صوت السيور يؤثر على الفحص الدوري؟؟؟؟

و عليكم السلام ورحمة الله وبركاته

بإذن الله ما تأثر يا هاوي 11 دعامة عادية ما ينظرون فيها اصلاً

الا اذا كانت زوائدها بارزة او شيء من هذا القبيل


و بعدين لو ما نجحت بالسبب هذا اعادة الفحص ب25 ريال بس

السلام عليكم ورحمة الله وبركاته
اخوانا انا هنا ولا ول مره ادخل في منتدا السياراة
واريد ان استفسر عن شي بسيط محيرني
انا عندي سياره يوكن امريكي مو ديل 2003
وابي اوديها الفحص وانا في الرياض
والسبب اني مركب صدام او دعام زينه خارجيه
وهل الفحص الدوري يرسب السياره وما ينجح ولا
لاني رحت اليوم الصنا عيه والاغلبيه قالولى ما عليك هده ما تاثر في الفحص
والقليل منهم قالو يا ثر في الفحص
وانا والله محير ومتخوف اني اروح الفحص
وابي منكم يا وجيه الخير تفيدوني الى يعرف عنه هل افكو قبل الفحص ولا اتركه واتوكل على الله 00والله يجزاكم خير ويوفقنا وياكم00 ابي الجواب السريع منتظر ردودكم وشكرا

بسم الله الرحمن الرحيم


اليوم فحصت بالفحص الدوري

المهم ما أخذ مني الا 15 دقيقة أو أقل من دخولي مع البوابة حتى خروجي و انا اعتقد انه وقت قياسي و طبعاً كان يوم عادي لا هو زحمة و لا فاضي

اول شيء

دخلت عند الاستقبال و دفعت 73 ريال فقط و عطاني ايصال فيه معلومات السيارة كاملة و قال توجه بسيارتك الى منطقة الفحص

جاء السعودي و فحص الانوار و الفليشر و المساحات و جميع المرايات


الزجاج كان مظلل و لا قال أي شيء
و المكيف ما شغله
و الراديو ما شغله لكن انا سمعت ان الراديو مهم و ترسب فيه السيارة لكن يمكن لانه جديد قال أكيد شغال مو لازم
ما شيك على الكبوت و لا فتحه

ثم بعدها انتقل لفحص الفرامل مشى بالسيارة 10 متر ثم ضرب فرامل حتى يتأكد

ثم ركبها على جهاز ثاني يدور الكفرات و السيارة واقفة حتى يفحص الهاند بريك

ثم فحص على الكربون وضع لي في شكمان السيارة و الحمد لله عدت

نسبة التلوث 0.12 بالمليون حسب التقرير و الحمد لله نسبة ممتازة جداً

ثم فحص السيارة من اسفل

ثم وضع الملصق على ركن الزجاج الامامي من اليمين

و الحمد لله النتيجة النهائية

PASS


اشكر لكم حضوركم و اطلاعكم و اللي عنده استفسار ممكن اجيبه عليه

هههههههههه مبروك البيعة و الله انك صادق سوقه دمار و غير مرغوب

رغم ان موديله حديث 2003

الحمد لله اليوم عدا تساهيل

ابقولك بالرد التالي

و مشكور على حضورك و مشاركتك الله يعطيك العافية

الله يعطيك العافية يالغالي أفدتني و كلامك سليم

و انا من القصيم

ابقولك وش صار علي بالردود التالية

أأخوي ياللي بتفحص.. ابشركم فحصة الموتر بتاعي وهو جيب ايسوزو م 2003 ترووبر بنزين قير عايدي الموتر نظيف وحبيت اعلمك بعته ههههههههههههههه (( مبروووك
من جد مبروووووووووك سوقه دمار ياله ياله ينباع,,,

,, الموهم وصلت للكاشير الاول واخذ مني سبع وتسعين ريال حق الفحص لانه جيب
ثم وصلت للفلبيني اللي الى اللحين ادعي عليه ولد الذينا ’’

