السلام عليكم ورحمه الله وبركاته
كما واضح بالعنوان مطلوب ددسن يفضل غمارتين جي ال ان وجد
ولامانع من عروض الغماره بس الاولويه للغمارتين
الي عنده طلبي يرسلي صور للموتر بالخاص + سعره
ويكون قابل للتفاوض حسب سعر الموتر بالسوق للمستخدم بقيمه جاز له بارك الله لنا وله
وتقابلنا نفحص واذا توافق الموتر كتبنـا وخلصنا مع الرجال ومحنا مقصرين معه
وانا ابي الموتر هاليومين وبعد بكره نازل المعارض مستعجل بالحيل هالايام
اهم شروطي بالسياره
- نظيفه محركاته مكينه قير دفرنس مشروطه وعلى ذمه بياعه
- خالي من صدوم الوجه او انعواجات الشاص او اي ضربه بالشاص<مابغى الي يمشي مايل
- مكيف وهذا شرط هام انه بارد
- جميع عداداته شغاله . السرعه - الحراره - البنزين الخ
- ماجاه سواقه صغير وتنكيس وجه ومطرسه ابي موتر رجالٍ عاقـل
- مجدد ومفحوص
- طبلونه مابه كسور حقت المكيف الخ
استنثائات
- مايهمني الممشى
- اذا به دقشات رفرف يمين باب مسمكره مرشوشه او مرشوش الموتر كامل لامانع
وعلى ماقالوا الفحص لابد منه
وان شاء الله اني مانيب ظالم احد بحق موتره حسب سعره بالسوق من غير المبالغه مثل اسعار الشريطيه
ملاحظه هامه جدا: الي عنده بمعرض وددسن او شريطي رجـاءا لايحط عرضه ولو يقولي ب 1000 ريال موديل2000 ويعطيك ضمان من الوكاله ماشريته منه
ابي الموتر من راعـيه فقط
