ممكن احد يدلني وين احصل هذي القطعه

الحمد الله
اخيرا طلعت السياره و العواقب سليمه

دخلت السياره ورشه شغلهم نظيف
بعد الفحص مده يومين قالو تحتاج تصفيه كامله و تنظيف بخاخات و الديلكو قطعه تعبانه و هم يطلعونها اتكسرت و بواجي جدد للمره الثانيه خلال 2 شهر

المهم استلمت السياره امس و شوفها تمام ضبطوها عدل و شغلهم مرتب

تكلفه شغل اليد 600 + 99 ريال بواجي على كلامه اصليه و انا اخذت الفاتوره لاتاكد لاني ماركب حاجه تجاري ابد
115 بعد الخصم للشاكوش ( القطعه الي داخل الديلكو )

المجموع 699 خصم 99 = 600 للورشه بعد خصم قيمه الفحص 150 +115=715 ريال

الحمد الله 715 و لا الناصابيت الوكاله يقول 12000 و لاما رصيت عليهم في الفرع الثاني يقولي 4250 تقريبا حسبي الله عليهم

ان شاء الله اخر الاعطال .....

امس طلعت السياره من الوكاله و دخلتها ورشه شكلهم جيدين

دقو على اليوم و قالي السوري تحتاج تصفيه و شغل حساسات اعتقد برمجه
و الديلكو في حاجه بس يقول كل هذي الاشياء تتصلح و اذا تحتاج قطع راح يدق علي و الى الان ما دق
على كلامه مستحيل الديلكو يخرب كله
الي يخرب في الغطى او في حاجه صغيره داخل بس

على كلامه بكره السياره تخلص و ان شاء الله خير

انا متامل خير منه لانه في واحد عنده لكزس جلس في الوكاله شهر ماعرفوله و هو صلحوه في الورشه في سبوع و عطاه ضمان و قاله اذا ختربت مره ثانيه من نفس المشكله شلها بسطحه و الحساب علينا

شي مشجع و ان شاء الله خير <<<<< شتقت لسيارتي والله اكثر من اسبوعين

بصراحة المشكلة هذي جديدة وماسبق مرت علي ..
لكن نصيحتي طلع السيارة من الوكالة لأنهم جدا ً غالين ويغيرون كل شي ..
ودها أكثر من كهربائي واسمع آرائهم ..هذي نصيحة لك على طول في حياتك ، لا تعتمد على كلام ورشة واحدة .. لازم تفر أكثر من ورشة عشان تسمع الآراء وتتأكد إن التشخيص سليم ..

الله يوفقك ، أتمنى أقدر أساعدك بأي شي.

مشكور على ردك اخوي king الكتاوت مغيره من زمان من 2007 تقريبا و كان سعره عند الوكيل في حدود 700 و كسور ( حسبي الله عليه ) لاني كنت في الاحساءالمحاسن للدراسه و ختربت علي هناك و الوكيل قطع غيار( مو الوكاله ) مادري وش اسمه بس غالي ويتضرب بحكم مافيه غيره يبيع للماجنا :c0038:

و ياليته كتاوت مره ثانيه المشكله الخراب ديلكو نفسه ماينظم الكهرب للبواجي يعطي 3 100% و 3 بواجي 75 او 60 % و تتنقل من بواجي الة الثاني و السياره تقطع اذا كانت واقفه الى ان تطفي

انا اليوم راح امر على ورشه في الدمام الخضريه يمدحون واحدد سوري راح اشوف وش يقول
و يمكن اطلع السياره من الوكاله
وكلمت واحد في محل يقول يمكن يقدر يجيبها من الامارات قلت له شولي اي شي بس اهم شي السعر

الله يعين

البحث مستمر