الفزعه. تاهو LT ولا مازدا CX9 ?? الرجاء افادتي جزاكم الله خير

المازدا افضل من التاهو .. ومجرب .. وأنـا من ملاك التاهو 2010 .. ولكن المازدا

في (البر) والله ما ينبغى ولا بريال .. والقطع غير منتشرة.. والوكيل ضعيف ..

والتاهو ليس بالسيئ .. ولكن الحق يقال المازدا فيها روح شبابيه وأكثر عصرية ..

وأفضلها على التاهو في الطرق المعبدة .. تحياتي .

ابوديالا اسلوبك بلسم وصدرك رحب وفرصة سعيدة للتواصل معك وجزاك الله خير :xyxthumbs:

تاهو lt افضل بكثير

^^^^^
هلا والله
شف المشاكل اللي صارت باليوكن 2007 ما أحد يقدر ينكرها

وأنا بالحقيقة بمجرد ما ركبت السيارة وجربتها قيادتها بالوكالة عززمت على الشراء بدون ما أسأل عنها , لأنها دخلت بالدماغ مع إنه ما كانت لي تجربه سابقة مع الجموس ولأكون معك صادق كنت أنقد على اللي يشتورن جموس جديده ( سبحان اللي يتغير ولا يتغير)

تصدق زميل لي كان يشاورني بشراء يوكون 2005 من الوكالة وكنت أشد المعارضين لشراءه حتى خليته يشيله من راسه :a1120(86):

ولأكون معك صادق أنا لو كنت سامع بهالمشاكل قبل أشتري سيارتي ممكن أعزف عن الشراء , بس الحمد لله إني ما سمعت فيها :wink:

لأني أقولها الحين وبكل صراحه ماني متحسف على شراء سيارتي

وصدقني أنا من الناس اللي ماني متعصب , لأن بعضهم الله يهديه مهما يواجه من مشاكل بالسيارة راح يقول إنها أفضل سيارة لمجرد إنه شاريها

(((( أدري مشاركتي ملخبطه بس لا تلومني لأني كاتبها على السريع والكلام يتدفق مني بدون ترتيب)))

ابوديالا السلام عليكم جزاك الله خير واسف اني فهمتك غلط وماشاءالله لاقوة الابالله على سيارتك وسيارات جميع المسلمين والله يبارك لك فيها ويعطيك خيرها ويكفيك شرها وانا من اشد المعجبين بشكل التاهو واليوكون من موديل 2007 بعد ماشفت صورته قبل نزوله ب7شهور باحدالصحف وكنت ناوي اشتريه بعد ماوصل السعودية لولا الظروف المادية في ذلك الوقت واجلت الفكرة واشترى احداقاربنا2007ltzاول مانزل ب148000بالدمام وصديق العمر بالرياض اشترى2007ltاثناء العرض ب117000ومديري بالعمل اخذ يوكون 2008قريبنا اللي بالدمام نسى فصل الدبل بعدخروجه من البرومشى حوالي 5 كيلو ووقف وفصله وسمع بعدها صوت وراح للوكالة وغيرو له قطعة على الضمان قيمتها 3000ريال مجانا يوم مشى الموتر 65000خبط القير وهويتمشى هوواولاده وراح للوكالة وقالوانتهى الضمان وقيمة التوضيب 9000وان كانك تبي تغير جديد ب18000ريال وراح لورشة سهم ووضبوه ب5100وكلمت اليوم عليه ووالله العظيم يقول لي اني اذاسافرت عليه احط ايدي على قلبي ومديري بالعمل خبط قير اليوكون عليه ومامشى الا1500 وقعد عند الوكالة شهر وصديق العمر يوم سمع الحقائق عن هالخرابات قال بلاش طلعة بروهو قدحصل معه موقف غريب من التاهو يمشي باحد الشوارع بيوم فيه عج ودخل تحت سيارته من جنب كيس شعير ويوم وصل البيت شاف الكيس ملتف على عمود الكردان ويقول يوم سحبته كان منعقد باخر العمود من عند الدفرنس وشديته بقوة ومادريت الازيت الدفرنس كله بالارض وسحبته الوكالة وصلحته مجانا وغير خوينا اللي اخذ دينالي ب184000ووالله ماكمل 800كيلو الا القير مخبط ووالله على مااقول شهيد ان هذا اللي حصل معهم وغيرالقصص اللي موجودة بالمنتدى عن مشاكل اليوكون والتاهو طبعا موقفي انا تغير وتوقفت عن شراءه حتى اخوي كان مغرم فيه وبقوته وانصحه قريب لنا له معرض سيارات بالابتعاد عنها واخذ اكسبدشن ومبسوط عليه بدون مشاكل وطبعا لايقارن شكل التاهو وديكوره الداخلي بالاكسبدشن بس وش انسوي ابعد عن الشر وغني له واسال مجرب ولاتسال طبيب واللي اعرفهم وصارت لهم المشاكل وش مصلحتهم يكذبون وخاصة حنا في مجتمع كلن يمدح اللي معه وانا ماقول كل التاهو واليوكون الي موجودة كلها مشاكل فيه ماشية معهم زي الحلاوة بس وش يضمن لي ان اللي ابشتريها بتكون مضبوطة لذلك انااخذت موقف منه والدعوة وانا اخوك قبل كل شي توفيق من الله وفيه مقطع باليوتيوب مشكلتي مع اليوكون ياليتك تشوفه والله يوفقك لما يحبه ويرضاه والف شكر

