إدخل وصوت ايهما أفضل لاندكروزر 8 سلندر ام 6 سلندر ام الكاديلاك الجديد SRX 2010

مرحبا اخي

نصيحة لوجه الله جرب تكلم الراجحي لتمويل السيارات نسبتهم 3.7 الظاهر. والراجحي تحديداً لأنهم إن شاء الله حلال مية بالمية. انت قلهم على السيارة اللي تبيها وكم بتدفع دفعة وكم سنة بتقسط وهم يشترون لك السيارة اللي تبيها. وحتى لو شروا السيارة وغيرت رأيك ما يلزمونك بشيء أبداً ولا ريال ولا تدفع شيء قبل ما يشترونها لك. الفرق كبير بين تقسيطهم وبين التأجير المنتهي بالتمليك وراح تشوف بنفسك.

ثاني شي شف اللكزس الجي اكس 460 انت جرب سواقته. حالياً معلق بيعه لحد ما يبرمج من جديد وبيرجع خلال ايام. واذا ما صلح لك الموتر خلك بالياباني وفكك من الأمريكي.

اللي يقولك امريكي خله لما يسكر بابه يسحبه بقوة بتطلع المساكة حقت الباب معه :a1120(86): والا لو توقف السيارة بالشمس وتفتح الابواب تنقز عليك ازار القفل؟؟؟ من زين المواد المستخدمة والله.

الله يوفقك وييسر لك الاختيار الأفضل ولا تنسى تستخير .

تحياتي

الله يوفقك ومبروك مقدما وانا أنصحك باللاندكروزر 8 سلندر بلا منازع وبكل امانة ماهي خسارة الفلوس فيه واسأل الله لك التوفيق والتيسير

انا اشووف انك بتشتر بنضام التاجير منتهي بالتمليك خذالكدلك ولا تتردد لانو حيكون تامين شامل على السياره والكدلك فخااااامه وراااااحه وقوووووه وبس يكفيك الشعاار ولاسم كدلك مو تويوتا كلها شغل عم جميييل ومشكوووور

انصحت باللاندكروزر ثمانية سلندر فل اوبشن في اكس ار
اشوفها حقت كرف وقطع غيار متورفرة ورخيصة بالنسبة للكادلاك وصيانة اسهل
وغير معقدة غير هدا كلة سعرة شيك ويمسك لو فكرت تبيع يوم ما
على اي حال رأيي الشخصي واستخير وبالتوفيق لك يا اخي في موترك الجديد
مع خالص شكري وتحيــــــــــــــاتي

والكاديلاك سياره عريقه ومعروفه انا لم استخدمها انا معي يوكن ولكنها كلها من عائله واحده والكاديلاكSRX هي من نوع كروس اوفر دفع رباعي مستمر(AWD,ومعنى الاختصار هذا All Wheel Drive) , الدفع بكل العجلات ,,وهو اثبت للسياره على الطريق ,ويفصل الدفع الامامي على سرعت80كلم ويبقى خلفي ,,عموماً الفئه هذي جديده على السوق ويمكن قليل اللي جربها ,


التقرير التالي يوضّح كل مواصفات السياره ممكن يفيدك اكثر ,,تحياتي
http://www.aawsat.com/details.asp?section=46&article=504672&issueno=11019

بما أنك بتاخذ الموتر أقساط .. فأرى أن الاندكروزر 8 سلندر هو أفضل الخيارات بلا منافس ..

لا تنس الإستخارة .. و فقنا الله و إياك لمافيه الخير ,,

ابو ماجد شكرا ع مرورك لكن الكاديلاك هل تنصحني فيه او لا الجديد؟

وانا صراحه ماني راعي خطوط مره يعني قليل والبر قليل مو مره مره لكن خايف من

الكاديلاك ومن قطع غياره وصبره هل هو يصبر او لا؟؟وماجاوبتوني وش الفرق بين ال6

سلندر وال8 سلندر طبعا جي اكس ار مو في اكس ار هل الفرق بس من ناحية الماكينه

والا فيه فرق من ناحية الشكل الخارجي او المواصفات الخارجيه وماذا تفشلون الكاديلاك

الجديد srx او الجي اكس ار الجديد؟

الفكس ار قيمته كاش اكثر من 220 الف اعلى فئه لكن هو حسب استعمالك إذا انك راعي طلعات بر كثير اللاند افضل لك اما إذا انك راع مدينه وخطوط طويله الأمريكي بكل فئاته اريح

ولد حائل شكرا لك لكن انا من ديرتك ترى من حايل بعد :tongue: وانت تعرف وشو اللي يصلح

لحايل واعتقد ان الدينالي او الكاديلاك ما يصلحون بحايل لا من ناحية الصبر ولا من

ناحية قطع الغيار يعني لو باخذ امريكي وفكرت بالدينالي خذيت جيب الكاديلاك الجديد srx

افخم وارخص واصغر وافضل من نايحة كل شي لكن يا خوفي انه ما يصبر معي او يصير

شي وابي رايكم بعد تفيدوني لا هنتو وشكرا لك ولد حايل ع المرور

السلام عليكم
صباح الخير
أنصحك بالأندكروزر 8 سلندر قوة وعزم وفخامة
لكن هناك من هو أفخم منه تعرفه؟!















الدينالي فخامة وراحة وعزم