لمبة مكينة يوكون 2009

[سهمي نازل]

السلام عليكم

يوكون 2009 ماشي 15000 كم ، ولعت لمبة المكينه اللي بالطبلون يا ترى وش المشكله ؟

ووش اسوي ؟

مرة واحده نزل البنزين عن الربع وتمّ تعبئته واللي كل شي تمام؟

ارجوكم ابي رايكم ؟

[SIERRA_HD]

بسيطه .

اول شي تسويه افصل اصبع البطاريه ربع ساعه بعدين ارجع اشبكه . بتروح اللمبه على طول ان شاء الله . في حاله انها رجعت مره ثانيه فـ معناته ان السياره فيها شي , لذلك تروح طال عمرك لاقرب ورشه فيه فحص كمبيوتر وتفحص بـ 100 ويعلمك وش فيها بالضبط . وتوقعي انه حساس دعسه البنزين يبغاله تنظيف .

[majed7882]

مساء الخير اخوي مر عند اي وكيل لسيارات جي ام
يعني الجميح او العيسي او التوكيلات او بلبيد
ويسون المشكلة مجانا علي حساب الضمان سيارتك لس جديدة
بالتوفيق

[سهمي نازل]

شكرا على تجاوبكم

سوينا فصل الاصبع وما نفعت برضه شغاله اللمبه قبل ما تطفي

السياره لصديق لي وطفت عليه وشحنها للوكاله والله يعوضه خير

[فكتوريا2000]

الله يعينه إن شاء الله تكون تنظيف بس

[ابومحمودالفارسي]

لاتقلق مثل ما قال خوينا تنظيف وبس كلها نص ساعة ودها للصيانة على الضمان انا صار لي نفس الشي وقبل ماتضي اللمبة كانت السياره ثقيلة لما تدعسها،، والحين رجعت طبيعيه

[سهمي نازل]

اشكركم جميعا وصار البلى بطرمبة البنزين

[محبكم2010]

عليكم السلام
اخوي انا ما اتوقع انه عشان البنزين نزل عن الربع وعندنا واحد 2005 ماعبي البنزين الين ما اشوف اللمبه او التنبيه اللي بالكمبيوتر على العموم الحمدلله والسياره زانت .