السلام عليكم ورحمة الله وبركاته ,,,
انقل لكم تجربتي مع لمبة التحذير لسير التيمن
السيارة تويوتا لاندكروزر فكس آر 2004
وانا مسافر خلال الاسبوع الماضي خارج الرياض ويوم وصل عداد المسافة الى 150000كم ولعت لمبة تحذير صفراء مكتوب بها (T.BILET)
استغربت وافتح الكتلوج واحصل عليك بمراجعة الوكيل لتغيير سير التوقيتات
بعد كل 150000كم !!
قلت وشوا ذا سير التوقيتات !!
واتصل علة واحد من الشباب راعي ورشة وقال هذا سير الجنزير (التيمن) ولازم يتغيير كل 150الف كم لانه يجي ربل في الفكس ار واللكزس والافلون اما الجي اكس ار فحديد ولا يتغير ابداََ.
وقال فيه طريقة برمجة للمبه تطفيها !!
وقال ضروي تغيره لانه يعدم المكينة لو انقطع لاسمح الله .
وصلت من السفر واروح لصيانة تويوتا عبداللطيف جميل اللي على طريق خريص واسلمهم السيارة واستودعها الله ,,
سلمتها الصباح وخلصت سعت (5) العصر والتكلفة قال القطع 1340 وشغل اليد 1200 المجموع 2540 وبعد الخصم 2185 ريالاً !!!
قلت خير سلامات ليش كذا !!
قال حنا غيرنا السير ومعه شدادين ووجه طرمية و طرمبة الماء وعبينا الرديتر موية جديدة الخ .....
قلت الشكوى على الله لازم ادفع ,,
الحمد لله استلمت السيارة والامور طيبة ,,
قلت اشوف السير القديم
(لان وكالة عبداللطيف يحطون القطع القديمة معك في السيارة)
واحصله (ماشاء الله) جديد ما تغيير !!
قلت لو داري ما غيرته الا بعد ال 200 الف كم !!
ونصيحة لا احد يغيره الا بعد الــ 200000كم للفكس ار وجيب اللكزس ,,
وتمت بالتوفيق