اشوفكم تذمون في السي اكس ناين وكان التاهو مافيه عيوب

اول شي المقارنة غير عادلة بين السيارتين

لان التاهو اس يو في

والسي اكس 9 كروس اوفر

وبعدين السي اكس ناين افخم من التاهو ..والديكورات الداخلية

اكثر جودة من التاهو والبلاستيك المليان فيه

يكفيك ان السي اكس ناين الستاندر جلد !! وجنط 19 "!!

وسعره 130 الف ريال

ومحرك 6 سليندر طيااارة ...

وبالنسبة لي اشوفه افخم من التاهو

التاهو اصبح شكله ممل في كل شارع تشوفه

وقطع غيار المازدا يكون في علمكم رخيصة ولا توصل لغلاء الهوندا او حتى الشفر

يعني مثال اصطب خلفي للزوم 6 بـ 300 ريال ومع العلم انه ليد

ولا تقللون من قيمة الموتر اذا ما تعرفون عنه شي

هلا ومراااااحب

أولاً أعتذر منك إذا كنت زعلت من ردي بس يمكن كنت مروق بزياده ومستخف دمي :bigggrin:
وأرجو تقبل عذري أنت وجميع من قمت بالرد عليه لن الواحد لما يرد يفرغ مابه من مشاعر
( لما يكون معصب يقعد يهاوش , ولما يكون مروق بقعد يستهبل , ولما يكون ماخذ مقلب بنفسه يقعد يتفلسف)

أول شي بالنسبة لكلامي عن الدبل إنه يكلف 30 ألف فهذي جملة أخذتها أنت من سياق مشاركتي ولو ترجع لها كاملة لوجدت أن هذا المبلغ مجرد تخويف للعامل لا أكثر ولا أقل مع العلم إني ما أعرف تكلفة الخراب لو خرب لا سمح الله ممكن أكثر أو ممكن أقل

أما سالفة إضحاك الآخرين فزي ما أنت عارف كلنا نتكلم من خلف كيبورد وهذي تعليقه على السريع لرسم البسمه على وجيه الأعضاء ,, ولا أنت موجود أمام الكل حتى نقول إني أحرجتك قدام الكل وبعدي زي ما أسلفت هي مجرد مداعبه ووناسه وأنا تعمدت إستخدام الرموز حتى تعرف ما بخاطري .
وأما اسعار القطع فمثل ما أسلفت إنه بعضها مغلوط وذكرت الدليل اللي عندي وأنا كنت متأكد إن الأسعار ما جبتها إلا وعندك طرف علم عنها ..

أما سالفة نزول الأسعار فأنا شريت المرايه منذ مبطي يعني من أول ما شريت السيارة

أما سالفة إن موديلات 2007 و 2008 سيارات لا يعتمد عليها ... فكلاً يعد ما واجه

أنا الحمد لله سيارتي موديل 2008 وماشية لحد الآن 93 ألف كلم ( ماشاء الله ) لزوم العين :tongue:

واللهم لك الحمد والشكر لم تتعطل علي بتاتاً سوى أقفال البيبان
ولم أغير أي شي فيها سوى الزيت فقط لا غير

وسافرت عليها لجميع مناطق المملكه من حدود اليمن لحدود الأردن ومن البحر الأحمر للخليج العربي والمنطقتين اللتي لم أصلها بسيارتي هي الحدود الشمالية ومنطقة الجوف وخلال الأشهر الثلاث سأقوم بجولة عليها إنشاء الله

أما سالفة إعتماديته بالبر فالحمد لله بالطعوس ولا أروع وسبق وأن تحديت سيارات( لاندكرزور , برادو , ..) بالطعوس وكانت الغلبة للتاهو بكل أمانه وصدق

أتمنى أكون أفدتك بما لدي من معلومات

وأقدم لك خالص إعتذاري إن كنت أخطأت عليك

ابوديالا انت تقول باحد ردودك ان خراب دبل التاهو يكلف 30الف هل هو صحيح والا المعلومة من راسك اذا ماهو صحيح انت اللي تحتاج للمحاكمة اما معلوماتي عن الزجاج الخلفي زميلي اشترى تاهو 2008جديد واخذ لاب توب من جرير وحطه ورى ويوم طلع من استراحة زملاءه وجد الزجاج الخلفي مكسور ومسروق اللاب توب وراح للوكالة ووجد السعر حول 5500وركبه من السالم للزجاج ب2400 والرفرف الخلفي ب5600 واحد من زملائي معه يوكون 2008 صدمه شاص بالرفرف الخلفي الايسر وقالو له ورشة وفا مايتسمكر ولقاه بالوكالة ب5600والمرايا الجانبية صاحب معرض سيارات على الدائري الشرقي انسرقت المرايا الجانبية بالكامل لتاهو وويوكون 2007 كان موقفهن برا وقال لنا سعرهن بالوكالة 3700 بس مادري كم اسعارهن بالوقت الراهن لان الامريكي تنزل اسعار قطعة مع مرور الوقت وشكرا لاسلوبك الراقي بالرد ومحاولة اضحاك الاخرين بس اسمحلي التاهو واليوكون سيارات لايعتمد عليهن بالبر من كثر مشاكل الدبل والقير لموديلات 2007 و2008 ومادري عن 2009 و2010 بعد ماغيرو القير وشكرا

