عطوني رايكم في الاكسبديشن

مرحبا
الاكسبديشن عندي قديم موديله 99
مكيفه احيانا الاولاد يطلبون اقفله في السفر من البرد عليهم حتى في الصيف
ماشاء الله له ثلاث مكيفات
ومريح للقيادة وطبعا مغير الكور الهوائيه ا(الهدروليك )بيايات
اعتقد الموديلات الجديده تجي يايات سيده



من ناحية الخدمه اقدر اشبهه بالصاحب الفزاع الخدوم
وفي نفس الوقت ثقيل دم

ثقل دمه من القطع ماتتوفر الا بالوكيل في المناطق الرئيسيه

ولي زميل عنده 98 على حطة يده وكاله يروح فيه لليمن عدة مرات
ماذكر عليه الا كل خير في طلوع جبال ونزول وتحميل

وبالتوفيق

الاكسبدشن سيارة ممتازه ان مجرب اكسبدشن 2009 إيدي باور دفع رباعي صراحة سيارة لايعلاء عليها

مشكورين على ردودكم ماقصرتوا شباب كنت خايف منها هالسياره اشتريها وتصير خراباتها كثيره بس طمنتوني

السيارة ما نشوف احد يشتكي منها من الي استخدموها

واغلب من استخدم السيارة يقول انها مريحة و حلوه في البر

ومن ناحية التحميل أن شاء الله تتحمل وبصراحة زي ما تفضلت

لاحظت المرتبة الثالثة فيها مصممه بشكل عجيب

واسعة جداً ومريحة مع أنه حجمة الخارجي ما يساعد

ماعليها كلام سيارة عملية جدا جدا من واقع تجربة لاخواني وخاصة من موديل 2007 وفوق يوم صار قير ارضي و6غيارات وعزل صوتي ممتاز والمكيف جيد بس مو زي الياباني وحاول تاخذ لون فاتح ولاتقرب الاسود مع الاجواء حقتنا كانك بفرن والله يوفقك

شف ياطويل العمر الاكبديشن سياره ممتازه لنا رفيق شرى امريكي نظيف وجهزه للرحلات البريه طلعت معه خمس مرات نركب خمسة اشخاص والمرتبه الثالثه غاطسه وتاركة مساحه كبيره لمستلزمات الرحلات وذهبنا لمناطق مختلفه من رمال ووديان لم يخذلنا الموتر مع صعوبة بعض المناطق بس احب ان اؤكد ان صاحب السياره قائد ماهر ويتعامل مع السياره بحرفيه حتى اني ظننت ان الاكبديشن افضل من اللاند كروزر ولكن اعتقد ان القياده البريه تحتاج مهارة السائق كما تحتاج قدرة السياره

كلامي مثل كلام ابو فيصل .. انا ماجربته لكن حسب ما اشوف عنه بالمنتديات وكلام الناس انه ممتاز هو و الاكسبلورر .. لكن لا تستعجل تركد وسأل وصل صلاة استخاره ..

تحياتي

صراحةما جربته .. وأيضاً ما لقيت اللي يذمّه .. وحسب متابعتي للمنتديات المتخصصة بالسيارات وجدت أن قطع غياره ليست بالغالية كمثيلتها في تويوتا ووكيله يعد الأفضل
بين الوكلاء حسب متابعاتي للمنتديات .. وبالأخير لا تنسى الإستخارة