,, فحص الموتر الانوار مساحات .. كفرات وشاف تحتيه كل شي قود بس يوم وصلت استلم السياره اللى هي راسبه واطب فيهم سلامات تبون اشوتكم .. تارك الجامعه وحالتي حاله ,’’ واخرتها كذاا ,,!! اخلافي زفففففت ’ الزفن ,, قالي رح للاستعلامات يعلمك الخربات ’’ تتوقعون وش الخرابات ,,’’ بتظحكووون .,.,__((تنجيد مرتبه ,’ ههههههههههههههههههههه 2: مسمار ناقص بااحد الكفرات ههههههه واحد بسههههه 3: وزنية كربوووووووووون انا مكنيكي اول مره اسمع بذي ههههه

, واطلع اللى ابو يمن قادام وياشر ,, قالي ابنجحها لك بس ب100 ريال قلت لو تبي الف بس نجحه وراي بييعه ,’
الموهم ابو يمن بتاع كل شي خيط الشق البسيط اللي بالمرتبه ,, وجاب صاموله وركبناها بالكفر.. ( نحي عند وزنية الكربون ,, ابو يمن شنب فصل لي اسلاك خلى الكربوون قود وقالي اللحين بنتجح .. واذا قضيت اجرائاتك بعد النجاح تعال لمي اضبط وضعك وارجع كل شي مكانه ’’

ترااهم مشددين حسبي الله عليهم ,,, انت توكل على وادعى اللهم اكفناهم بما شئت

وانت روح واذا لا سمح الله ما نجحت شوف ويش ترسب فيه وصلحه

شوف اخوي الفحص الدوري انت وحظك بس بقولك تجربتي ... .
كان عندي صابونة الي في التوقيع والموتر منتهي من تحت من ناحية المقصات وخلافه وكانت تهرب زيت مكينة على شوية زيت قير يعني كوكتيل والقماشات نص عمر وكنت مظللنها 01 بس بهت في الشمس بس كان يبين ان في تظليل وكان الكبوت ما يفتح الالما تدقه دقتين .. هذي نبذة عن السيارة
قبل يوم الفحص رحت وغسلت السيارة من تحت ورشيتها بزيت كامل من تحت وصار الموتر وكالة من تحت ولما وديتها الفحص قبل ما يستلمها الفلبيني نزلت النوافذ كلها وشغلت الانوار وفتحت الكبوت ونزلت من السيارة ومع كل هذا لله الحمد نجحت بدرجة امتياز حتى الي فحصها ما دق بوري "هرن" ولا شغل المساحات ...

بالنسبة لصوت السيور انت لا تشغل المكيف وهم ما بشغلوها بس تأكد من وزن الاذرعة ومافيه تهريب وكل الانوار شغالة والمساحات وانها ترش ماي والقماشات وان البور شغال والكفرات فيها عمر واذا رحت هناك حاول انك تشوف لك ممر مافيه سعوديين لان صراحة السعودي يشتغل بضمير ما شاء الله الا اذاكنت واثق من موترك

وبعدين يبيلك تروح بكير افضل عن الزحمة وبكرة الخميس دوامهم نص دوام من الساعة سبع ونص تقريبا لين صلاة الظهر

وخبرنا ويش يصير وانت وين موقعك الرياض او الشرقية

ههههههههههههه

مسكرين

بكرى الصباح راجع لهم ان شاء الله

بس جاء في بالي شيء ثاني

هل التضليل الخفيف يؤثر ؟؟

بالنسبة للرضوض اتوقع و الله اعلم ما لها دخل الا اذا كانت قوية و بحاجة لسمكرة

ايضاً كما سمعت الزجاج الامامي لو فيه شعرة بسيطة ما تنجح السيارة


اتمنى يفيدونا باقي الاخوان

لا تبخلون علينا يا جماعة ؟؟

والله انا مثلك أخوي ناوي اطلع الفحص لكن عندي شوية رضوض في السيارة

ما ادري هل تؤثر في الفحص ؟؟

خبرنا ايش صار معاك ؟؟