مكيف التاهو؟?؟

تحية طيبة لعموم الاخوان
اولا الاخ طلب نصيحة وتوضيح
يعني بلاش نبالغ في مدح سيارة لاننا نمتلكها
يعني لو فيه عيب اذكروه بكل وضوح

انا الوالد الله يحفظه مايعترف بأي سيارة شبكها ماعليه GMC خصوصا لو كانت عائلية
وانا اتربيت على هذا الشئ وانا عارف وشو الجموس عموما ولكن لايخفى على احد ان الامريكي مشكلته التكييف وبكل تجرد ومصداقية والله لو التاهو مكيفه قوي كان ماحد ركب تويوتا انا اتكلم عن نفسي وش خلاني اشتري اف جي غير التكييف القوي والعملية لان التويوتا مايعترف بشئ اسمه ظهر ماشاء الله تبارك الله بارد يعني بارد
واليوكون بارد لكن لك عليه يعني في عز الصيف في مكة مثلا وقف وانتظر ابوك عند باب المستشفى وخل المكيف شغال والله تولع السيارة فيك وانت تطالع الله يحمينا واياكم لكن عموما هدي بالك وفيه عدة نصائح ممكن تساعدك :
1 روح الوكالة وشيك على المكيف والضمان بيساعدك ببلاش
2 ركب عازل حراري نوعية فاخرة في كول او زيبارت تراه يساعد كثير وانا مجرب
3 اول ماتركب السيارة فك الشبابيك كلها وامش شوي وخل الحرارة الداخلية تخرج كذا بتساعد المكيف يبرد بسرعة
4 حاول توقف بظلة دائما
5 لما توقف السيارة نسم شوي للدرايش
6 اول ماتشغل المكيف لاتحطه على اقوى شئ ولكن حطه على واحد واصبر عليه شوية ولا برد حطه على اعلى درجة اهم شئ اعطي الكمبروسور فرصة يبرد

وبالتوفيق واتنمى كلامي مايضايقك وتاكد انت اخذت احد اجمل السيارات العائلية واكثرها اعتمادية ولكن مافي شئ كامل صح ولا لأ يعني فخامة + قوة + هيبة = تاهو ويوكون


اخوك

ابو تركي

والله انك مثل حالتي معي تاهو 2010 مامشى الا 7 الآف وسيارتي السابقه أكورد
ومكيف الاكورد لايعلى عليه حتى ان له 12 درجه بالتبريد بفرار المكيف وزر أضافي لزيادة تبريد الكمبرسور ,, يعني قووة تبريد مو طبيعيه
ومالومك اذا فقدت تبريد الأكورد بعد استخدامك للتاهو .. مع اني ماشتكي من تبريد التاهو بارد:xyxthumbs:
بس فيه فرق بين تبريده وتبريد الاكورد ماشاء الله :xyxthumbs:

اخوي صاحب الموضوع ياليت تتأكد من زر الهواء الخارجي لايكون مفتوح لان هذا عيب التاهو
أو حاول تتأكد اكثر عن السبب من نفسك قبل لاتروح للوكاله

والله التاهو كله على بعضه حلو

ممشى و مكيف :xyxthumbs:

موتر موتر

افضل شي في التاهو المكيف ثلللللللللللللللج ماشاء الله تبارك الله





والله اني بعز الصيف والحر ماقدر ارفعه اكثر من شرطتين بسبب برودته العاليه

والله بن عمي عنده تاهو 2009 وتبريد المكيف عال العال راح بكره الوكاله وخلهم يصلحونه لك هذي سياره جديده يهني لازم تدق سلف وانت مرتاح

بكل صراحه الي يقول ان مكيف التاهو في الصيف حار

هذا ما عنده سالفه و اشك اذا عنده تاهو

التاهو كان عندي مكيفه من ابدع ما يكون

في الصيف ما شاء الله تبارك الله


انصحك طير على الوكاله و تفاهم معهم

مكيف التاهو تطلع السيارة في عز القايلة

ولا تقول غير ما شاء الله تبارك الله

ثلج وكثير من الاحيان انقص مستوى البرودة الى 19 درجة واحيانا 20 من برودة المكيف ما شاء الله تبارك الله

وبعدين ما هو لازم تنتظر حتى موعد الصيانة روح من اليوم للوكالة واعرض مشكلتك عليهم

وان شاء الله تكون بسيطة

طيب يمكن العيب مو من سيارتك
يمكن انت دمك حار شوي علشان كذا تحس انه ما يبرد :confused1:
خلي اي واحد تثق فيه يركب معاك وشوف رايه

اكيد مو طبيعي

خذه و رح للوكاله
بس قبل لا تروح مر على اي كهربائي وخله يقيس ظغط الفريون بدون ما تدوس بنزين اذا كان مابين الـ 50 - 45 psi يعني اوكي الفريون كامل و المفروض يكون تبريده ميه ميه

اذا كان اقل او اكثر فهناك مشكله اما الكمبروسر مضروب من الوكاله او عندك هوا داخل السستم وهذا يرجع لبلد المنشأ

او عندك مشكله في الريس (rbm ) او بكرة الكمبروسر ضعيفه او مخشنه

الزبده ان السياره جديده و هالشي المفروض ما يحصل فيها

فعليك بالوكاله صعب انك ترميها عند الورش و هي في فتره تعتبر تمرين

الله يبارك لك و الله يعينك على حوست الوكاله خاصه اذا كان الجميح

أبداً ماهو طبيعي
تأكد من شيئين
1. علامة الكمبرسر مولعه ؟

شف العلامة اللي فوق الرقم أربعه





2- درجة البروده وهي الأرقام كل ماقل الرقم زادت البروده

إذا كل شي تمام لابد تمر على الوكاله

تبريد اليوكن لا يعلى عليه مع أن الجو حار جدا
اتوقع عندك مشكلة

والله التبريد بالتاهو بلا مبالغه من أبدع ما يكون

فيه بعض السيارات مكيفها وقادر على إنه يبرد السيارة بكبرها

وبعد قزاز السيارة تحس يمنع أشعة الشمس ويمكن تلاحظ لما تركب السيارة حرارتها ماهي عاليه (( للمعلومية سيارتي لونها غامق ))

والله اللي عندي 2010 ماشي 5000 الاف وتبريده لك عليه بس السيارة تبرد بعد ما احرك الموتر بس بصراحة فقدت تبريد الاكورد :)

معقول انتظر 3500 كلم عشان اكلمهم
انا قصدي أحد عنده تاهو ومكيفه قوي حتى في الحر؟

أخي الافعى1

في الصيانه القادمه كلم الشركه

شكرا ابو ديالا
الفريون شغال اكيد بدليل انه في الليل تكون هناك برودة معتدلة