتر عاد ينزل لانزل مستواه اللي هو تحت الواحد
وكل ما قوية النمرة كل ما ارتفع مكان العداد
جربت الامور المذكورة اعله على مكسيما قير عادي ماشفتها فيه
الامر الثاني الكلتش عنها خفيف وسريع الخروج والدخول بالقير يعني مجرد ما ارفع رجلي عن الكلتش الحظ السيارة تقوم
يعني بالفزة ماشاء الله تقلع
ــــــــــــــــــــــــــــــــــــــــ
فخامة السيارة
السيارة فيها فخامة لاتوصف وهي ستاندر لدرجة ان ركب معي واحد من الشباب معه كامري قالي هذي الاتيما قلت ايه قال وين الزينون والفتحة قلت موتري ستاندر قال مستحيـــل
وسألني مرة ثانية وبن الجنوط قلت ياخوي ستاندر مثل موترك سياحي
قال وستاندر وفيها مواصفات مو موجودة بالفل من الكامري (يقصد البصمة والطبلون الليزر )
اما الجودة فصعب احكم عليها وتجربتي قصيــرة لكن من متانة الطبلون تبين ان فيها جوودة قويــة لدرجة ان الفرارت اللي تقفل فتحات المكيف لسائق والراكب الامامي والركاب الخلفيين من البلاستيك المبطن بالاسفنج عشان مايحتك بالبلاستيك ويطلع صووت
ـــــــــــــــــــــــــ
ايجابيتها بختصار
- مكينة 4 لكن عزم 6 سلندر صراحة (لبى قلبها بس)
- يوجد اوفر درايف مع انها قير عادي يعني تجيب طبلونها بخامس وسادس تريح للمكينة
- صرفية للبانزين مذهلة تمشيني 700 كيلو ماشي 150 بنزين احمر
- متانة الطبلووون
___________
ملاحظاتي على السيارة
- القماشات ماتعمر غيرتها على كيلو 17 مقابل قيادة خشنة
- ماتحس فيها بالسرعات العالية وهذا يعتبر ميزة لكن في بعض الاحيان يعتبر عيب لدرجة اني احيانا امشي 180 وما ادري الا واشوف الطبلون 220 بدون ما احس وهذا اللي سبب لي الحادث
- اذا اسرعت فيها 250 وانا ماسك ذرا الاحظ الكبوت ينتفض مو يهتز بل يتمروج وتحقق لقيت الكبوت من الامنيوم والتمروج يساعد على الانسيابية مدري عن هالكلام بس يخووف صراحة وغصب اهدي هع
___________
المقاطع والتسارعات
رجـــــاء قصروا على صووت يوجد أغاني
هذي ثالث دعسة لي بالمووتر ماشي 3400 فقط وجاب 240
تسارع الموتر من 0 الى 240 ماشي 14 الف طبعا وقفت التصوير والا فيه عزم
دعسة كاملة للموتر 190 الى 250 ماشي 13 الف
واقووول السرعة مافيها خير
انتــــــــــــ هـ ـــــــى