غريبة... أنا والله أزعجوني يبوني أجربها يوم رحت الوكالة في الرياض... لكني توكلت على الله وخذت لي lexus rx350 مع أن نفسي كانت تميل للمازدا وتوفير الفلوس $$ :P ولكن اخوياي هزئوني وقالوا "مازدا؟؟ مازدا, من جدك انت؟؟!"

وانا طبعا كنت مطلع فكرة الـ FX35 من راسي لانها مصخت كل مامشيت مكان شفتها لدرجة ان شكلها صار ماينطاق...

شكرا جزيلا للاخوان الي تفاعلوا مع طلبي وجزاهم الله خيرا ويسر امورهم...

شكل التاهو هو بإذن الله اقرب... مش علشان شي بس علشان الموقف الي صار لي مع وكالة مازدا "غير المحترمه"...

امس رحت للوكالة ابي أسأل كم سؤال واجرب السياره قال لي مندوب المبيعات "سيارات تجربة ما عندنا بس دور بين اخوياك اذا احد عنده مازدا واطلبه يخليك تجربها" !!!!!!

قلت له واذا ما عندي احد معه جيب... قال دور في شركات التأجير !!!!

انصدمت من تبلد الاحساس وقلة الادب..وقلت خلو موتركم لكم اذا هذا اولكم ينعاف تاليكم...!!

بصراحه مازدا قد تكون سياراة عظيمه ورائعه...بس وكيلها (#$^^%^&^% ) !!

شكرا مره اخرى يا احبتي على تفاعلكم

صحيح طلع نص قيمة التاهو كلها قزاز ومرايا ... اجل المكينة بكم والقير بكم

اعرف واحد باع مازده الجيب بسبب عمود الكردان انكسر عليه وهي جديدة

انا استخدم مازده 3 حقت العمل .. قطعها غالية اذا الصيانة الدورية عند الوكيل طلب 700 ريال بس تشيك وغيار زيت وسيفون .. فلتر الهواء 185 ريال بالوكالة

وهي معروف عنها انها قطع غياره أغلى مثل هوندا وميتسوبيشي وسوزوكي وديهاتسون

مثل السيارات الالمانية بي أم دبليو واودي وفلوكس واجن والاروبيه جاكور ولاند ورانج روفر

ثانيا انا ملاحظ شيء .. اول الناس بزوا فيها .. ثم الحين تلاقيها مع شركات واجانب
نظرتي مستحيل سيارة فقدت سمعتها 1980 كمبيعات ترجع بعد 20 سنة للسوق بجوده وثقه للمستهلك .. وجهة نظري

الله يهديك بس منين جبت هالأسعار قعدت تزود صفر على كل تسعيره ,,القزاز الجانبي الخلفي الثابت للموديلات مثل2004 بــ350 بس ماهو من الوكاله القزاز الخلفي ,,انا ما اعرف سعره لاكن ماراح يتعدى 800 ,,وان شأ لله راح اسعر القطع واوافيكم بها حتى نتأكد يعني 5500 السياره بها 8 قزازات يعني بس قيمة القزاز 44000 +المرايا7200=51200 يعني نصف قيمة السياره قزاز ومرايا

^^^
ياويلك من أبو ديالا
:bigggrin:
وهو صادق
لكن للأمانة أنا أذكر أن المراية الجانبية [ القزاز ] فقط
أنكسر وغيرته من الوكالة بـ 300 ريال //
بس أتوقع أنو بالسعر هذا يقصد القزاز الجانبي مهب المراية //

شف يا حبيبي أنت مطلوب للمحاكمه لمعلوماتك المغلوطة ولا لك مافر إلأ بالأعتراف بأن معلوماتك من راسك أو واحد ضاحك عليك ومعطيك هالأرقام . :tongue::tongue::tongue::tongue:

أنا الحمد لله ما شريت قزازه وما أدري وش هو الرفرف الخلفي؟؟؟

بس اللي متأكد منه إني إشتريت بنفسي مراية جانبيه من (((( الوكالة ))) لفئة lt بملبغ 550 ريال

ولو رحت لـ ( إي سي ديلكو أو أوتوستار) كان ممكن أحصلها بنصف السعر

التاهو من واقع تجربة وأنت الحكم //
[ المازدا ما عندي عنها أي معلومة ]

المازدا ماعرفها انا خابر المازدات القديمه داجّه بس التاليات ما اعرفها ,التاهو معروف بدون ماتسأل عنه .

بالتوفيق